03 September 2014

කාරුණික නිවේදනයක් සමඟින් අමුමිරිස්වලට විකල්පයක්...

හිතවත් අහිතවත්.. (ඇයි එහෙම උන් නැද්ද..? :D ) සියළුම බ්ලොග් ලියන කියවන සෑම දෙනා වෙතත්... බුකියේ යාළු මිත්තරයින් වෙතත් කරන කාරුණික දැනුම් දීමයි.

මේ දිනවල බුකිය හා සිංහල බ්ලොග් මූලික කරගෙන කරගෙන යනු ලබන අමුමිරිස් වැඩසටහනට අදාලව කිසිදු අභියෝග කිරීමකට මාව ලක් කිරීමෙන් වලකින ලෙසත් එසේ අභියෝග කලත් මා එය කිසිදු අයුරකින් බාර නොගන්නා බවත් ප්‍රකාශ කර සිටිමි.

එකී වැඩ සටහන හරහා වකුගඩු රෝගීන්ට උපකාර කිරීම වැනි යහපත් අරමුණක් මූලික වූවත් ඒ හරහාම තවත් අය අපහසුතාවයට ලක් වීමට හැකියාවක් ඇති නිසාත් තවත් හේතු කාරනා නිසාත් එයට සම්බන්ධ විමට මා අකමැත්තෙමි.

එකී හේතුවක් පැහැදිලි කිරීම වැදගත් වනු ඇතැයි සිතමි. 

විශේෂයෙන්ම මෙම වැඩසටහන මගින් අන් අය වෙත අයුතු බලපෑමක් වන බව මාගේ අදහසයි. පිට රටක ආරම්භ වූ අයිස් බකට් වැඩසටහනක් වෙනස් කරගනිමින් ලංකාවට ගැලපෙන ආකාරයට සකස්කල වැඩසටහනක් යනුවෙන් සදහන් වෙන අමුමිරිස් කෑමේ අභියෝගය වැනි මිනිසුන්ට අයුතු බලපෑම් කරවන වැඩ සටහන්වල ආරම්භය අයිස් බකට් නොවන බවත් මුලින්ම මතක් කර දෙන්නට කැමැත්තෙමි... මා දන්නා එවන් මීට පෙර පැවති වැඩ සටහනක් ගැන සිහිපත් කලද.. එයටත් එහා ගිය එවැනිම දේවල් ඕනෑ තරම් තිබෙන්නට ඇත...

මෙයට වසර ගණනාවකට පෙර තැපෑලෙන් නිවෙස්වලට ලැබුනු එක්තරා ලිපියක් ගැන මතකය මෑත කාලයේ උපත ලබා ඇති අය හැරුනුකොට බහුල වශයෙන් තැපැල් ලිපි හුවමාරු සිදු වූ සමයේ අත්දැකීම් ඇති අයට මතක ඇතිවාට සැක නැත...

මතකද අනුරාධපුරේ කළු දිය පොකුණකින් මතු වූ නාගයා...?

අනුරාධපුරයෙන් මතු වූවා යැයි කියන මහා නාගරාජයකු විසින් කිව්වා යැයි කියන බුදු දහම ප්‍රචලිත කිරීමේ වැඩ සටහනත්.. ඒ හා සමාන්තරවම ක්‍රිස්තියානි කතෝලික දහම් ප්‍රචලිත කරවන වැඩ සටහන්ද එවැනිම ආකාරයේ ලිපි වලින් අප නිවෙස්වලට ලැබුනු බව දන්න අය තාමත් ඇතැයි සිතමි. එකී වැඩ පිළිවෙලෙහිද වූයේ මෙවැනිම දම්වැල් ක්‍රමයක් මෙන්ම පිරමීඩ් ක්‍රමයකි. එකි ලිපිය ලැබෙන කෙනෙක් වෙතොත් එහි පිටපත් දහයක් තවත් දහදෙනෙකුට යැවිය යුතු වේ. එසේ නොකලහොත් එසේ වැඩපිළිවෙල කඩ කල තැනැත්තාට දරුනු සාපයකට ලක් වීමට සිදු වේ.. ඒ අනුව එසේ කල අයට බලවත් කරදර දුක් පීඩා උරුම වේ.. ලිපියේ ආකාරයටම වැඩ කල අයට ස්වීප් ඇදෙනවා.. මැණික් හම්බ වෙනවා වගේ පගාවලුත් තිබේ... :D 

මේ මා කියනා දේවල්වත්.. එසේ සැබෑවටම සිදුවන දේවල්වත් නොව.. එහි සදහන් වූ ආකාරයයි...

මෙය අනිසි බලපෑමක් වන්නේද නැද්ද...? පුද්ගලයින් තුල ඇති සංවේදී දුර්වල තැන් ස්පර්ශ කර ඔවුන් තුල භීතිය ලැජ්ජාව ඇති කොට අදාල ක්‍රියාවට කෙසේ හෝ නම්මා ගැනීමේ තුච්ඡ වැඩ සටහනක් එකී ලිපිය තුලින් සිදු විය... 

“හයියෝ ඕවනං මොනවදද කවුද ඒවා ගණන් ගන්නේ..?“

ඔහොම කියන්න හරි ලේසියි නේද..? දැන් උනත් ඔය කතාව මං කිව්වාම අහන කියවන කෙනෙකුගේ කටින් ලේසියෙන්ම පිට වන වචන ටික ඔය ටික නෙවෙයිද..? ඒ දවස්වලත් ඔහොමම කිව්වා හුග දෙනෙක්.. හැබැයි අනිත් අතට සද්ද නැතිව ලියුං කවර දහයක් ගෙනිහිං තමන් දන්න කියන ලිපින ටිකකට ආයෙම ලිපි යැව්වා... :D සමහරු දහයක් නැතිව පහක් විතර යවලා ඒත් මදෑ ලොකු අවුලක් වෙන එකක් නැහැ කියලා හිත් හදාගත්තා... 

මේ වැඩේදී ඇත්තටම භාවිතා වෙන්නේ පුද්ගලයින්ව කලු තැපැල්.. එහෙම නැත්තං සිංහලෙන් අපි කියන විදියටනං බ්ලැක් මේල් කිරීමක්ම තමයි... ආගමට දහමට හෝ.. සාප කිරීමකට.. හදි හූනියමකට බයේ වැඩ පිළිවෙලට අනුගත වීමක් බොහෝ දෙනෙකුගෙන් නිරායාශයෙන්ම සිදු උනා... හැබැයි අර ලිපියේ සාප කිරීමක් හෝ පගාව දීමක් නැතිව අදහන ආගමේ නාමයෙන් හෝ සැබෑ ශ්‍රද්ධා භක්තියෙන් කරන්න කිව්වනං ඕක ලිපි තුන හතරකින් නතර වෙන්නත් තිබුනා.. ඒ තරමටම ශ්‍රද්ධාවන්ත අයනේ අපේ ඉන්නේ... :D

එතකොට මේ අයිස් බකට් වැනි වැඩ සටහන්වලයි අරකෙයි ලොකු වෙනසක් තියෙනවද..?

ඔව් තියෙනවා.. ඒක තමා හුග දෙනෙකුට දෙන්න පුළුවන් උත්තරය.. කෙලින්ම කිව්වැකි මේකෙන් කරන්නේ මිනිස්සුන්ට යහපතක් වෙන වැඩකට මුදල් එකතු කිරීම අරකෙන් එහෙම නැහැ කියලා... ඒත් අපි හරියටම නොදන්නවා උනාට ඔය ලිපියේ එන කතාවත් ඇත්තම සීන් එකක් උනානං.. එහි සඳහන් වෙන ආගම මොකක් හෝ වේවා.. ඒ තුලින් මිනිස්සුන්ට යම් කිසි සහනයක් සැනසිල්ලක් ලැබෙනවනං...? එහෙම ගත්තම අපිට කියන්න පුළුවන්ද එකෙයි මෙකෙයි අතර ඇති වෙනසක්...
(සෝම හාමුදුරුවන්ගේ අපවත්වීමට පස්සෙත් මෙවැනි ලිපියක් ප්‍රසිද්ධියේ ඉරා දැමීම එකී අපවත්වීමට හේතු වූවයැයි යවන ලද ප්‍රචාරයකුත් තිබිණි)

පොදුවේ ගත්තම මං අර කියාපු ලිපියෙන් මිනිස්සු භීතියට පත් කරවලා තමුන්ගේ වැඩේ කරවන්න මනුෂ්‍යයාව පොළඹවගන්නවා.. මෙතැනදී මිනිස්සුන්ගේ නම්බුව ගෞරවය පරදුවට තියවලා කාරනාව ඉෂ්ඨ කරගන්නවා...

අරමුණ මොන තරම් යහපත් එකක් උනත් ඒක ක්‍රියාවේ යොදවන ක්‍රමයේ වරදක් තියෙනවනං ඒක කියන්න පැකිලෙන්න ඕන නැහැ කියන තැනයි මං ඉන්නේ.. මම දන්නවා මේ ලිපිය දැමීමත් එක්කම ඇතැම් විට බොහෝ පිරිසක් මාත් එක්ක එකඟ නොවෙන්න වගේම මාත් එක්ක තරහා වෙන්න උනත් ඉඩ තියෙනවා.. ඒත් මට පේන දේ නොකියා ඉන්නවට වඩා කියන්න තියෙන දේ කියලා දැම්මම අඩුම ගානේ මං මගේ හිතට එකඟව වැඩ කලා කියන හැගීම මට ඉතිරි වෙයි.

කොහොමද මේකෙන් මිනිස්සුන්ට අයුතු බලපෑමක් වෙන්නේ...?

ඔන්න අපි පටන් ගනිමු උදාහරණයකින්...

කෙනෙක් ඉන්නවා බොහෝම පින් අතේ වැඩ කරන.. ඒවට අත දිග ඇරලා වියදං කරන... ඒත් මොනම හේතුවක් නිසාහරි මේ වෙද්දි ඉන්නේ හිර වෙලා... එහෙම නැත්තං වෙන මොනවට හරිත් සල්ලි නැතිව.. එහෙමත් නැත්තං මෙයිට වඩා ප්‍රමුඛතාවය දියයුතු සමාජ සේවාවක් අතරතුර... කොටින්ම කිව්වොත් මේකට සල්ලි දෙන්න විදියක් නැහැම තමා.

ඔන්න ඒ අස්සේ එයාටත් අභියෝගයක් එනවා... දැන් මොකද කරන්නනේ... කාට හරි ණය වෙලා හරි වැඩේ කරනවද..? නැත්තං සද්ද නැතිව ඉන්නවද...? පලවෙනි ක්‍රමය කරන තැනට කෙනෙක්ව අපහසුතාවයට පත් කරවන එක හරි නැති වැඩක් කියලා අමුතුවෙන් කියන්න ඕන නැහැනේ.. දෙවැනි ක්‍රමයට සද්දේ වහලා හිටියොත් මේක බලං ඉන්න අය අහන්න පටන් ගන්නවා.. කෝ අරයා අභියෝග කලා ඔයා මොකද කරන්නේ... කියලා.. ඒකටත් උත්තර නැති උනාම ඔන්න පටන් ගන්නවා අම කෙනාය විවේචනය කරන්න.. සමහර විට ඒක දරුණු පුද්ගල අපහාස දක්වා වර්ධනය වෙන්න පුළුවන්.. මොකද අපි දන්නවා මෙහෙම පොටක් පෑදෙනකල් බලං ඉන්න මිනිස්සුත් ඉන්නවා තව කෙනෙකුට අපහාස කරන්න... ඉතිං අවසානයේ වෙන්නේ මෙච්චර කාලයක් අනිත් අයට උදව් උපකාර කල කෙනෙක්ටත් මේ මගුලක් හින්දා නිස්කාරනේ කාගෙවත් කුණු කතා අහන්න නෙවෙයිද..?
ඕනනං පුළුවන් පැහැදිලි කරලා හේතු සීයක් විතර ලියලා මග අරින්නත්.. ඒත් එතකොටත් කට්ටිය ආ හරි කියලා අල්ලලා දායිද... (අයිස් බකට් වැඩපිළිවෙලේදීත් තනුජා ජයවර්ධනට අභියෝග කරන ලද විටක ඇය එයින් ලිස්සා ගිය ආකාරය කියා තනුජාගේ ප්‍රකාශයක් යම් කිසි අයකු විසින් උපුටා දමනු මා දැක ඇත. ) 

හරි අපි හිතමු කෙනෙක් ඉන්නවා මෙලෝ සමාජ සේවා වැඩකට නැහැ.. කාටවත් කීයක්වත් දෙන්නේ නැහැ කියලම.. ඒත් කාටවත් අයිතියක් තියෙනවද ඒ මිනිහට මෙහෙම අභියෝගයක් කරවලා ඒ මිනිහට බලපෑම් කරවන්න.. මිනිස්සු ලවා නින්දා කරවන්න..? මංනං හිතන්නේ කිසිම අයිතියක් නැහැ... එහෙමනං මේකෙන් වෙන්නේ මොනවද..?

හොදයි දැන් මේ කාරණාව ගැන අමුමිරිස් අභියෝගයේ මූලිකයා හැටියට දැනට කටයුතු කරනු ලබන (මා දන්නා තරමින්) රසික නානායක්කාර හෙවත් අපි කවුරුත් දන්න රනා මට පැහැදිලිව කියනවා “එහෙම වෙන එකක් නැහැ.. කෙනෙක් තව කෙනෙකුට අභියෝග කරද්දි අනිවාර්යයෙන් ඒ කෙනාගෙන් කලින් අහලා අවසර අරං තමා කරන්න ඕන.. එහෙම නැතිව ආවට ගියාට එහෙම කරන්න බැහැ ඒක අපේ නීතියක්“ කියලා... ඒකත් හරි තමා.. නියම ක්‍රමයක්.. එතකොට කැමති කෙනෙක් ඒ වැඩ පිළිවෙලේ ගමන් කරයි අකමැති අය තමන්ගේ පාඩුවේ හිටියි... ඒත් කියනකොට එහෙම උනාට කරනකොට එහෙම වෙන්නේ නැති අවුලක් තියෙනවනේ අපේ රටේ...

ඇත්තටම මං මේ කාරනාව මුලින්ම රනා හෙවත් රසිකට කිව්වේ එහෙම දෙයක් වෙන කාට හරි විය හැකියි නේද කියන පොදු කල්පනාව මත පිහිටලා.. මොකද මං දන්නවා මං ඔය ඕන දෙයක් කියලා ඇරියට එහෙම අදහස් ප්‍රකාශ කරන්න වැඩිය ඉදිරිපත් වෙන්නේ නැති ඒත් අපහසුතාවයන්ට පත්වන අය ඉන්නවා කියලා... ඒ හින්දා එහෙම හඩක් නැති අය වෙනුවෙනුයි මං රනාට කතා කලේ.. ඒත්...  කියන්න කණගාටුයි පින්වතුනි වැඩේ මටම සිද්ධ උනා.. කාගෙවත් අතින් නෙවෙයි අපේ හිතවත් වෙනී අයියා වෙතින්.. වෙනී අයියා දැන හෝ නොදැන කිසිම දැනුවත් කිරීමකින් තොරව මාවත් නම් කරලා තිබුනා... ඒකෙදි වෙනී අයියට මං මොනවත් කියන්න යන්නේ නැත්තේ වැඩපිළිවෙලේ තියෙන අඩුවට වෙනී අයියා අහු උනා කියලා මං දන්න නිසයි... ඒ කියන්නේ අභියෝග කරද්දි කලින් දැනුවත් කරලා කල යුතුයි කියන දේ ඒ වෙද්දි වෙනී අයියට පණිවිඩයක් හැටියට හරියට ලැබී නොතිබීම නිසා විය යුතුයි. කොහොම උනත් වෙනී අයියත් එක්ක මගේ තියෙන අතිජාත මිත්තරකම සලකා මම නිහඩව හිටියා.. ඒත් පස්සෙන් පහු ඔය ගැන බුකියේ මගේ ස්ටේටස් එකක් එකක වෙනී අයියා මට නැවත සිහි කැඳවීම් කරන අතරේ මම වැඩපිීළවෙලට මගේ ඇති අකමැත්ත කියන වෙලේ මෙන්න තවත් කෙනෙක් මං මුලින් කාට හෝ කෙනෙකුට වෙයි කියලා හිතුව ආකාරයටම මටම දීපී පෝරියල් එක... මං ඒකත් මෙතනම දාන්නං.. 



නම් ගම් මකන්න යන්නේ නැහැ මොකද වෙච්ච දේ හැමෝම දැක්ක හින්දා... අනික මේකට සම්බන්ධ උන පුද්ගලයා උන නුවන් දිවාකර (මං හිතන්නේ බ්ලොග්වල ඉන්නේ ස්කයි මෑන් වගේ නමකින් වෙන්න ඕන) අඩුම ගානේ කෙලින්ම මේක කිව්ව හින්දා.. නැත්තං මෙහෙම නොවී වෙන වෙන තැන්වල පිලිකණුවල කතා කියන එකනෙ වැඩි දෙනෙක් කරන්නේ.. ඒ හින්දා නුවන්ට මං ස්තූතිවන්ත වෙනවා මට මිනිස්සුන්ට උදාහරණයක් දෙන්න හරි හමන් දෙයක් සැපයීම ගැන...

පැහැදිලියිනේ වැඩ කටයුතු සිද්ධ වෙන ආකාරය...

ඉතිං තව දුරටත් ඒ ගැන උදාහරණ දිය යුතු නැහැයි කියලයි මං හිතන්නේ.. කොහොම නමුත් ඔය සිදුවීමෙන් පසුව නැවතත් රනා මාත් එක්ක කතා කරලා අර මුලින් කී පරිදි අභියෝග කිරීම විධිමත් කරවන්න පොරොන්දු වෙලා ගියා...

ඒත් කණගාටුයි අද දවසේදීත් තවත් ළමයෙක් අමුමිරිස් අභියෝගයක් ගැන කියලා මාව ටැග් කරලා තිබුනා.. ඒක නිසි ආකාරයට සිද්ධ උන අභියෝග කිරීමක් නෙවෙයි.. ඒ ගැනත් වෙනම කියන්න එපෑ.. අඩුම ගානේ ඒ ළමයා මිරිස්කාලවත්.. වීඩීයෝ එකක් දාලවත් නෙවෙයි අභියෝගය කරන්නේ නිකම්ම... හොයලා බැළුවම ළමයා ඒ වැඩ පිළිවෙල ගැන හරි හමන් දැනුවත් වීමක් ඇත්තේම නැතිවයි වැඩේ කරලා තියෙන්නේ.. දැන් මොකද කරන්නේ... කවුරු හරි දැනුවත් නොවුනට අපි පලි නැහැ කියලා බේරෙන එකද...? නැත්තං හරියට දැනුවත් කරන්න වැඩ කරන එකද...? ඊයේ දවාලේ පොරොන්දු වූ පරිදි මේ වෙනකොටවත් හරි විදියකට තරඟය ගැන දැනුවත් කිරීමක් අදාල අංගය වෙනුවෙන් සාදා ඇති ෆේස් බුක් පිටුවේවත් ක්‍රමවත් විදියකට මේක ලියන මේ මොහොත දක්වාමත් නැහැ. ඉතිං අනිකුත් දැනුවත් කිරීම් ගැන මම එයින් එහාට කතා කරන්න යන්නේ නැහැ.. වැඩේ මේ වෙනකල්ම පතුරවන ආකාරය බලනවා මිසක් එයින් වන අගතිගාමී තත්වයන් පාලනය කිරීම වෙනුවෙන් කටයුතු කිරීමක් වෙලා නැහැ.

ඔහොම තමා වැඩ කරද්දි අඩු පාඩු සිද්ධ වෙනවා... එහෙමත් කිව්වැකි.. ඒත් මේ වගේ වැඩක්.. විශේෂයෙන්ම ලක්ෂ 30ක් වැනි දැවැන්ත මුදලක් එක්ක ගනුදෙනු කරන්න හදන වෙලාවක මේ වගේ සුවිශේෂී කාරනා ගැන මෙයිට වඩා සැලකිලිමත් විය යුතුද නැද්ද කියන එක මටනං විශාල ගැටළුවක්.. මොකද මේ වගේ දේවල් සිද්ධ වෙන හැටිත් ඒවට වැඩපිළිවෙල සකස් කරන හැටිත් මූලිකවම සංවිධානය විය යුතු දෙයක්.. එහෙම නැතිව දඩි බිඩියේ ඔහේ හිතුන ගමන් කරන්නං වාගේ කරන වැඩ මේ වගේ විශාල මුදලක් ගෑවෙන තැනක කරන එක ඒ හැටි හොඳ දෙයක්නං නෙවෙයි..  එන එන අතට සක්ක ගැහීම මෙහෙම දේකදී හරියන්නේ නැහැ. විශේෂයෙන්ම රනා වැනි දේශපාලන සංවිධාන ශක්තියක් පවා ඇති අත්දැකීම් සහිත අයකු මූලිකවී සිටින විටදී පවා...

ඉතිං ඔය වගේ හේතු පැහැදිලිව පේන වැඩකට සම්බන්ධ වීම කිසිසේත්ම මගේ ප්‍රතිපත්ති මත හරියන වැඩක් නෙවෙයි. රැල්ලට යන වැඩවල රැල්ලට අහුවෙලා වැඩ කිරීමත් මගේ පොතේ නැති දෙයක් ඒ හින්දා මේ වගේ අයුතු දාමයකට මගේ සම්බන්ධයක් නැහැ.

ඒත් මේ වැඩ පිළිවෙල නවත්වා දැමිය යුතුයැයි හෝ අන් අයත් මෙයට ආධාර නොදී සිටිය යුතුයි කියා කියන්නටද මා කැමති නැත. කැමැත්තෙන්ම මෙවැනි වැඩ වලට සම්බන්ධ වන අය ඒ දේ හිත සංතෝෂනේ කිරීමයි වැදගත් වෙන්නේ.. බලපෑමකට යටත්ව හෝ පොඩි ප්‍රසිද්ධියක් ගැනීම වැනි දෙයින් තොරව එකතු වීම කිසිදු වරදක් නැත.

විශේෂයෙන්ම මෙහිදී කිව යුත්තේ මා මේ ලිපිය පල කිරීමෙන් අදාල කටයුත්තට බාධා කිරීමට කිසිදු උත්සහයක් මගේ නැත. ප්‍රධානම අරමුණ වන්නේ හඩක් නැතිව සිටිනා අයට අගතියක් නොවන්නට ඔවුන් වෙනුවෙන් කතා කිරීමත්.. පෞද්ගලිකව දැනට සිදු වූ අපහසුතාවයන් ඉදිරියේදී මට ඇති නොවීමටත්.. වරින් වර කෑලි කෑලි අදහස් දක්වා මේ වෙනුවෙන් මගේ කාලය නාස්ති කරන්නට අකමැති වීමත් යන කාරණාය...

ඒ හැර දැනට ඇති අඩුපාඩු ගැන මැසේජ් හරහා කතා කලාට ඉක්මනින් පැහැදිලි විසඳුම් දීමට අපහසු නම් මෙවැනි දැනුවත් කිරිමක් හරහා හරි දැනුවත් ව වැඩ සටහනෙහි ඇති අහිතකර තත්වයන් අවම කොට මනාව සකස්කොටගෙන ක්‍රියා කිරීමට තල්ලුවක් දීමටත් මෙයින් හැකියාවක් ලැබෙනු ඇතැයි බලාපොරොත්තු වෙමි. ඒ හැර ඉතිං මෙහෙම දාන දේවලුත් හරියට පාවිච්චි කලොත් මාකටින්ම බව කාරණා දන්නා අය දන්නවා ඇතැයි සිතමි. (හරියට පාවිච්චි කලහොත්)

එයට අමතරව කරන්නට හදන වැඩ සටහන සම්බන්ධව තවත් මාගේ ඇති අදහසක් ඉදිරිපත් කරන්නටද කැමැත්තෙමි...

එයට පෙර මෙම ලින්කුවේ ඇති ලිපිය කියවා බැලීම යම් පහසුවක් වනු ඇත..


සරලව කිවහොත් ඕකේ සෞඛ්‍ය ඇමති මෛත්‍රීපාල සිරිසේන උන්නැහේ කියනවා 

//2014 වර්ෂයේ දී රුපියල් බිලියන 3.8 ක මුදලක් සෞඛ්‍ය ක්ෂේත‍්‍රයට අවශ්‍ය නවීන උපකරණ මිල දී ගැනීමට වෙන් කර ඇතත් තවමත් රුපියල් බිලියනයකවත් උපකරණ මිල දී ගෙන නැතැයි // කියලා...

ඉතිං දැන් මේ කටයුත්ත හරහා ලක්ෂ තිහක් සොයා ගන්න උත්සහ දරන වෙලාවේ මෙයිටත් වඩා පහසුවෙන් මේ කටයුත්ත කර ගැනීමේ මාර්ග තියෙන බවයි මටනං පෙනී යන්නේ... 

මිනිස්සුන්ට අමාරුවෙන් අමුමිරිස් කවනවට වඩා.. වකුගඩු අමාරු හොද කරන්න ගිහින් ගැස්ට්‍රයිටිස් කාරයින්ට ඒ අමාරු වැඩි කරවනවටත් වඩා ලේසියෙන් මේක කරගන්න පුළුවන්... උවමනා කරන්නේ පොඩි සංවිධාන ශක්තියකුයි හරි හමන් සම්බන්ධීකරණයකුයි විතරයි... ඒත් කියන්න සංතෝෂයි ඒ දෙකම තියෙන කෙනෙක් අපිට මේ වෙලාවේ ඉන්නවා... අන්න සෞඛ්‍ය ඇමතිතුමා ගාව සල්ලි තියෙනවා... මෙන්න මෙහෙ වැඩේට කරගන්න හොඳම ජොකියා වෙච්චි රසික නානායක්කාර හෙවත් අපේ රනාතුමා මෙහෙං ඉන්නවා...

දැන් කෙරෙන්න ඕන පොලොන්නරුව රෝහලට අදාල යන්ත්‍ර සූත්‍ර ලබා දීමට මුදල් පාස් කරවා ගැනීමක් සහ ඒ වැඩ පිළිවෙල කඩිනම් කරගැනීමක් විතරයි... ඒකට අත ගහන එක තමා රනාට කරන්න තියෙන්නේ... ඒකට කල හැකි.. ඒකට සුදුසුම කෙනත් රනාම තමයි... ඇයි එහෙම කියන්නේ...

එක පැත්තකින් ගත්තම මේ වගේ සද්කාර්යයකට බය නැතිව අත ගහලා මේ වෙලාවේ මේකේ නායකත්වය දරන්නේ රනා වීමත් අනිත් පැත්තෙන් සෞඛ්‍ය ඇමතිතුමාට කිට්ටු කරන්න පුළුවන් හොඳම කෙනා රනා වීමත්... මං දන්නා තරමින් මෛත්‍රීපාල සිරිසේන උන්නැහේ ප්‍රධාන ලේකම් වෙච්ච සිරිලංකා නිදහස් පක්ෂයේ ප්‍රභල සාමාජිකයෙක්වගේම කටාන ආසනයේ සිරිලංකා නිදහස් පක්ෂයේ දේශපාලන සංවිධානවල ප්‍රභල තනතුරු හොබවන ක්‍රියාකාරී පුද්ගලයෙක් වගේම සිරිලංකා නිදහස් පක්ෂයෙන් ප්‍රාදේශීය සභාවට තරඟකල අපේක්ෂකයෙකුත් වෙනවා.. ඒ හැම එකටම අමතරව මගේ මතකය නිවැරදි නම්  අපේ හිටිය ඇමති ජෙයරාජ්ගේ උන්නැහේගේ භාර්යාව වෙච්ච සුදර්ශනී ප්‍රනාන්දු පුල්ලේ මංතිරිතුමියගේ.. (ඇමතිකමකුත් තියේද කියලනං මතක නැහැ) සම්බන්ධීකරණ ලේකම් ධූරයකුත් දරනවා...

ඉතිං තව මොනවද කෙරෙන්න ඕන... ඉතිං සම්බන්ධිකරණ ලේකම් රනාතුමා සහ ලක්ෂලේකම් සිරිසේන තුමා අතර සම්බන්ධිකරණයක් උවමනා වෙලාවක් මේක. රනාට පුළුවන් මේ වෙලාවේ මූලික වෙලා සෞඛ්‍ය ඇමතිවරයාගෙන් ඉල්ලීමක් කරන්න සමස්ථ සයිබර් අවකාශයම නියෝජනය වෙන ආකාරයට.. මේ උවමනා කරන යන්ත්‍ර සූත්‍ර ටික ඒ ඒ රෝහල්වලට ලබා දෙන්න සහ ඒවා කඩිනම් කරන්න කියලා...

මං දන්නවා සම්බන්ධකම් තිබුනට රනාට තනියම කරගන්න අමාරුයි කියලා.. ඒ හින්දා අපිට පුළුවන් මේ අමුමිරිස් සංවිධානෙම එක්කාසු කරං ඇමතිතුමා හරහා මේ වැඩේ කරවගන්න ෆේස් බුක් කැම්පේන් එකක් පටන් ගන්න... ඒ වෙනුවෙන් අපිට පුළුවන් වකුගඩු රෝගීන් වෙනුවෙන් රනාව ඉස්සරහට දාලා අපිට රනාගේ පිටිපස්සෙන් එකතු වෙලා සෞඛ්‍ය ඇමතිවරයාගෙන් ඉල්ලීමක් කරන්න... එහෙම මදිනං බල කරන්න... ඇමතිගෙන් වැඩේ කෙරෙන්නේ නැත්තං රජයෙන් මේවට ප්‍රමුඛතාවය දිය යුතුයි කියලා හඬක් ඇති කරවන්න. සමහර විටක ආරාබි වසන්තයට එහා ගිය රැල්ලක් පටන් ගන්න රනාට පුළුවන් වෙයි... මං හිතනවා මේ රජයෙන් වැඩ කරවගන්න පුළුවන් කියලා හැගීමක් රනාට තියෙනවා කියලා. එකෙදී රජයට සම්බන්ධ කෙනෙක්ම මූලික උනාම වැඩේ කෙරෙන්න තියෙන ඉඩකඩත් බොහෝම වැඩියි නෙව.

ඉතිං පැහැදිලියි නේද..අරෙහෙ සල්ලි තියෙනවා.. මෙහෙ උවමනාවක් තියෙනවා.. ඒ දෙක අතර සම්බන්ධ කරන්න සුදුසු පුද්ගලයෙක් ඉන්නවා.. වැඩේ හරියට කරන්න පුද්ගලයා බාරගන්නවනං ඒකට එකතු වෙන්න කට්ටියත් මදි නොකියන්න හිටීවි... මිනිස්සුන්ට වෙන අපහසුකමුත් නැතිව.. මිරිස් කාලා ලෙඩ වෙන්නෙත් නැතිව.. මේ අහක ඉන්න අපිට කතා අහගන්න වෙන්නෙත් නැතිව... අවසානයේදී අර රෝගීන්ට උවමනා දේවලුත් ලැබිලා හැමෝටම සතුටු වෙන්න පුළුවන් තැනකට මේ වැඩේ ඇදං යන්න  රනාට පුළුවන්නං අන්න ඒක තමා නියම අභියෝගේ...

හැබැයි මං ඒක අභියෝගයක් හැටියට රනාට ඉදිරිපත් කරන්නේ නැහැ.. මේක යෝජනාවක් විතරයි... කැමතිනං රනාට පුළුවන් පිරිසත් එක්ක එකතු වෙලා වැඩේට බහින්න... ඒක කරනවනං අමුමිරිස් සෙල්ලං වලට නැති උනාට මමත් එකතු වෙනවා හැකි ආකාරයකින් සහය දක්වන්න... මොකද ප්‍රායෝගිකව කරන්න පුළුවන් පහසුම දේ කරන එකට මං කැමතියි...

අමුමිරිස් කන්න කලින් රජයට බල කරමු.. ඒ තියෙන්නෙත් අපේ සල්ලිනේ දෙයියනේ.. හා නැද්ද..?

පසු සටහන...

රනා විසින් පහත කමෙන්ටුවකින් දන්වා ඇති පරිදි මෙම පින්තූරය මෙහි එල්ලන ලද  අතර පහත දැක්වෙන්නේ රනාගේ දේශපාලන තනතුරු සම්බන්ධව දැනට ඇති තත්වය රනාගේම වචන වලිනි.

//1. මම සම්බන්ධීකරණ ලේකම් නෙමෙයි... ඒක වැරදි කතාවක්. මම කොතනදීවත් කිව්වේ/ලිව්වේ නැහැ මම සම්බන්ධීකරණ ලේකම් කියලා. මගේ තනතුර මොකක්ද කියන එක පැහැදිලිව ෆේස්බුක් එකේ දැකබලාගන්න පුළුවං. මම හිතන්නෑ උඹ ඒක නොදැක්කා කියලා මචං... අනිත් දේ දැං මම ඒ තනතුරේ කටයුතු කරන්නේ නැහැ... හරියටම කියනවානං මීට මාස 3කට කළිං මම ඒ රස්සාවට ආයිබෝං කිව්වා... :-) ඒක නිසා හොඳ එකා වගේ කරුණාකරලා ඒ ටික හොඳ එකා වගේ වෙනස් කරහං...//

පහත ඇත්තේ රනා විසින් මෙයට පිළිතුරු වශයෙන් දක්වා ඇති සම්පූර්ණ කමෙන්ටුව වේ...



//හිතවත් මාරයා,මළාට බ්ලොග් පෝස්ට්වල කොමෙන්ට් නොදාන එකෙක් මම... නමුත් මේ පෝස්ට් එකේ 2/3ක් විතර තියෙන්නේ මම ගැනම නිසා මේකට මගේ අදහස නොදක්වා හිටියොත් ඒක අඩුවක්.
පළවෙනි දේ, නුවන් දිවාකරගේ රිප්ලයි එකට මම එතන කිව්ව දේ ඒ ඉමේජ් එකෙන් හැලුවේ ඇයි මචං? ඒකත් තිබ්බනං සංවිධායකයින් විදියට ඒ අවස්ථාවේදී අපි හැසිරෙන විදිය ගැන මේ සටහන කියවන හැමෝටම දැකබලාගන්න තිබ්බා. උඹ ඒ අවස්ථාව ඒ මිනිස්සුන්ගෙන් උදුරගෙන. පුළුවන්නං ඒ සම්පූර්ණ කතාබහම දාපං. උඹට ඒක බොහොම පහසුවෙන් කරන්න පුළුවං වැඩක්...

#SLAmuMirisChallenge එක මේ වෙද්දි බොහොම වේගයෙන් පැතිරෙනවා. මේ වැඩේ වටේ එක්කහු වෙන හැමෝම එකතු වෙන්නේ අපේ ෆේස්බුක් ස්ටේටස් බලලවත්, ෆේස්බුක් ගෲප් එකට ඇවිල්ලවත් නෙමෙයි. තමංගේ යාළුවෝ කියලා, ගොසිප් සයිට්වල තියෙන විස්තර සහ වීඩියෝ දැකලා. ඒ හැම කෙනෙක්ම මේ වැඩේ නීතිරීති හරියටම දන්නේ නැහැ. ඒක එයාලගේ වැරැද්දකුත් නෙමේ. ඒ වගේම සංවිධායකයන්ගේ දැනුවත් කිරීමේ වැරැද්දක් කියලා කෙළිංම කියන එක අසාධාරණයි නේද මචං...මොකද අපි මේ ගැන නිරන්තරයෙන් දැනුවත් කිරීම් සිද්ධ කළත්, මේ වැඩේ එක් සීමාවකට ගියාට පස්සේ අපේ දැනුවත් කිරීම් වළංගු වෙන්නේ නැහැ...
නමුත් අපි ඒ වගකීමෙන් අයින් වෙන්නේ නැහැ... ෆේස්බුක්, බ්ලොග්, වෙබ් කියන මේ ඔන්ලයින් විදිවලට අමතරව, ඊට එහා ගිය උපක්‍රම යොදාගනිමින් අපි මේ ගැන මිනිස්සුන්ව දැනුවත් කරනවා. ෆේස්බුක් පේජ් එකේ ගෲප් එකේ පින් පෝස්ට් එකක් දැම්මා කියලා හැමෝම දැනුවත් වෙන්නේ නැහැ... අපි එතනින් එහාට යනවා මචං... නිසැකවම අපි එතනින් එහාට යනවා... මම හිතනවා ඒකෙන් මේ තත්ත්වය බොහෝදුරට සමනය වේවි කියලා.
අවසාන වශයෙන් මේ සිද්ධිය (උඹව නොදැන උඹට අභියෝග කිරීම හා ඒ හේතුවෙන් උඹ මානසික පීඩාවකට ලක්වීම) ගැන සංවිධායක මණ්ඩලයේ අපි හැමෝගේම බලවත් කණගාටුව මේ වෙලාවේ උඹට ප්‍රකාශ කරනවා...

වීඩියෝ එකෙන් පස්සේ තියෙන දේවල් ගැන කියනවනං,
1. මම සම්බන්ධීකරණ ලේකම් නෙමෙයි... ඒක වැරදි කතාවක්. මම කොතනදීවත් කිව්වේ/ලිව්වේ නැහැ මම සම්බන්ධීකරණ ලේකම් කියලා. මගේ තනතුර මොකක්ද කියන එක පැහැදිලිව ෆේස්බුක් එකේ දැකබලාගන්න පුළුවං. මම හිතන්නෑ උඹ ඒක නොදැක්කා කියලා මචං... අනිත් දේ දැං මම ඒ තනතුරේ කටයුතු කරන්නේ නැහැ... හරියටම කියනවානං මීට මාස 3කට කළිං මම ඒ රස්සාවට ආයිබෝං කිව්වා... :-) ඒක නිසා හොඳ එකා වගේ කරුණාකරලා ඒ ටික හොඳ එකා වගේ වෙනස් කරහං...
2. මම ඒ තනතුරේ වැඩ නොබලන නිසා උඹ කියන දේ කරන්න ප්‍රායෝගික අපහසුතාවයක් තියෙනවා. මොකද ජීවන අරගලේ දරුණු විදියට නියැලෙන ගමං තමයි මේ අනිත් හැම දේමත් කරන්නේ. කසාද බැඳලා නොහිටියට මොකෝ අපිටත් හරියට පවුල් ප්‍රශ්න... :D :D
හැබැයි මෙහෙම දෙයක් තියෙනවා. #SLAmuMirisChalllenge එක පාලමක් කරගෙන අපේ ඉලක්කය (රුධිර කාන්දුකරණ යන්ත්‍රයක් ලබාදෙන එක - මේක රුපියල්ම ලක්ෂ 30ක්) සාර්ථක කරගත්තොත්, ගරු සෞඛ්‍ය ඇමතිතුමා එක්ක වඩාත් යහපත් සම්බන්ධතාවයක් ඇතිකරගන්න අපි කට්ටියටම පුළුවං වෙනවා කියන විශ්වාසේ මගේ තුළ දැඩිව තියෙනවා. ඇමතිතුමා විතරක් නෙමේ, අමාත්‍යංශේ හෝ ඔය උඹ කිව්ව කාරණාවට අදාළවෙන වෙනත් පාර්ෂව එක්කත් ඒ සම්බන්ධතාවය හදාගන්න පුළුවං වේවි... අන්න එදාට උඹ මේ කිව්ව දේ වෙනුවෙන් මම පෙනී සිටිනවා. බැරි වෙන එකක් නැතිවෙයි ඒ වැඩේ කරගන්න... බලමු ඒ කාලේ වෙද්දි අපේ ආණ්ඩුවක් තිබ්බොත් සහ මෛත්‍රීපාල ඇමතිතුමාම හිටියොතින් වැඩේ ගොඩක් ලේසියෙන් කරගන්න පුළුවං වේවි... එකපාරටම බලකරන උද්ඝෝෂණවලට යන්නැතුව, අපිත් දෙයක් කරලා, ඊට පස්සේ සාකච්ඡාවෙන් සම්මුතියෙන් වැඩ කරගන්න එක සාර්ථකයි කියලා මට වඩා අවුරුදු 10ක විතර ජීවන අත්දැකීම් තියෙන උඹ දන්න විත්තිය මම දන්නවා... අන්න එදාට මට හයියක් වෙයං... දැනට #SLAmuMirisChallenge එක සාර්ථක කරගන්න මේ වගේ උදව් දියං...

ඒ එක්කම #SLAmuMirisChallenge එක ගැන තවම හරි විස්තරයක් නොදන්න අයගේ දැ.ගැ.පි. මම ලිංක් දෙක තුනක් එල්ලන්නං... ඒ ටිකත් ඔන්න්න ඔහේ තියෙන්නෙ ඇරහං... ගූගල් නිකං දෙන ඉඩනේ... :D :D :D

#SLAmuMirisChallenge ෆේස්බුක් ගෲප් එක
https://www.facebook.com/groups/1472124419707392/

#SLAmuMirisChallenge ෆේස්බුක් පේජ් එක
https://www.facebook.com/pages/SL-Amu-Miris-Challenge-%E0%B6%85%E0%B6%B8%E0%B7%94-%E0%B6%B8%E0%B7%92%E0%B6%BB%E0%B7%92%E0%B7%83%E0%B7%8A-%E0%B6%A0%E0%B7%90%E0%B6%BD%E0%B7%9A%E0%B6%B1%E0%B7%8A%E0%B6%A2%E0%B7%8A-2014/350363428464285

පළවෙනි අමුමිරිස් චැලේන්ජ් වීඩියෝ එක
https://www.youtube.com/watch?v=LnwDpQUKNOw

#SLAmuMirisChallenge YouTube වීඩියෝ එකතුව
https://www.youtube.com/results?search_query=%23slamumirischallenge

ජීවිතේ ටයිප් කරපු දිගම කමෙන්ට් එක මේක වෙන්නැති...
කොහොම උනත් අවුලක් නැහැ...
මේ කමෙන්ට් එක උඹ පබ්ලිෂ් කරයි කියලා මම විශ්වාස කරනවා...

ජයවේවා!!!//

30 August 2014

බජට් එකට කවි ගී ලියවුනා මදී...

බටහිර පළාතේ තිබු මහ ඡන්දයට..
වියදං කොරන්නට කතිරය ඉල්ලන්ට..
සීයක් ඉල්ලගෙන ආවේ අප ළගට..
දුන්නා සීය.. ඇති අපෙ හිතවත් කොමට..

මොකට දෙන වාද.. මොකකට දෙන වාද..?
කොල්ලන් මෙන්ම කෙල්ලන් ඇසුවයි නිතර
ඒ මුත් හිත තුටින් දුන් දේ ගැන අපට..
කිසි විට නැතිය හිත තුල තිබුනේ කහට..

දුන්නා නමුත් සීයක් ඒ වෙලාවට..
අයක් වැයක් ගැන නැත උවමනා මට..
ඒ මුත් අය වැයක් දීපල්ලා අපට..
කිව්වයි අහක සිටි පිරිසක් මහ හඩට...

කාලය දිනෙන් දින ගත වී ගියා නිතී...
බජට් කතාවත් ටික ටික ගියා මැකී..
ඒ මුත් හිටිවනම බජටය පිටට දුනී..
සද්ද දැමූ කිසිවෙක් දැන් කතා නැතී...

හෙළ උරුමෙට වෛරය සිත රැඳී ඇතී..
ඒ වෛරෙට ඇති පදමට බැනල හරී..
හොදක් නැතත් නරකම හරි කියා නිතී...
බජට් එකට කව් ගී ලිය වුනා මදී...



23 August 2014

සොදුරු බාලේ - කාපු තාලේ...

කාලෙකින් ඕං මේ පැත්තේ ඇවිල්ලා යන්ට හිතුනා.. අද ඉතිං දන්න කියන බ්ලොග් කාරයෝ.. කාරියෝ කිහිප පොලක් හම්බ උනා නෙව... අපේ රංදිකාගේ පලවෙනි පොත පබිලිස් කොරාපු මෙව්වා එක තිබුනනේ නිදහස් මාවතේ අර මොකක්ද මංදා පුස්තකාල බිල්ඩිමේ... ඔය හුට්ටප්පරේ ගැන රංදිකා උන්දෑ දැන් මට කියලා සෑහෙන දවසක් වෙනවා.. දින හුටස් පටස් වෙලා මං තව පොඩ්ඩෙන් හිතං හිටයේ මේක තියෙන්නේ 28 වැනිදාය කියලා.. ඒත් හදිසියේම ඊයේ හවස් අතේ දන්න කියන කෙනෙක් සිංගබ්බූරුවේ හිටලා කතා කරලා ඇහුවා හෙට අරකට යනවද කියලා.. මල විකාරයයි ඒ වෙලේ තමා හොයලා බැළුවේ දවස ගැන.. බැලින්නං අදනේ.. අරුන්දෑ සිංගබ්බූරුවේ ඉඳන් කතාකොලේ උන්දෑ වෙනුවෙනුත් මං හරහා පොතක් ගන්ට උවමනා වෙලා.. කොහොම හරි ඒ පොත් ගැනිල්ල හින්දා යන්තං දවස තෝරා බේරාගන්ට ඇහැකි උනා...
දවසනං හරිය කියමුකෝ.. ඒත් ඉතිං අද මං ඉවුං පිහුං කැලෑසියට යන දවසක් නෙව... හවස තුන හතර වෙනකල් ඕක තියෙනවා.. ආයේ ඉතිං ඒ කරලා දාඩිය පෙරාගෙන මස් මාළු සුවඳ විහිදෝ විහිදෝ ගියෑකියෑ ඕවට.. ඒත් ඉතිං එහෙමයි කියලා ඇහැකියෑ... මොනවා උනත් දරුවන්ට ලියාපු පොතක් වෙනුවෙන් තියන උස්සවේට මං වගේ එහෙකුටත් ආරාධනා කොලාම නොගිහින් කොහොමද.. මොනවා උනත් අනිත් උන් මොන මොන අවලං කතා කිව්වත් රංදිකා මේ මාවත් පොඩි එහෙකුට දාලා සැලකුව එකම කොච්චර වටිනවද අප්පා.. ඒ හින්දා මං දරුවත් කල්පනා කොලා රංදිකා නැන්දිගේ පොත බලන්න යනවමයි කියලා... :D

කොහොම හරි ඉතිං පංතියේ සෑර් කාරයා එක්ක වෙන අවුලක් හින්දා අද මං ඇර ගත්තා නෙව.. ඒ කරලා මෑන්ටත් හොඳවෑයින් ටිකක් කියලා මං ආවා වේලපහින්ම.. ආන්න ඒ වලියට පිං සිද්ධ වෙන්ට මටත් ඉතිං හවස් අතේ යාගන්ට ඇහැකි උනා පොත මෙව්වා කොරනවා බලන්ට.. මං යද්දිනං ඉතිං වැඩේ පටන් අරගෙන.. කොහොම හරි දුවගෙන දුවගෙන ගෙහුං තැන හොයාගෙන දොර කොඩම හිටිය නංගිලා දෙන්නගෙන් පොතකුත් ඇන්න ඇතුලට පැන ගත්තා කියමුකෝ...  

හයියෝ සංසාරේ... කස්ටිය ඉන්නවා මෙන්න නිදි කිර කිරා... කට්ටියගේ නින්දට ඔය  ඇවිදින් හිටපු පොඩි ළමයි දෙන්නා තුන් දෙනෙක් පොඩි සද්දයක් දාලා බාධා කලාට මොකද කට්ටියම බොහෝම සනීපෙටම වාඩි වෙලා හිටිය පුටු උඩම ෂපාන් එකට දොයිය ගන්න ඔන්න මෙන්න... කට්ටියගේ නින්දට ආධාර පිණිස කවුද මංදා මාමා කෙනෙක් කතන්දරයක් කියා දෙනවා... කතාව අස්සෙම මොකක්ද මංදා වීඩියෝ ගේම් එකක් ගැන මොකක්ද මංදා එකක් පෙන්න පෙන්නා කියවං යද්දි මං කල්පනා කොලේ වැරදි තැනටද ඇවිත් තියෙන්නේ කියලත්... ඇයි බොලේ පොතක් නිකුත් කරනවා කියලා මිස රංදිකා නැන්දි නිකමටවත් කිව්වෑ වීඩියෝ ගේම් එහෙකුත් ඒ එක්කලා නිකුත් කරන කතාවක්.. :D 

හොද වෙලාවට රංදිකා නැන්දා මං පුතාට වගේම ඕනයා පුතාට.. වැප් නිශාන්ත පුතාට..  පසන් ළදරුවට...නිශ් දරුවට... කුශාන් කැකුළට  එහෙමත් එන්ට කියලා තිබුන හින්දා අර කතාව එහෙම යද්දි සුපුරුදු පරිදි කතා මැද්දේ අතුරු කතාවක් දාගෙන යන්තං නින්ද යන එකෙන් ගැලවිලා අපි හිටියා කියමුකෝ... කොහොම හරි ඒ කතා බතා දෙක තුනක් ඉවර උනාට පස්සේ ඔන්න රංදිකා නැන්දි ආවා නෙව ඉස්තූති කතාව කරන්න... නැන්දි ඉස්තූති කොරගෙන කොරගෙන කොරගෙන ගියා හිටු කියලා හතර වටේටම... ඒ කරලා වැඩේ හමාර කරලා බැස්සා ඉස්ටේජ් එකෙනුත් බිමට...

හුහ්... නැන්දි තාම එක පොතයි ලිව්වේ... ඒ ටිකට කොයි තරංනං දේවල් අමතක වෙනවද කියන්නේ එක ගෙදර ඉන්න අර රටක් රාජ්ජයක් වටින මනුස්පයා වෙච්ච වාසනා මාමිව අමතක කලානේ.. අපිත් අතාරිද පින්වතුනි එහෙමත් ලේසියට... එතැන හිටිය අපේ බබාලා සැට් එක එක හඩින් කෑ ගැහුවා වාසනා මාමිට නිසි තැන දියවු කියලා... හුට්ටාරේ හුට්ට පටාරේ... බිම හිටිය රංදිකා නැන්දි දුවපි නේද කඩාගෙන ආයෙම ඉස්ටේජ් එකට... :D
බැලින්නං වෙලා තියෙන්නේ වාසනා මාමිව අමතක වෙලා නෙවෙයිළු.. වාසනා මාමි ගැන ලියලා වෙනම කොලයක්ම ගෙනල්ලා.. කොහොම හරි තිබුන හදිසියට ඒ කොලේ නැන්දිගේ අතින් මිස් වෙලා... තව පොඩ්ඩෙන් හෙන අෂාධාරනේ වෙන්නේ.. යන්තං ඔන්න අපි බබාලගේ උනන්දුව හින්දම වාසනා මාමිට මාස ගානක් කාපු පරිප්පුවලට හරියන්න ඉස්ටූටි පාරක් හම්බ උනා.. ඔය අවු අස්සේ ඉස්ටේජ් එකට නැගගෙන සභාව මෙහෙයවපු අපේ ප්‍රසිද්ධ දේශපාලක තුමෙක් වෙච්ච රනාතුමා දේශපාලන වේදිකා පුරුද්දට රංදිකා නැන්දිට සෑහෙන්න අප්පුඩි එහෙත් ඉල්ලලා දුන්නා අපි ලවා.. ඒවා ගැන කියන්න ගියොත් තව පොතක් අපිට ලියන්න වෙන හින්දා ඔය මදෑ... රනාතුමා කිව්වා වගේම “නැන්දිට සුභ අනාගතයක් වේවා..!“

කොහොම හරි ඔන්න අවසානේ තමා අපි කැමතිම හරිය ආවේ... ආයෙනං නැන්දි අපි වගේ පොඩි පුතාලට එන්න කියන එකක් නැහැ පොත් නිකුත් කරන උස්සව වලට... ආව අයට සංග්‍රහයක් ලැස්ති කොරලා නැන්දි සෑහෙන අලාභයක් වින්ඳා මං හිතන්නේ... හැබැයි ඉතිං අපරාදේ කියන්න බැහැ ඇති වෙන්ට දන්සැල දීලා තිබුනා.. මං පුතයි.. ඕනේ පුතයි.. වැප් පුතයි.. පසන් පුතයි අපේ පුංචි බණ්ඩිවලට අල්ලන තරමට බොහෝම චුට්ට චුට්ට කෑම ජාති කෑවා.. හරියට කුරුල්ලෝ කන්නැහේ.. හැබැයි ඔය ඇවිත් හිටිය අනිත් අයනං කම තිබුන තැනින් හෙල වෙන්නේ නැතිව එක දිගටම කාගෙන කාගෙන ගියා කියලයි ආරංචිය.. ආරංචිය කියන්නේ අපි ඉතිං එතන වැඩිය හිටියේ නැති හින්දා අනිත් අය කිව්ව ඒවා අනුව තමා එහෙම කියන්න උනේ... :D

කොහොම උනත් ආරංචියේ හැටියට නැන්දි එයාගේ ඊ ළග පොත නිකුත් කරන දවසට අද කෑම මේසේ ගාවට වෙලා පාන් ගෙඩි තුන හතරක සැන්ඩ්විච් කාලා.. රෝල්ස් දුසිං දෙක තුනකට වග කියලා... කේක් කිලෝ තුනක් විතර කාලා.. කෙසෙල් ඇවරියක් කට දැවිල්ලට කාපු තුන් හතර දෙනාටනං එන්න කියන එකක් නැහැ... මොකද නැන්දිට පොත් ගහන්නයි දන්සැල් දෙන්නයි දෙකක් කරන්න බැරි හින්දා නැන්දි මීට පස්සේ පොත් විතරක් ගහයි.. දන්සැල් පාළුවන්ට ආරාධනා නොකර... හොද වැඩේ දන්සැල් වන්දනාවේ ගිය උන්ට.. :D

ඉතිං කොහොම හරි ඒ කතන්දරේ අහවර කොරලා අපි බබලා සැට් එක ගියා ජැකලින් නංගිගේ ආප්පේයි ගලයි බලන්න කියලා නිදහස් චතුරස්‍රේ පැත්තට... කොහොම හරි ඒ ගල් බැලිල්ල ගැන කතා මෙතන ලිව්වොත් මගේ සවුක්කියට ඒ හැටි යහපත් නොවන හින්දා අද දවසේ සිංහල ප්‍රස්ථාව පිරුළු අතරට එකතු වූ නවතම පිරුළ වන “XX ආර්කේඩ් ගියා වගෙයි“ කියන පිරුළත් සමඟින් ඔබෙන් සමුගන්නා මා... අහිංසක මාරයා බබා වෙමි.

( XX = අභිමානවත් සිරි,ලාංකීය සිංඩියක පුරෝගාමී හිමිකරුවෙක් වන බ්ලොග් විස්සක තිහක පාරම්පරික උරුමය හිමි සුදුම සුදු බ්ලොග් ලියන තවත් බබෙක් )

පොත ගැන විකාර.. නැහ් මං මේ කිව්වේ විචාරයක් කියෙව්වට පස්සේ බලාපොරොත්තු වන්න... පොත ගන්ට උවමනා අය රංදිකා නැන්දිට කතා කොරන්න...



28 June 2014

එන්න තිරිසනා හුරතල් කරන්න...

බුදු දහම පිළිගන්න මනුස්සයෙක් උනාට මං ඒක සීයට සීයක් අනුගමනය කරන්නේ නැහැ. හේතුව බුදු දහමේ ඇති වරදක් නෙවෙයි.. මගේ දුර්වලකම.. මට මගේ හිත පාලනය කරගන්න බැරි කම...  ඉතිං මං කරන කියන දේවල්වලට කොහේවත් ඉන්න බුදු දහමවත්.. බුදු හාමුදුරුවොවත් පලි නැහැ...

ඒ වගේම කාලයක් කටින් කට ඇවිත්.. පස්සේ කාලේ එක එක්කෙනාට ඕන විදියට කෑලි එකතු කොරාපු.. කෑලි අඩු කොරපු ලිඛිත බණපොත්වල තියෙන දේවල් සීයට සීයක් නිවැරදි යැයි කියාවත්.. වැරදියැයි කියාවත් මට කියන්න හැකියාවක් ඇත්තෙත් නැහැ... නමුත් බුදු දහමේ සදහන් දේවල් වලින් සාධාරණව ජීවත්වන කාටවත් කරදරයක් හිංසාවක් පීඩාවක් වෙන තැන්නං මට හම්බ වෙලා නැහැ.  අනික මං ඔය බුදු දහමේ තියෙන මූලික සරල දේවල් ටිකවත් හරියට කරගන්න බැරිව බොරුවට තර්ක කර කර ඉන්න අභිධර්මය පෙරල පෙරල ඉන්නෙත් නැහැ..

හැබැයි මටනං බුදු දහමින් ටිකක් කරදරයි.. හේතුව මං මස් කන්න කැමතියි... විශේෂයෙන්ම ඌරු මස්.. හරක් මස්... වගේ දේවල්... ඒත් බුදු දහමට අනුව ප්‍රාණඝාතය අකුසලයක්... ත්‍රිකෝටි පාරිශුද්ධ මාංශයක් හම්බ වෙනකල් හිටියොත් ඉතිං ජීවිතේට දෙතුන් වතාවකට වඩා මසක් මාංශයක් කන්ට වෙන්නේ නැහැ... ඉතිං මං දැන දැන වැරද්දක් කරනවා... සල්ලි දීලා මස් ගෙනත් උයං කනවා... ඒ අය සත්තු මරන්නේ මං වගේ අය සල්ලි දීලා ගන්න හින්දනේ.. ඒ කියන්නේ මේ මස් කන එකෙන් මටත් අර ප්‍රාණඝාත අකුසලයට සම්මාදමක් තියෙනවා... ඕක හරි හිරිකිත වැඩක් තමා.. ඒත් ඉතිං ඇත්ත ඕකයි... මං වක්‍රාකාරයෙන් ප්‍රාණඝාත අකුසලය කරන්නෙක්... ඉතිං වරද මගේ.. මං වගේම ජීවිතේට ආස කරන තවත් සතෙකුගේ ජීවිතේ මගේ ආසාවක් වෙනුවෙන් මං නැති කරනවා... බුදු දහමින් ඉතිං මට කරදරයි තමා... ඒත් මට ඒ වරදෙන් ගැලවෙන්න හෝ.. මට මං ගැනම උපදින ලජ්ජාවෙන් ගැලවෙන්න හෝ බුදු දහම වැරදිය... අරකය මේකය කියලා තර්ක කර කර ඉන්න උවමනා නැහැ. වරද මගේ... ඒකට විපාකයත් මටම ලැබේවි... මොනවා කරන්නද.. මගේ ආසාව හින්දා මං වගේම තව ජීවියෙක්ගේ පණ මං උදුර ගන්නවා... සත්තු ඉන්නේ ආහාර පිණිසය... එහෙමත් නැත්තං ප්‍රෝටීන් පිණිස මස් කෑ යුතුමය වගේ තර්ක ඉස්සරහට දාලා මට මගේ හිතේ ඇතිවෙන ලැජ්ජාව මකා ගන්න අමාරුයි.. ඉතිං සාධාරණව පිළිගන්නවා මගේ වරද.. මගේ වරදට දඩුවමත් මට ලැබෙයි...

බුදු දහමින් මට කරදර වෙන තව තැන් තිබුනා... ඔය තුන් වැනි සිල්පදේට කෙල උන අවස්ථා බොහෝමයි... වරද කියා දැන දැනම මං ඒකත් කැඩුවා... ඉතිං මට ඇත්තටම බුදු දහමින් කරදරයි... 

ඒ හින්දා මාත් කැමතියි.. බුදු දහම බොරුය... ඒකේ ඇති දෙයක් නැතිය වගේ දේවල් කියලා හිත හදාගන්න.. ඒත් ඉතිං මං හිත හදා ගද්දි.. මං හින්දා ජීවත් වෙන අයිතිය නැති උන සත්තු... මං හින්දා හිතේ අමාරුකං ඇති කරගත්ත ගැහැණු මතක් වෙද්දි මට එහෙම ලේසියෙන් බොරු කියලා හිත හදාගන්න අමාරුයි... ඇත්තටම බුදු දහම පැත්තකින් තිබ්බත් මං වැරදි කාරයෙක්... මට ලැජ්ජා හිතෙනවා.. මට බය හිතෙනවා... ඒත් ඒවට පලි මංම මිසක් බුදු දහමවත් බුදු හාමුදුරුවොවත් නෙවෙයි... මොකද මේ තමා ලෝකේ සාධාරණත්වය පිළිබඳ නීතිය... හැම කෙනාටම සමාන අයිතිවාසිකම් තියෙනවා කියන එක.. ඒක මනුස්සයෙක් උනත්.. සතෙක් උනත් පොදු දෙයක්.. අපි කරන්නේ අපේ හයිකාරකං..බල පුළුවන්කාරකං පෙන්නලා අන් අයකුගේ අයිතිය උදුරා ගැනීමක්... බුදු දහමේ කියවෙන්නේ ඒ අයිතිය ගැන පැහැදිලි කිරීමක්.. ඒ අයිතියට එරෙහිව ගියොත් ඒවායේ පල විපාක අපටත් හිමිවන ආකාරය ගැන පැහැදිලි කිරීමක්... ඒ වගේ වැරදි අපි අතින් නොවෙන්න අපි හැසිරිය යුතු ආකාරය ගැන පැහැදිලි කිරීමක්...

ඒත් ඇත්තටම ඒ මාර්ගය දුෂ්කරයි... ඒ මාර්ගය අනුගමනය කරන්නනං ඔහු දක්ෂයෙක් විය යුතුයි.. ඔහු උසස් පුද්ගලයෙකු විය යුතුයි... ඔහු ශක්තිමත්.. දුර්වල නොවූ සිතක් ඇත්තෙකු විය යුතුයි... අවාසනාවට මං බොහෝම දුර්වල මනුස්සයෙක්... ඉතිං මට බුදු දහමට අනුව සීයට සීයක් ජීවිතේ හදාගන්න තාමත් බැරි උනා.. එහෙම හදාගන්නවා කියලා හිතුවට ඒක ලේසි වැඩකුත් නෙවෙයි... ඒත් පුංචියට හරි මං උත්සහ කරනවා.. ඒත් අනිත් පැත්තෙන් මං අසාර්ථක වෙන තැන් වැඩියි.. හැබැයි ඒ අසාර්ථක වෙන්නේ මං මිස බුදු දහම නොවෙයි කියලා මං දන්නවා.. මට තියෙන එකම සැනසීම මම මගේ වැරදි වෙන කාගෙවත් කරේ ගහලා මගේ හිත හදාගන්න තැනට පත් වෙලා නැහැ කියලා හිතන එක විතරයි...

ඉතිං මට බුදු දහම අදහන එක නවත්තලා සර්වාගමිකයෙක් හෝ.. නිරාගමිකයෙක් වෙන්නවත් උවමනාවක් ඇත්තේ නැහැ... මම සීයට සීයක් සාර්ථක නොවුනත්... ලොකේ තියෙන බොහෝමත්ම සාධාරණ.. අන් අයට හානි කරන්න කතා නොකරන අවිහිංසක දහමක් මගේ ඇස් ඉදිරියේ තියෙද්දි.. ඒකෙන් වැඩක් මිස අවැඩක් සිද්ධ වෙන්නේ නැති කොට.. ඒක අතෑරලා දාන්න උවමනාවක් මට ඇත්තේ නැහැ...

නැත්තං මටත් පුළුවන් බුදු දහමත් බොරුවක්ය කියලා හිතලා මගේ හිත හදා ගන්න.. ඒ විතරක් නෙවෙයි.. කර්මය හා කර්මපලය ගැන මගේ ඇති විශ්වාසය නැති උන දවසට මට පුළුවන් මගේ ආත්මාර්ථය වෙනුවෙන් තව කෙනෙක්ව දෙපාරක් හිතන්නේ නැතිව මරා දාන්න... තව කෙනෙක් සතු දේවල් උදුරගන්න... අනුන්ගේ ගෑණු බලහත්කාරයෙන් දූෂණය කරන්න... මට උවමනායි කියලා හිතුන ඕන දෙයක් කරන්න... මොකද මං මං බය වෙන කාරණා දෙකයි තියෙන්නේ ඔය දේවල් නොකර ඉන්න... එකක් තමා නීතිය... හැබැයි නීතියට අහු නොවෙන්න ඔය දේවල් කරන්න මට හැකියාව තියෙනවා... ඒත් මං කර්මය හා කර්ම පලය විශ්වාස කරන හින්දා ඔය දේවල් කරන්න බයයි... ඇත්තම කිව්වොත් මාව ඔය දේවල් නොකර පාලනය කරන්නේ නීතිය නෙවෙයි... කර්මය හා එහි පලය ගැන කියා දුන්න බුදු දහම පමණයි... 

ඉතිං කවුරු හරි කැමතිද මං මේ දහම අදහන එක නවත්තලා දානවට... එහෙම කරලා අද මට විරුද්ධව වචනයක් හරි කියන ඔබව සොයාගෙන ඇවිත් කාටවත් අහු නොවෙන්න ඔබේ බෙල්ලට තියුණු  පිහියක් තියලා එක පාරින් කපා දාලා යනවට...? ඔබව මරාදාලා ඔබේ බිරිඳව දූෂණය කරනවට..? ඔබේ දියණියව මගේ ගොදුරක් කරගන්නවට...? ඔබව මරාදානවා දකින ඔබේ පුතාවත් මගේ පිහි පහරට ලක්වනවාට..? කැමතිනං කියන්න... 
එහෙම කැමතිනං බුදු දහම අදහන එක වරදක්ය කියලා මට අවබෝධ කරලා දෙන්න.. මාත් නිරාගමිකයෙක් වෙන්නං... මගේ මේ බැඳ දමා තියෙන තිරිසනාව මං මුදාහරින්නං... ලෝකය වඩාත් යහපත් තැනක් වෙයි...

------------------------------
මගේ තිරිසනාගේ හැටි කොහොමද කියලා ඔබලාට හරියටම අවබෝධයක් නැතිනම්... ආගම ධර්මය විශ්වාස නොකරන දේශපාලන කල්ලි විසින් මේ රටේ දෙවතාවක් කරන ලද මිනීමරු ම්ලේච්ඡ දුෂ්ඨ  ක්‍රියාවන් සිහියට නගාගන්න... ඔවුන්ටත් ආගමක් තිබුනේ නැත... ඔවුන් කර්මයක් ගැන නොව විප්ලවය ගැන පමණක් විශ්වාස කලහ... එසේ විශ්වාස කොට අමු අමුවේ අහිංසක මිනිසුන් ඝාතනය කලහ.. ඒ මිනීමරුවන් අතින් ඝාතනය වන්නට යෙදුනු බොහෝ අය එසේ මරණයට පත්වීම සදහා කරන ලද වැරදි වූයේ විප්ලවය කියා තිරිසන් වැඩ කල අධමයින්ව විශ්වාස නොකිරීම විය... ඔවුන්ට වෙනත් දේශපාලන මතවාද තීබීම විය.... ඇතැම් තැනකදී තම දරුවන්ට කන්නට දෙන්න උවමනා නිසා තුණ්ඩුවකට බියේ වූවද නොකර බැරිකමට තම කඩ ලෑල්ල විවෘත කිරීම පමණක් විය... මිනිමරුවන්ට විරුද්ධව සිය කට ඇරීම විය... රැකියාවට යාම විය... එවැනි දේ වරදවල් හැටියට සලකා එකී තරිසනුන් විසින් දහස් ගණන් මේ රටේ අහිංසක දෙමාපියන්.. දූ දරුවන්.. ඝාතනය කලහ... දහස් ගණනකට අම්මා තාත්තා නැති කලහ.. අම්මලා තාත්තලාට සිය දරුවන් අහිමි කලහ... ගැහැනුන්ට සිය ස්වාමියන් අහිමි කලහ... සුන්දර කලා කරුවන් මැරූහ.. ආගමික නායකයින් ඝාතනය කලහ... රටම ලේ විලක් කලහ... මිනිසුන්ගේ දහඩිය මහන්සියෙන් තැනූ ගේ දොර වතුපිටි.. ව්‍යාපාර ගිනි තැබූහ.. පොදු දේපල ගිනි තැබූහ... සුන්දර රටක් අමු සොහොනක් බවට පත් කලහ...

කර්මය විශ්වාස නොකලද.. අවසානයේ එකී මිනිමරුවන්ටද කුමන හෝ හේතුවකින් තමුන් කල කී දේට ප්‍රතිඵල හිමි විය... සමහරුන් ටයර් මත පණ පිටින් දැවිණි.. සමහරුන්ගේ සිරුරුවල පණ තිබියදීම බලු කපුටන් විසින් කෑලි කඩාගෙන කන ලදි... දෑස් සිදුරු කරන ලදි.. නියපොතු උගුල්ලන ලදි... ඇට තලන ලදි... අත පය කපන ලදි... කන් සිදුරු කරන ලදි.... පණ පිටින්ම දෙතිස් වදයට ලක්වන ලදි.. අවසන බොහෝ තිරිසනුන් සිය තිරිසන් ක්‍රියාවලට සරිලන පරිදිම බල්ලන් බළලුන් සේ මිය යන ලදි... කිහිප දෙනෙකු ඉතිරි වූවත් ඔවුන්ගෙන්ද වැඩි හරියක් ආබාදිත තත්වයන්ට පත්වී අදටත් දුක් විදිති... ඔවුන්ගෙන් සමහරක් අද වන විට තමන් කල කී දෑ ගැන පසු තැවිලි වූවද.. තිරිසනා බැද දමන්නට කටයුතු කලද...ඇතමෙක් තව දුරටත් තමන්ගේ තිරිසනා හුරතල් කරමින් සිටිති... ඒ ඉදිරියේදීත් තමන් කල කී දේ නැවත දකින්නට ඇති ආශාව නිසාය.. තමන්ට කන්නට වූ පරිප්පුව අනුන්ටත් කන්නට අවස්ථාව දී බලන්නට ඇති ආශාව නිසාය... කොටින්ම ඔවුන් තවමත් තිරිසනුන් නිසාය...

ඒ කර්මයක් ඵලයක් නොහදුනන.. නොඅදහන තිරිසනුන්ගේ ක්‍රියාකලාපයයි... එය දැකීමට අවශ්‍යනම් එන්න.. මගේ තිරිසනාත් අවදි කරන්න.. මා මෙන්ම තිරිසනා මෙල්ල කරන්නට උත්සහ දරනා ලක්ෂ ගණනක මිනිසුන්ගේ තිරිසනා අවදි කරවන්න... ඔබට සුන්දර අත්දැකීමක් විද ගත හැක...

එන්න සාධාරණ අවිහිංසක දහමක් විවේචනය කරන්න එන්න... අන්‍යයන්ට හිංසා කරන ආගම් දහම් ගැන කිසිවිටක කිසිවක් නොකියන්න.. එන්න බුදු දහමම විවේචනය කරන්න... බුදු දහමින් මා ගලවන්න.. මා මෙන්ම දහස් ගණනක් මිනිසුන් ගලවන්න එන්න... අපි නැවතත් තිරිසනුන් හුරතල් කරමු.. එන්න....

06 June 2014

අපේ මහත්මා මෙව්වා එක... සහ...

වැඩ බල්ලට ගියාවේ... සිහි කල්පනාවට ආව වෙලේ ලියා දාමු...

යුගයේ දැවෙන ප්‍රශ්න අංක 1...

සචිත්‍රගේ මෙව්වා එක...

-----------------

කට්ටියටම මේ දවස්වල තියෙන ලොකුම ප්‍රශ්නේ මොකක්ද..? සචිත්‍ර සේනානායකගේ මහත්මා මෙව්වා එක...
හරි හරි මං දන්නවා රටේ ඉන්න එකාලට තව ප්‍රශ්න ඕන තරං ඇති.. මං මේ කියන්නේ බුකියේ සහ බ්ලොග් ලියන කියවන හිංගල එකාලගේ.. (නැතිව සුද්දන්ට දෙමළුන්ට නෙවෙයි) තියෙන ලොකුම මෙව්වා එක තමා ඔය කියාපු මහත්මා මෙව්වා එක...


කට්ටිය ඕක උඩ යට මාරු කොරං පලු ගහනවා... ඒත් කියන්න සතුටුයි මේ මට පෙනුනා වගේ එහෙකුටව් ඕකේ නියම මෙව්වා එක පෙනුනේ නැහැ.. (පේන්නෙත් නැහැ බොලවු.. මොකද මං විතරනේ මේකේ ඉන්න පොර.. :P)

හරි ඇත්තටම එදා මොකද උනේ...

ඔන්න සුද්දොත් එක්කලා අපේ උන් ආ හෝව් හෝව්.. සමහරු සුද්දෝ සුද්දෝ කියන්න එපාය කියලත් කියලා තියෙනවා මං මාතලංගේ පෝස්ටුවේ දැක්කා... කරුමෙට ඉතිං මේ දවස්වල මේ ඩයලොග් මාමලා මට සමහර (සමහරක්ගේ නෙවෙයි ඈ... ) පෝස්ට් වලට යන්න දෙන්නෙත් නැහැ... කොමෙන්ට් කොටන්න දෙන්නෙත් නැහැ.. ඉතිං ප්‍රොක්සි දෙයියෙක්ගේ උදව්වෙන් ගියාට කොමෙන්ට් කොටන්නත් බැහැ.. ඒ හින්දා මාතලංගේ ගෙදර මරා ගැනිල්ලට වතුර (වතුර කිව්වට ඉතිං අපි ගැහුවොත් පැස්ටෝල් තමා ඕං.. ගිනිවලට වතුර දාලා ඔව්වා නිවලා කාට හරි යයිද ආයිබෝං.. :D )

ඉතිං මං මේ කියන්න ගියේ සුද්දෝ නෙවෙයි එංගලන්ත වාසී කිරිකොට් කණ්ඩායමත් එක්කලා.. (එකේ සුද්දෝ බැරිනං වැද්දෝ හිටියාවේ මයෙ මොකෑ..) අපේ එකාලා මැච් හතරක් ගහලා එයින් දෙක බැගින් දෙපැත්තම දිනලා කරට කර හිටිය වෙලාවේ ඔන්න අන්තිම ලාස්ට් ෆයිනල් මැච් එකත් පටන් ගත්තා.. මුලින්ම බොලෙට නෙලන්න ගත්තේ අර කිව්ව එ.වා.කි.ක. (එංගලන්ත වාසී කිරිකොට් කණ්ඩායම) තමා.. කොහොම හරි ඔන්න ඒකාලා ගහලා ගහලා හති වැටිලා ඉන්න වෙලාවේ තමා ඔය කියන සීන් කෝන් එක වෙලා තිබුනේ... අර එ.වා.කි.ක.මේ එකෙක් වෙච්ච බට්ලර නැමැති එංගලන්ත වාසියා.. (මොන හු**ක්ද ඕයි.. මූට සුද්දා කියන්න තිබුනනං මෙච්චර අමාරු නැහැනේ.. කෝ ඉතිං අපේ *ත්තලා එක්ක සුද්දට සුද්දා කියන්නත් නැති උනානේ.. :D ) විසින් පන්දු යවන්නා පන්දුව යවන්නත් කලියෙන් තමුන්ගේ සීමා ඉර ඉක්මවලා අයථා වාසියක් අරගත්තාය සහ ඒක දුටු අපේ පන්දු යවන්නා උන සචිත්‍ර කොලුවා දෙවතාවක්ම ඌට අවවාද කොරලා.. අදාල තරගේ විනිසොරු කං කල සුද්... නැහැ මං මේ කිව්වේ එංගලන්ත වාසී හෝ වෙන කොහේ හෝ වාසී.. එංගලන්තයට වාසී එකාලටත් කියා හිටලා ඒත් අර බටලර තැන කියන දේ නාහා තවත් පාරක් තමුන්ගේ සුපුරුදු කෙරුවාවට ගියාම අපේ එකා.. ඒ කිව්වේ මේ සචිත්‍රයා.. හුටා අපේ එකා නෙවෙයි ඈ.. ඒක වැරදීමක්.. නැත්තං මං ගෝත්‍රවාදියා වෙයි.. අපේ එකා කියලා සචිත්‍රයට කිව්වාය කියලා... (බැහැ ඕයි තවත්නං මේ සිංහල අන්තර්ජාල පාවිච්චි කරන උන් එක්ක ජීවත් වෙන්න..) ඉතිං මේ සචිත්‍ර තෙමේ දෙවතාවක් අවවාද අනුසාසනා කොරලා බැරිම තැන තුන් වැනි වතාවේ කෙලලා ඇරියා නෙව තාප්පෙට.. ඒ කිව්වේ විකට්ටුවට.. 

හරි දැන් තමා බබා හම්බ වෙන වෙලාව...

කිරිකට් පොතේ හැටියට නීත්‍යානූකූලව දැන් මේ දැවී යාම අංගසම්පූර්ණයි... ක්‍රීඩකයා ඉස්සරහට පැනලා තියෙනවා.. පන්දු යවන්නා පන්දු යැවීම නවතා දමා (ඉස්සරනං ඔය නීතිය ඇතුලේ තිබුනා පන්දු යවන්නා සිය පන්දු යැවීමේ ඉරියව්වට පැමිණියට පසු.. ඒ කිව්වේ අත කැරකවීම ආරම්භ කලාට පසු එය නවතා දමා කඩුල්ල බිද දැම්මට වැඩක් නැතිය කියලා මොකක් හරි මගුලක්.. දැන්නං ඒකත් නැද්ද කොහේ..හා හා ඒක යකාට ගියාවේ... ) කඩුල්ල පන්දුව ආධාරයෙන් බිද දමා තියෙනවා.. විනිසොරෙක් එතැන හිටං ඉන්නවා.. උගෙන් එම අවස්ථාව දැවී යාමක් ලෙසට නම් කරන විදියට ඉල්ලීමක් කරලා තියෙනවා...

ඔන්න පින්වතුනි පොයින්ට් එක.. දැන් ඔක්කෝමත් හරිනං.. කොටින්ම විනිසොරාගේ ඇසුත් පේනවනං.. සිද්ධියත් ඌ දැක්කනං.. දැන් පොරට කරන්න තියෙන්නේ එකම එක දෙයයි... ඒ තමා එක්කෝ ඒක දැවී යාමක් කියලා නම් කරමින් ඇගිල්ල ඔසවන එක.. නැත්තං ඔළුව දෙපැත්තට වනලා නිකං ඔටුවෙක් වගේ මූණ හදාගෙන දැවී යාමක් නෙවෙයි කියන එක...

ඒත් පින්වතුනි ඔහේලා ඒ අසිරිමත් අවස්ථාව මේ වෙනකොට යූ ටියුබ දර්ශන මලින් කිහිප වතාවක් දැකලා ඇති කියලා මං හිතන හින්දා මේ කියන්නේ.. දැක්කා නේද අපතයා.. සොරි සොරි.. සද්ගුණවත් සරුව සාධාරණ විනිසොරු මහත්තයා කොරාපු දේ... ඒකා ගියා අපේ නායක.. හුටා අයෙමත් අපේ අපේ ගෑවෙනවා.. (කොටින්ම අපේ කියලා එකක් නැහැ හරිද.. රට සිරිලං කාව.. කණ්ඩායම සිරි ලංකාවේ.. මං සිරි ලංකාවේ.. ඒ උනාට මට මගේ රටේ මගේ කණ්ඩායමට අපේ කියන්ට අයිතියක් නැහැ.. මොකද එහෙම කියන උන් ගෝත්‍රවාදීයි.. එහෙම නැති උන් ලෝක වාසී විශිෂ්ඨ බුද්ධිමත් සරුවසාධාරණ  උන්දලා...) ඉතිං මං මේ කිව්වේ සිරිලංකා නායක ඇන්ජලෝ මැතිව්ස් කාරයගෙන් ඒක දැවී යාමක්ද නැද්ද කියලා විමසන්ට දුවනවා කරන්ට තියෙන වැඩේ පැත්තක දාලා... 

යකුනේ.. (ඒ ආමණ්ත්‍රණය අපේ හෙළ බුවාලටයි ඈ..) අවුට්නං අවුට්.. නැත්තං නැහැ.. මොන එහෙකටද ඇන්ජලෝ මැතිව්ස් හොයන්න දුවන්නේ.. මොකද ප්‍රධාන විසිසොරු දෙන්නට අමතරව වැඩ බලන විනිසොරු කමක් ඇන්ජලෝට දීලා තිබුනද..?

අන්න එතැනින් තමා පින්වතුනි මේ අවුල හැදෙන්නේ...

දැන් ඔන්න ඔහෙලම හිතලා බලන්ට...

1- මුලින් අවවාද කරනවා...

2- දෙවැනුව කඩුල්ල බිඳ දමා ඉල්ලීමක් කරනවා...

3- තුන් වැනුව විනිසොරා විසින් එය දැවී යාමක් කියලා තීරණය කරනවා...

4- සිව්වැනුව බට්ලර තැනට ටිකක් ඔළුව ගස ගස යන්න ඇරලා ඇන්ජලෝ මැතිව්ස් විසින් ආපහු කතා කරලා ඔන්න ඔහේ හිටපිය කියලා කියනවා...

5- අවසාන වශයෙන් හැමෝම සංතෝස වෙනවා...සිරිලංකා පිලට හැමෝම හොඳ කියනවා.. බට්ලර තැන දෙකේ කොලේට වැටෙනවා...
(ආයේ පාරක් ඒ වරදම කලොත් මහත්මාගේ අම්මටය කියලා... කෙලෝලාම දානවා.. :D )

ඔන්න ඔහොමනේ වැඩ සිද්ධ වෙන්ට තිබුනේ...

ඒත් අර පාහර... නැහැ මං කිව්වේ අර නීතිය නොදත් සද්ගුණවත් විනිසොරා මේ අවස්ථාවේ අවස්ථා සම්බන්ධය බිද දැම්මනේ.. මෑන් ගියා අරක දැවී යාමක්ද මොකක්ද කියලා වැඩි විස්තර හොයන්න ඇන්ජලෝ මැතිව්ස් හොයන්න.. ඉතිං එහෙම ගියාම මැතිව්ස් නැහැ ඒක අවුට් නැහැ කියන්නයෑ.. ඒක අව්ට් තමා.. ඉතිං ඇන්ජලෝ මැතිව්ස්ට මුලින්ම වෙන්නේ ඒක අවුට් එකක් කියලා ප්‍රකාශ කරන්න... අන්න දැක්කද මිත්තර වරුනි සිද්ධ වෙච්ච දේ බල්ලගේ වැඩේ බූරුවගෙන් මොකට අහනවද..? 

විනිසොරා කෙලින්ම නීති පොත දන්නවනං.. වැඩේ බඩු බනිස් වෙලා තියේනං.. ආයේ වන වන නොයිද කෙලින්ම දෙන්න තිබුනේ අවුට් එක.. එහෙම කාරණා කාරණා සිද්ධ උනානං ඊ ළග පියවර හැටියට ඇන්ජලෝ මැතිව්ස් බට්ලරට කතා කරනවා දෙකක් නැතිවම ආයේ වරෙං කියලා... ඒත් අවස්ථා සම්බන්ධය බිඳ දාපු විනිසොරා විසින් ඒ ලස්සන අවස්ථාව අපට අහිමි කලා.. මොකද උං දන්නවා වැඩේ සිද්ධ වෙන්නේ ඒ විදියට කියලා.. එහෙම උනොත් සිරි ලංකා කණ්ඩායමටත්.. සිරි ලංකා නායකයටත් හොඳ පිලිගැනීමක් ලැබෙනවා සහ බට්ලර තැන පීචං වෙලා යනවා... ඉතිං අර විනිසොරා හිතා මතාම කොලේ ඒ දේවල් ඒ විදියට වෙන්න නොදී සිරිලංකා පිලට එන්න තිබුන ප්‍රශංසාව හිතා මතාම අහිමි කොරවපු එකයි...

දැන් ඉතිං කොරන්න දෙයක් නැහැ.. විනිසොරා අපිට එන්න තියෙන ප්‍රශංසාවත්.. එංගලන්තේට කඩුල්ලකුත් යන දෙකම අහිමි කලා..

හැබැයි ඌ එක හොඳකුත් කලා... කාලෙකින් එංගලන්ත වාසී ආතල් එකක් ගන්න බැරිව මෙහෙට වෙලා බකං නිලාගෙන හිටිය කීප දෙනෙකුට එංගලන්ත රාජ්‍යයටත්.. එහි නායිකාව වන අති උත්තම ගරු කටයුතු එළසබෙත් රැජිනටත්  තමුන්ගේ ඇති පාක්ෂිකත්වය එළී දරවු කරගන්න අවස්ථාව උදා කරලා දුන්නා...

ඔව් ඒ අස්සේ කලු සුද්දන්ට මොනවා හරි කියලා අපිටත් ආතල් එකක් ගන්න අවස්ථාව උදා කරලා දුන්නා තමා... ඒ පැත්තෙන් ගත්තහම.. විනිසොරුතුමාට තැන්කූ නොකියත් බැහැ...

හැබැයි අනිත් පැත්තෙන් ගත්තාම නීති දන්නේ නැති විනිසොරාලා එක්ක මොන මහත්තුරුන්ගේ මෙව්වද කියලත් නොකියාම බැහැ... ඒ හින්දා ඔක්කෝටම කලියෙන් එංගලන්තයේ විනිසොරාලට තව ටිකක් ඉගෙන ගෙන එන්න කියලා නොකියත් බැහැ... නැත්තං ඉස්සරහට අපේ මහත්මා මෙව්වා එක රැක ගන්න බැරිව ගිහින් අපි ලොකු අමාරුවක වැටෙනවා.. 

“එංගලන්තෙටත් මහත්මා මෙව්වා එක උගස් තියලා මැච් දිනා ගන්න බැරිව යනවා...“

හරි නැහැනේ නේද..?

21 April 2014

සයිබොර් සැණකෙලිය... 2014...

ඇත්තටම කිව්වොත් යන්න තරං හිතක් තිබුනෙත් නැහැ. ඒත් උදේ අර එක නරියෙක් කතා කරලා වරෙං වරෙං කිව්වම ඔන්න ඔහේ ඕන මගුලක් කියලා ලෑස්ති වෙලා පාරට බැස්සා.. බයික් එකේ මංගච්ඡන්න මුලින් හිතුවත් වැහි කලුවක් අහසේ මෝර මෝර ආව හැටියට නිකං මොකටද නාගන්නේ කියලා හිතලා කුඩෙත් අරං බැස්සා පාරට... 171 කේ නැගලා යන එක නෙව...

ආ මං ඔය කුඩේ අතට අරං බහිනවා නේද පාරට.. ඕනෑම ප්‍රමාණයේ මහ වරුසාවක් සුටුස් ගාලා නවතිනවා... ඕක හින්දා මං වැඩිය කුඩේ එළියට ගන්නේ නැති තරං.. මොකද මං වැස්සට බොහෝම ආස මනුස්පයෙක් හින්දා... තෙමි තෙමි ගමනක් යන එක හෙන ආතල් වැඩක්.. හැබැයි ඒ ගමනේ අවසානය විය යුත්තේ එක්කෝ ගෙදර.. නැත්තං කරදරයක් නැති නවාතැන්පොලක් විය යුතුයි.. මොකද ගිය ගමන් නාලා කරලා මනුස්සයෙක් වෙන්ට උවමනා හින්දා.. එහෙම නැතිව වෙන වැඩකට යන අතරේ වැස්සකට අහුවෙලා තෙමිගෙන එතැනට යන එක පට්ට අවුල් වැඩක් නෙව...

ඔය කුඩේම අනිත් එක තමා මගේ දුප්පත් බයිසි මොටෝව... ටිකක් දිග ගමනක් යන්න කියලා බයිසි මොටෝවට නැග්ගනං ඉතිං මොන විදියට පායලා තිබුනත් අතර මගදී එක පැයකට හරි දෙනවා දොඹෙන් යන්නම වැස්ස... (හරි දැන් ඉතිං මීට පස්සේ අර වෙස්සන්තර රජ්ජුරුවන්ගේ සුදු ඇතාව වගේ මගේ දුප්පත් බයිසි මොටෝව ඉල්ලගෙන දුවං එනවා එහෙම නෙවෙයි ඔය වියළි කලාපේ උන්... )

කොහොම හරි දවල් බතට සරිලන වෙලාවට මං බුද්ධෙ අයියගේ ඉඩං කට්ටියේ පස් පෑගුවා...
මයෙ අම්මේ මේ දෑස මක්කටෙයි.. මෙදා අවුරුදු උත්සවේ නෙව අවුරුදු උත්සවේ... එදා මෙදාතුරා තිබ්බ සයිබොර් අවුරුදු උත්සව අස්සේ වැඩිම කාන්තා ගහණයක් තිබුණ අවුරුදු උත්සවේනං මේකම වෙන්ට ඕනෑ... :D පේන පේන අතේ මල් පොකුරු පොකුරු... ඒත් ඉතිං නෙලා ගන්න බෑ මගේ අත දිග නෑ වෙච්චි එක දුක හා දුකට හේතුව තමා.. :D  අපට නැතත් අනිත් උන්ට හරි නෙලා ගන්ට කෝටි ගණන් තව මල් පිපියන් කියලා හිතාගෙන මාත් ඉතිං ටිකැට්ටුවක් අරං වැඩේට සැට් වෙන්ට ගියා...

ගිය අවුරුද්දේ ටිකට් කැඩුව එකීම තමා මේ අවුරුද්දෙත් දාලා තිබුනේ.. හැබැයි ඉතිං මුං ඔක්කෝලම ගිය පාරට දැක්කට වඩා හොදින් පෝෂණය වෙලා තර වෙලා... හරි පිළිවෙලයි.. මහ ලොකුවට බ්ලොග් කාරයෝ කියන්නෙම රටේ උන්ට කන්න නැහැ හරි අහේනිය කියලා.. ඒත් යකෝ මුංදලා ආරලා තියෙන ඈරිල්ලට මුං වෙන රටකින් උස්සං ඇවිල්ලද කියලත් මට හැක හිතුනා.. :D 
හිටියටත් වඩා කෙට්ටුවට කියලා එකෙක් හිටියනං ඒ අපේ රනා තමා.. රනා කිව්වේ අපේ වෙන්න මංතිරිතුමා.. ( නොදන්න එකෙක් ඉන්නවනං ගූගල් කොරලා හොයා ගන්න එකයි ඈ.. :D ) අනේ අසරණයා හිටියැයින් බාගයයි.. ඇදීඊඊඊලා ගිහින්... ( එක පාරක් දිනුවනං ඕවා හරියයි කියලා එහෙම මොකෙක්වත් කියනවා නෙවෙයි ඕං.. :D )

කොහොමින් හරි ඔන්න ටිකට්ටුව ගන්න සැට් වෙද්දි ඔතනට කඩං පාත් උනා අර මල ඇනේ.. ඇනේ කිව්වේ අර අර අර යකා.. අර වෙනී කියන හාදයා.. :D
එතැන හිටිය නංගි කෙනෙක් එක්ක මං කනෙක්ෂන් එකක් හදා ගන්න හැටි (මං කිව්වේ මේ ඩේටා කනෙක්ෂන් එකක් ඈ.. වෙන වෙන ජාති එහෙම හිතන්ට එපාලා.. මං හොඳයි.. නංගි හොඳාදාදායි ) කතා කර කර ඉද්දි මේ යෝධයා ඒකට බාධා කර කර ඇටයක් ගැන අහනවා... මල පනිනවා කියන එකේ උපරිමනේ පින්වතුනි... එක්කෝ මේ යෝධයා කුසල් කරලා නැහැ.. නැත්තං මෙහෙම කුසලයක් කරගන්න හදන එහෙකුට බාධා කරයියෑ ඒක මේ ඇටේ ගැන කිය කිය.. :D

කොහොම හරි නංගිගෙයි මගෙයි කනෙක්ෂන් කතාව අස්සෙම වෙනී අයියගේ ලබ්බ.. මං කිව්වේ මේ එතැන තියලා තිබුන අර ගස්ලබ්බ අරං හොල්ලලා බලලා මං කිව්වා මේකේ ඇති ඇටයක් නැහැ බං කියලා ඕනනං දෙක තුනක් ඇති කියලා.. කොහේද මේ යකා නහින්න හදනවා පිස්සුද මේකේ හෙන සද්දෙට හෙල්ලෙනවා බර ගානක් තියෙනවා කියලා... පස්සේ ඉතිං මං කිව්වා එහෙනං ලියාගනින් ඇට හතලිස් තුනයි කියලා... මේ යකා තව මැරෙන්න හදනවා මොන හතලිස් තුනක්ද කිය කිය.. ඒත් ඉතිං මං ආයේ මොනවත් කියන්න ගියේ නැති හින්දා පොර ඒක ලියලා රුපියල් විස්සකුත් පොරගේ අතින්ම ගෙවලා මගේ නමට තුන්ඩුව දාලා මාරු උනා.. මාත් නංගි එක්ක කනෙක්ෂන් එකක් හදාගන්න එක පස්සේ දවසක නිවාඩු පාඩුවේ කතා කර ගමු කියලා මාරු උනා.. :D
අන්තිමට ඉතිං ලබ්බේ ඇට ගාණ හරියටම කිව්වා කියලා මගේ නමත් කියවුනා...

එතැනින් පස්සෙනං ඉතිං වෙනදා වගේම මොනවා උනාද කියලා මතකයක් නැහැ.. කට්ටිය එනවා අලෝ අලෝ කියනවා.. නම කියනවා අදුරගන්නවා මං එන්නං මචං කියලා තව කෙනෙක් එක්ක කතා කරනවා.. එහාට මෙහාට තමා... එයින් පස්සේ ඉතිං කොට්ටා පොර ගහනවා බලන්න සැට් උනා... නිකං ඉන්න ගමන් කට්ටියට ආතල් එකක් දෙන්නත් එක්කලා ඇලා අයියයි මායි දෙන්නත් ගොඩ උනා කොට්ට පොර ගහන්න... පලවෙනි වටේනං ඇලා අයියා ගහන්නෙත් නැතිව පිටිපස්සේ ගහං හිටිය අත ගලෝගෙන පැරදුනා..  එකෙක්වත් බිම වැටුනේ නැති හින්දා මං පොරගේ ඇගට උඩින් අනිත් පැත්තට මාරු වෙන්න කියලා ගිහාම මෙන්න මේ යෝධයා කැරකිලා වැටෙන්න ගියා.. යකෝ මං මේ දුස්කරක්කිරියා කොරනවා වගේ අර අටල්ල උඩ සර්කස් දාද්දි ටිකක් හිටහං කෝ කොටේ අල්ලගෙන වැටෙන්නේ නැතිව... :D කොහොම හරි ආයෙම දෙන්නා පැති මාරු කොරං දෙවැනි අත සෙල්ලං කොරන්න ගත්තම මෙන්න මූ විහිළුවට විහිළුවට කියලා පටන් ගත්ත එක නිකං පෙර වෛරක්කාරයෙක් වගේ මට නෙලාන නෙලාන යනවා.. මාත් ඉතිං දන්න සිල්ප දාලා කොට්ටා පාර බ්ලොක් කොර කොර හිටියා.. ඒත් හරියන්නෙම නැහැ.. මූට කඩි කලා වගේ හිනා වේගනම ගහගෙන ගහගෙන යනවා.. (මූ හරියන්නෙම දේසපාලනේට ඕං..) බැරිම තැන මාත් ඉතිං දෙකක් වනලා දැම්මා ආ ඔය ඉන්නේ පුතයා මොකාද වගේ කොටේ එල්ලීගෙන.. හරි ඒ තරගේ අහවරයි.. :D

එයින් පස්සේ ඉතිං දෙවැනි වටේට මට කතා කොලාට මං නෙවෙයි ආයේ නැග්ගේ.. මේ වයසක ඩයල් එහෙකට දෙකක් ගහලා බිම දැම්මට දැන් ඉන්න කොල්ලෝ වසයි නෙව.. අනික ඔය අස්සේ ඇනෝලා එහෙමත් කප්පරකට ඉන්ට බැරි නැහැ.. නිකමටවත් මට අල්ලං නෙළුවොත් කියලා බයට නෙවෙයි අර මෙව්වා එකට ඈ... මාත් එක්කල වැටෙන අනිත් කෙනාට නිතරඟයෙන් දිනුම දෙන්ටය කියලා එතැනිනුත් මාරු උනා... ආ තව එකක් කොට්ටා පොර ගහන්ට ගෙහුං කොන්ද කඩා ගත්ත උන්දලාට මගේ බලවත් සෝකය මේ අවස්ථාවේදී පොරකාස කොර සිටිනවා... සංවිධායක මණ්ඩලය අතින් වෙච්ච අඩු පාඩුවක් ඒක.. මට ඕනනං ඕක සුළු අඩුපාඩුවක්ය කියලා ලියන්ට තිබුනා.. ඒත් වැටුන එකෙක්ගේ හරි කොන්ද මේ වෙද්දි අමාරු වෙලා තිබුනොත් ඒකලා මට සුළු කියන වචනේ තේරුම කියා දෙන්ට එන්ට බැරි නැහැ.. :D ඒ හින්දා ඒක සුළුද ලොකුද නැතිව අඩුපාඩුවක්ය කියලා ලියලා තියඤ්ඤං... අඩුපාඩුව තමා කොට්ටා පොරයෙන් බිමට වැටෙන අයව අල්ල ගන්ට නිසි දැනුමක් ඇති අයව නිසි ආකාරයෙන් යොදවලා තියේද කියන එක හා ඒ අය ඒක හරියටම කරනවද කියලා පරීක්ෂාවෙන් හිටිල්ල නොකරපු එක.. ඇත්තටම දෙතුන් දෙනෙක් බිමටම වැටුනා ගෙම්බා පොළවේ ගහන්නැහේ... මෙව්වා සෙල්ලං නෙවෙයි ඈ...

මොනවා උනත් මේ පාර මගේ ෆේවරිට්ම අංසේ වෙන බනිස් කෑම මට මිස් උනා නෙව දවල් වෙලා ගියපු හින්දා...  ඒ හින්දා මේ පාර ආතල් පොටෝ ටිකකින් ඔය උදවියව සංතෝස කරන්න මට විදිහක් නැහැ ඕං.. :D

කොහොම හරි ඉතිං තරගෙන් තරගෙට ගියා.. කලින් දැන හදුනං හිටිය අය වගේම මෙතුවක් කාලයක් දැක නොහිටපු අයවත් කතා බතා කරලා අදුරගන්ට ලැබුනා... ඒ වගේම පහුගිය ටිකේ නැගලා ගිය බ්ලොග් කාරයෝ කාරියෝ රාසියක්ම ඇවිත් හිටියා... කතන්දර/විචාරක/මාතලං/ඇල්කෙමියා වගේ වයසක පරම්පරාවේ අය වගේම අපේ පාරලේ.. මං කිව්වේ මේ කෝරලේ මහත්තයා.. එතැනින් ගියාම හිහි එකට පොරසිද්ද අපේ හිරුවා එහෙමත් ඇවිදින් හිටියා මහත්තයාවත් කුදලගෙන...එතකොට අර නුවර හිටං ආපු අගහරුවා.. ඒ අතරට කවදත් දකින්න ලැබෙන චරිත වෙච්ච ඕනයා/රනා සහ පවුල/වැපා/හීනයා/බනියා/ලිශාන් මල්ලි/රචින්ත/පැතුම්/නිශ්/අවංක පැට්ටා/ජේඩී සහ පවුල (අයේසා) පනුවා නොහොත් අනුරාධ.. චතුමිතු/නීනු/හසියා/ වගේ කාන්තා ඩයල් ටිකත් වෙනදා වගේම හිටියා... එතනැන් ගිහාම වෙනී අයියා/අටං ගොයියා/සෑමා/ රංගොජා මලයා වගේ උදවියත් බුකියේ වැඩි ආස්සරය ඇති අසංක හෙන්දහේවා/මංජුල/රවීෂ/කන්ච්/ වගේ උදවියත් නිතර කතා බහට අහු උනා... ඒ වගේම අමතක කොරන්ට බැහැ තංගල්ලේ බ්‍රාන්ච් එකේ හිටං ඇවිත් හිටිය අපේ සෝරෝ මලයා එහෙමත්... වෙනදා වගේම අන්තිම පේලියේ උන්දලා ටිකත් හිටියා... අර අපේ චීටා දොස්තොර උන්නැහේ හෙමත්.. ආ ඉවාන් පවුලූෂා සහ නලින් අයියා දෙන්නම තට්ටෙ වැහෙන්ටම කොණ්ඩේ වවාගෙන පිට්ටනියට බැහැලා උන්නා... සුදීක අයියත් ඉතිං කෙට්ටු කාලේ ඇඳපු කමිසයක් හිරට හිරේ ඇදන් ඇවිත් හිටියා... තව ඉතිං මාල්යා කෙලී.. අමායා මැණික් වගේ වැඩිය මුහු නොවන කාන්තා රතනයනුත් ඔය හිටියේ... බුකියෙන් වැඩියම හම්බ වෙන රුවන් මලයා සහ උගේ අර බෝම්බ නංගි.. :D එතකොට ඒ නංගිගේ හදා ගත්ත මලයා වෙච්ච පට්ට කලු “සුදු“ මහත්තයා වගේ උන්දලත් හිටියා.. :D :D :D 
ඔන්න ඔය වගේ බොහෝම පිරිසක් මැද්දේ වැඩේ නැගලා ගියා.. බඩ පනුවෝ පිනුං ගහද්දි යන්තං හවස දෙක විතර වෙද්දි කන්ටත් ලැබුනා.. කෑම එකත් හොඳයි.. බත් එකට වඩා විසාල කුකුල් මස් කුස්ටියක් එහෙමත් තිබුනා නෙව.. අනික සුපියල් දෙසීයක් අරගෙන බත් එකක්.. වතුර බෝතලයක් වගේම හවහා මාළු පාන් සහ කිරි පැකට් එහෛමත් දුන්නා.. ඒ වගේම කලින් රෙජිස්ටර් උන අයටනං නොමිලේ ටී සර්ට් හිටං ලැබුනා.. එව්වට ආධාර අනුග්‍රහ දක්වපු අයයි.. වැඩේ සංවිධානය කල අයයි ඒ ටික හොදට කරලා තිබුනා.. (හැබැයි කල් ඇතිව කැම දියවු මැරිලා වැටෙනකල් නොහිට ආයේ කියන්ට තියන්ට එපා.. :D )
හරි ඉතිං හොද වගේම නරකක් දෙකක් නොකිව්වොත් ඒ මං නෙවෙයි නෙවෙයි වගේ නෙව.. අනික ඉතිං මෙතැන නොකියා කොතැන ගෙහුං කියන්ටද..
 ඒ හින්දා ඔන්න මේ පාර දැකපු අඩු පාඩු... කලින් කිව්ව ඒවත් එක්ක..

1. කොට්ටා පොරේදී වැටෙන උන් අල්ලන්ට හරියට වැඩේ සකස් නොකල එක.
2. කෑම ප්‍රමාදය. (ඔතැන අපේත් වැරදි තියෙනවා කලින් නොදැන්වීම සහ ප්‍රමාද වී පැමිණිම වගේ දෙවල්. ඒත් පලවෙනි එකේ වෙලාවට කෑම එක ලැබුන හින්දා පොඩ්ඩක් ඒ අය ඒක කල හැටි ගැන හොයා බැළුවොත් වැඩේ ඊ ළග පාර ගොඩ දා ගතෑකි)
3. ඩීජේ පප්පලා සංගීත තොප්පි තරගේ අතරේ මියුසික් පාර ඇදීම තරගයට පොඩි මෙව්වා එකක් උනත් එතැන නට නට හිටිය උන්ට ඒක මල වාතයක් උනා කියලා මං දැක්කා. එක්කෝ තරගෙන් අහක් වෙන අයට නටන්න කියලා කොන්දේසියක් නොදැමීම හෝ දැම්මනං තරගයට වගේම ඔවුන්ගේ නර්ථනයටත් අසාධාරනයක් නොවන අන්දමට සංගීතය හැසිරවීම.
4. හඩෙහි අපැහැදිත්වය. කලින් වතාවට වඩානං තරමක් මේක අඩු උනත් මං දැක්කා එතැන ක්‍රිඩාංගනයේ අර පරණ ක්‍රමයට ස්පීකර් වගයක් හයි කරලා තිබුනා.. ටිකක් හොයා බලලා ඒ පහසුකම අපිට ගන්ට තිබුනනං බෆල් වලින් එන අපැහැදිලි හඩ (මං කියන්නේ මේ සංගීතය නෙවෙයි නිවේදකයින්ගේ හඩවල් ගැන.. අර පරණ ලවුඩ්ස්පීකර් සැට්වලින් වගේ නිවේදකයාගේ හඩ මනාව අසන්නන්ගේ සවනට ගෙනියන්න බෆල් කිසිසේත්ම සමත් වෙන්නේ නැහැ.)
5. තරඟ නිසි වේලාවට ආරම්භ කිරීම සහ නිසි වේලාවට අවසන් කිරීම. (ආරාදිත අමුත්තිය පැමිනියේ ප්‍රමාද වෙලා උනත් ඒ එද්දිත් ජන ගායනා තරගය පැවැත්වෙනවා.. සහ ඇයට අදාල තරගය වෙනුවෙන් සෑහෙන කාලයක ප්‍රමාදයක් උන බවත් අවසානයේ අවුරුදු කුමාරි තරගය තරගකාරියන් දෙදෙනෙකුට සීමා වීම මෙම ප්‍රමාදය නිසාම වූ දෙයක් බවත් කියන්න ඕන වෙන එකක් නැහැ. )
6. තව එකක් තියෙනවා උනත් ඒක පොදුවේ කරදරයක් වූ දෙයක්ද නොදන්න නිසාත් විශේෂයෙන්ම මට කරදරයක් බවට පත් වූ නිසාත් ඒක නලින් අයියට පෞද්ගලිකව කියන එක හොඳයි.
හරි ඒ ඇරුනම මේ පාර වසර ගානක සිහිනයක් සැබෑ කරගත් අපේ හීනයා මල්ලිට සුභ පතන්නත් මේක මං අවස්ථාවක් කරගන්නවා.. අවුරුදු උලෙලේ හීන කුමාරයා හැටියට හීනයාම අභිසේක ලැබීම අපූරු අවස්ථාවක් හැටියට අපිට දකින්න පුළුවන්.. :D ඒ වගේම විනිශ්චය කරුවන් විදියට දැන හැදුනුංකං වලට ලකුණු නොදුන් බවත් හීනයා තමන්ට උවමනා විදියට නොව විනිශ්චය මණ්ඩලේ කියන හැටියට වැඩේ කිරීම නිසාම වැඩි ලකුණු ගත් බවත් මතක් කර හිටින්න ඕන...
ඒ වගේම සෑහෙන වෙලාවක් වේදිකාවේ රැදී හිටිමින් බොහෝම සුහදව සියළු දෙනා එක්කම හිටිය හා තරඟ විනිශ්චයේදී මෙන්ම තෑගි ප්‍රධානයේදීද තැනේ හැටියට බොහෝම හොඳින් හැසිරුන ගයේෂා පෙරේරාටත් විශේෂයෙන්ම ගෞරවය හිමි වෙන්ට ඕන...

ආ ඒ කිව්වම මතක් උනේ.. යකෝ අර ආරාදිත අමුත්තියට එන්ටය කියලා ආරාධනා කොරලා මාළු මාළු කිය කියා මගුලක් කිව්ව ගරු සංවිධායකයෙක්ද වූ මංජුලයාට මගේ බලවත් මෙව්වා එක ප්‍රකාශ කර සිටින්ටත් ඕන... එතැනින් ගිහාම ආරාදිත අමුත්තිය අපහසුතාවයට පත් නොවන අන්දමට එක් අවස්ථාවක ඇයට මනාව ආවරණයක් සපයමින් තමාගේ පවුල් ආරස්සාව ගැනවත් නොහිතා අගනා කතාවක් කොල ඕනයාට තැනේ හැටියට ඇනේ ගැසීමේ ඇති විශේෂ හැකියාවට සියළුම බ්ලොග් කරුවන්ගේ ගෞරවේත් හිමිවිය යුතුයැයි කියන්ටම ඕන... 
එතකොට තරඟ සංවිධානය හා මෙහෙය වීමේදී රනා සහ නලින් අයියා දක්වපු නායකත්ව භූමිකාව බොහෝම අගෙයි.. විශේෂයෙන්ම රනාගේ පෙර සූදානම් වීම වගේම නලින් අයියා කන සාක්කුවට වැටෙන්ට ගහලා හිටිද්දිත් වයර් මාරු කර නොගෙන අවසන් අවස්ථාව දක්වාම බොහේම හොදින් පිරිස පාලනය කරගෙන වැඩේ ඇදගෙන යාම ගැන මෙන්න මගේ ආචාරය...
අවසානෙටම කියන්ට ඕන.. මට පෙනුන අයට වඩා බොහෝම පිරිසක් මේ වෙනුවෙන් මහන්සි වෙලා.. දායක වෙලා වැඩ කරපු බව අමුතුවෙන් කියන්ට දෙයක් නැහැ.. ඒත් පෙර සූදානම් වීම් ගැන හා සංවිධාන අංශ ගැන මං නොදන්න නිසාත්.. මට එවෙලෙට පෙනුන දේවල් ඇසුරෙන් මං දැක්ක දේ කිව්ව නිසාත් ඒ බොහෝමයක් අය මග ඇරිලත් ඇති.. කොහොමත් ඉතිං පෙරහැර යද්දි කොට අදින අලි පේනවා අඩු හින්දා ඒ අය ගැන වෙන වෙනම සදහන් නොවුනට මාත් එක්කලා අහිතක් හිතන්ට එපාලය.. දැක්ක දේ දැක්ක හැටියෙන් නෙව.. කොහොම නමුත් මේ වගේ වැඩක් මේ ආකාරයෙන් මේ පාරත් සංවිදානය කිරීම ගැන ඒ සියළු දෙනාටම මගේ ස්තූතිය මෙයින් හිමිකර දෙන්න කැමතියි...

එහෙනං ආයෙම හම්බු වෙමු ලබන අවුරුද්දේත් මේ වගේම සයිබොර් සැනකෙලියකින්...

ආ එයිට කලින් වරෙවු 27 වෙනිදා ලේ දෙන පිංකමට....

---------------
හෝව් හෝව්.. අර කිව්වට කෙන්ජි අයියගේ බාබේරියන් ක්වීන්ස්ලා සෙට් එක නොපැමිණි බවත් සතුටෙන් දන්වා සිටිමු. :D :D :D


තව ඉතිං මං ගත්තු හැම පිංතූරයක්ම මෙන්න මෙතැනින් බැලියැකි..

18 April 2014

ඔරිමජිනල් එළවළු රොටිය දැකලා තියේද..? නැත්තං ඕං බලා ගමු...


මීට කලින් දැකලා නැහැ නේද..? මං දන්නවා ඉතිං මේක දැක්ක ගමන් කස්ටිය මට හූ තියන විත්තිය.. ඕනනං කියයි හපොයි මාරයා එලෝලු රොටියක් හදන්න ගිහින් අනාගෙන නේද කියලත්.. ඒත් ඉතිං මංනේ දන්නේ මේක තමා ඔරිමජිනල් එක කියලා... ආයේ ඉතිං වැරදුන එකක්නං මං මෙහෙම දායියෑ.. 

බලන්ටකෝ මෙන්න මෙහෙම මහන්සි වෙලා පිටි අනලා කොරලා..

 මෙන්න මෙහෙම අපූරුවට එලෝලු එකත් හදාගෙන කොරගෙන අවසානෙදි මෙහෙම එලෝලු රොටි වැරදිල හදයිද කියලා..?

මං දන්නවා මං දන්නවා තොපි දැන් මට හිනාවෙන්ට තමා දුවං ආවේ කියලා.. ඒත් ඉතිං තොරණේ විස්තරේ හරියටම කියන්නේ රෑ වෙන්ට වෙන්ට නෙව...
 
ඕං එහ්නං ඒ විස්තරේ...

මෙන්න මෙහෙම පිටියි එලෝලුයි තනා වඩාගෙන..


මෙන්න මෙහෙම රොටී වඩාගෙන...

මෙන්න මෙහෙම තැටිය රත් වෙලා තියෙන වෙලේ රොටිය බාගෙන...

අවසානෙදි මෙන්න මෙහෙම හදා ගන්නවා.. හරිය...

හෝව් හෝව් ඔය පිංතූරේ වමේ සිට දකුණට බලං ගියොත් තමුන්නාන්සේලාටේ පෙනෙයි එලෝලු රොටියේ පරිණාමය..එහෙමත් නැත්තං එලෝලු රොටියේ විකාශය වගේ මෙව්වා එකක්.. පැහැදිලි හිංගලෙන් කිව්වොත් මුලින්ම හදපු එකේ හිටං අවසාන එකට එද්දි අත හුරුව ඇවිල්ලා ගානට හැඩේ එහෙම එන හැටි හිතා ගතෑකි නේද...?
 ඉතිං අවසානේ මෙහෙම තමා...

අර උඩිංම දාලා තිබුනේ අන්තිමට ඉතිරි වෙච්ච පිටි අගිස්සට ඉතිරි උන එලෝලු ටික හොදට අනලා කොරලා හදා ගත්ත ලට්ට ලොට්ට රොටිය තමා.. හැබැයි ඉතිං පෙනුම නිකං තරහට ගැහුව කොත්තු රොටිය වගේ උනාට මොකද.. ඒකත් පංකාදුයි   :D :D :D

ඉතිං අද දවාලට එලෝලු රොටියෙන් තමා වේල පිරිමහ ගත්තේ.. මොනවා කොරන්නද ඉද හිට පාන්පිටි ත්‍රස්ථවාදෙටත් යටත් වෙන්ට අපිට වෙනවා නෙව...

14 April 2014

සුභ නව වසරක් වේවා..!

ඩෝං පටෝං ඩෝං... හෙන ගහන්නැහේ හතර වටින් රතිඤ්ඥා පුපුරන සද්දේ මැද්දේ අළුත් අවුරුද්ද උදා උනේ මගේ ගුඩ් නයිට් එකත් හමාර කොරවන ගමන්ම තමා ඕං.. කොටින්ම කිව්වොත් අවුරුදු උදාවේ නැකතට ගහන රතිඤ්ඤා සද්දෙට තමා මට උදේ ඇහැ ඇරුනේ... :D මං හිතන්නේ නැකතට අවදි වීම බොහෝම හොද ඇති නේද..? 

රයිටෝ එහෙමනං ඔන්න අලුත් අවුරුද්ද..හුටා රේඩියෝව අහන ගමන් මේක කොට කොට හිටියේ.. මේ දැන් ප්‍රවෘත්ති වලට කිව්වා නෙව බීමත්ව රිය පැදවූ මෝටර් සයිකල් කරුවෝ එක් දහස් පන්සිය ගානක් අත් අඩංගුවට ගත්ත කතාවක්.. යකෝ මෝටර් සයිකල් කරුවෝ බීමත්ව හිටිය එක නෙවෙයි වැඩේ.. මුං රිය පදෝපු එක නෙව.. ඔන්න බලන්ටලා බීමත් උනාම මුංට තමුන් කොරන කියන දේ අමතක වෙනවා කියන්නේ බොරුවටද..? :D මොන එහෙකටද බීමත්ව මෝටර් සයිකල් පදින්නේ නැතිව රිය පදවන්න ගියේ.. අත් අඩංගුවට ගන්ටම ඕනෑ... ඔව් ඔව්.. ආ ඒ අස්සේ කිව්වා බීමත් බස් රියදුරෝ තුන් දෙනෙකුත් ඇල්ලුවා කියලා... මගේ අම්මේ මේ ටිකේ බස්වල නෙවෙයි මොන මගුලක ගියත් කමක් නැහැ මුලින්ම අහලා ඉන්න “ඩැයිබර් උන්නැහේ ඔහේ දෙකක් දාලාද ඉන්නේ“ කියලා.. ආයේ මොටද පස්සේ නිකං දුක් වෙන්නේ...

හුරේ.. මේ අවුරුද්දනං සුභම සුභ අවුරුද්දක් වෙනවා.. මේ දැන් මහින්ද අයියගේ සුභ පැතුමත් ආවා... මොනවා උනත් අයියා මට ආදරෙයි.. ඒකනේ මේ තරං වැඩ රාජකාරි තියෙද්දී උදේ පාන්දරම ෆෝන් එක අරං මට මැසේජ් එකක් කොටලා එව්වේ.. ඒකත් බාසා තුනෙන්ම.. දෙමලෙනුත් තියෙනවා හම්මේ මට දැනෙන සංතෝසේ.. :D මහින්ද අයියාටත් බාරියාව සහ පුත්තරයෝ තුන් දෙනා ඇතුළු මුළු පවුලටමත් සුභ අලුත් අවුරුද්දක්ම වේවා..!

හරි එහෙමනං වැල් බයිලා ඇති... අලුත් අවුරුද්දක් උදා වෙලා තියෙන්නේ.. මේකේ මොන අලුත්ද අනං මනං බයිලා කියව කියව ඉන්නේ නැතිව මේක අලුත් අවුරුද්දක්ය කියලා හිතාගෙන හොඳ හිතිං ඒක බාර අරගෙන ඔය පහුගිය අවුරුද්දේ කොරාපු මරි මෝඩ අමන වැඩ අමතක කොරලා දාලා.. අලුත් අවුරුද්දේ ෆිට් එකේ ජීවත් වෙනවා කියලා හිතා ගෙන වැඩට බහිමු...

රයිටෝ එහෙමනං මෙතෙක් දවසක් මාත් එක්ක මේ බ්ලොග් කටුව එක්කලා හිටිය සහෘද ඔබ සියළු දෙනාටමත් වාසනාවන්ත සුභ අලුත් අවුරුද්දක් වේවා..! උදාවන වසර සතුට සාමය සෞභාග්‍යය සපිරි සුපිරි වසරක් වේවා..!

උංගල් අනිවාරුක්කුම් පුත්තන්ඩු නල්වාල්තුක්කල්..! :D

13 April 2014

සේකර සමඟ මගේ වලිය... :D


රන්වන් රන්වන් ගත බබලනවා
හිනා කටින් කිරි පෙණ උතුරනවා
හිනා බුබුලු කට කොනින් පෙරෙනවා
ඒ දුටු තරමින් හිත මත් වෙනවා

ඒ කට මේ කට ළඟට අදිනවා
දෑස පියා එක හුස්මක් බොනවා
ඈත තියන්නට හිත නැති වෙනවා
බීගෙන බීගෙන ඉන්න හිතෙනවා

හීතලේම උඹ ළඟට ඇඳෙනවා
දෑත දෙපය ඇඟ උණුහුම් වෙනවා
වාත හන්දි කැක්කුම් දුරු වෙනවා
බූතයන්ට ඇති බය නැති වෙනවා

මේසේ අපි උඹ වටව සිටිනවා
දෑසේ නිදි මත මතට ඇරෙනවා
රාසේ කළ හැම දේම කියනවා
මාසේ පඩියම උඹට පුදනවා

නො තේරේය තම තරම පමාණේ
හිතේ දුකට බේතයි අනුපානේ
පොතේ කියන බණ වෙයි අඩමානේ
නැතේ නුඹට සම වෙන අන් පානේ

පෙරයම අපි උඹ ළඟට ඇදෙනවා
මද්දිම වනතුරු එකට සිටිනවා
අලුයම එක ළඟ වැටී නිදනවා
තුන්යමටම මට උඹ සිහි වෙනවා
 -------------------------------------
එහෙම කිව්වේ මං නෙවෙයි අපේ සේකර මහත්තයා...
හැබැයි එයින් පස්සේ කාලෙක මං මහත්තයත් මෙහෙම කියනවා...
 
-------------------
බියර් නොමැති ජීවිතයක් කුමක් වැනි...
රුවල නැතිව පාවෙන ඔරු කඳක් වැනී...
බියර් තිබෙන කල ජීවිතෙ කුමක් වැනි...
හැටට හැටේ යන ලැම්බෝගිනිය වැනී...

පසෙකින් සිහිල් සුළගින් පිරි ෆෑන් එක...
අනිත් පසින් බෝල වඩේ පීරිසිය...
ඒ මැද්දෙන් බැදපු මිරිස් කරල් ඇත...
මෙයිට වඩා තව සැපයක් කොයි ඇද්ද...

දුක සැප කුමක් වූවත් නිති ලගින් සිටී..
මිතුරන් ලෙසින් සැමදා තනි රැකිය හැකි..
දුක මෙන් සැපෙත් කිසිදා අත් නොම හරිතී..
නුඹ වන් තවත් කිසිවෙක් මේ ලොවම නැතී..

කලකින් සිහි උනේ නුඹගේ මිතුරු දම...
ලගින් සිටිය අය මට පිටු පාපු කල...
දුක සැප දෙකෙහි සැමදාටම ජීවකය.
බියර් වඩිය නුඹමය මගේ ජීවිතය...
----------------------------------
 
ඒත් මගේ හිතට මදි... යකා නැග්ග පාර මං මෙහෙම කියනවා...
 
-------------
සේකර උඹනං හරි වස නපුරා..
ලියන්න හිටි මං බොහොම හිතාගෙන..
හැම කවියක්මත් උඹ ඇත ලියලා..
ලියන්න දේවල් දැන් නැත ඒ හැර.
උඹ කල විපතක මහතක් මේ මට..

මීවිත ගෙනෙනා රස සුව අගනා..
ඒ ගැන දැනටත් උඹ ඇත ලියලා..
එතෙකින් නොනැවත මහ කිවි හතුරා..
බියර් ගැනත් ඇත කවි පද ලියලා..

මරණය නම් වූ අපූරු මිතුරා..
දිවියේ අවසන සැනසුම ගෙනෙනා..
ඒ ගැන ලියනට සිතු සිත සපුරා..
එකෙත් ඇති සුව උඹ ඇත ලියලා..

ඉතින් කියාපන් කරනෙම් මොනවා..
ලියන්න කිසිවක් දැන් මට නැතිවා..
මේ කල විපතට සරිලන විලසා..
නුඹට දෝස් මුර තබනෙමි මෙලෙසා..
 
---------------------------------------
 
 හැබැයි අවසානෙදි මං හොයා ගන්නවා සේකරට අතෑරුන තැනක්...

-----------------

සිටු මාළිගා රජ මැදුරේ රැඳී නැතී..
ධනවතුනගේ මුව පහසේ උරුම නැතී..
උගත් වියත් අය හට දැකුමත් නොමැතී..
එහෙත් බොහෝ දන නුඹ හා කල් යවතී..

විසිතුරු නේක කැටයම් කල ඇසුරුමක..
දිලිසෙන පැහැය ඇති හැඩ වැඩ පෙට්ටියක..
නොයෙකුත් හැඬැති මන බඳිනා මේසයක..
නුඹ සිටි බවක් නම් නැත මගේ මතකයක..

අවන් හලක මකරුන් සිටිනා තැනක..
ගිමන් හලක තරු පහ හය රැඳුන තැන..
විසල් ලැඟුම් හල් දිලෙනා ඇති නේක..
කිසිත් කලෙක එහි පහසක් නුඹට නැත..

වෙදුන් බනිති නුඹ ගැන කිසි හොඳක් නැත..
ලිපිත් ලියති නුඹටම එරෙහිව සැවොම..
පොලිස් අතත් ගෙන දෙන නුඹටම ගැහැට..
උතුම් නීතියත් නුඹටම කපයි වල..

කියනා කිසිත් අගයක් නැත නුඹ ගාව..
ප්‍රමිතිය ගැනත් ඇත සෑහෙන අවලාද..
මේ වන් ගැහැට විඳ අවමන් අපහාස..
තවමත් නුඹ සිටී නොසැලී අප ගාව..

දාහක් දෙනා හඬ නැගුවත් විරුද්ධව..
ලෝකයේ කිසිත් අගයත් නැතුවත් නුඹට..
ඒ කිසි දොසක් ගැන නොම වී අමනාප..
පොඩි මිනිහාගේ දුක නිවනා හැටි තාම..

වත්තේ කොනේ බඩ වැටීයේ සැග වීලා..
දොළ පහරේ ඇළ අයිනේ නිපදීලා..
සමහර විටක සති ගානක් පල් වීලා..
නුඹ ඉපදෙනා හැටි ඇත රහසක් වීලා..

යකඩ බැරලයක් පෙරලා පැත්තකට..
එහි උඩ පැත්තේ කට කපලා ගානකට..
සීනිත් සමඟ ඊසුත් මුසු කොට යසට..
වතුරත් යොදා පැසවති හොඳ පදමකට..

මහ ගණ වනේ හෝ නිවසේ කුස්සියක..
ලිං මිදුලේ සඳ ඇති දින මහ රැයක..
දර ගිනි ගොඩේ හෝ වෙනයම් හෝ ලිපක..
දැල් වෙන ගින්න මත රත්වනු ඇත දිනක..

තඹ බටයෙන් සැදි දඟරය තුලින් යවා..
ගිනි රස්නය සීතල වතුරෙන් නහවා..
හුමාලයන් පිණී බිඳු සේ යළි හරවා..
බිඳුවෙන් බිඳුව ඉස්පිරිතුව එක් කරවා..

පදමට සරිලනා සේ වතුරත් මුහුව..
අඩු වැඩි නැතිව බූලිය තුල වී සිරව..
සඟවා තැනින් තැන බොහො රැකවල් ඇතිව..
අවසන විකුණනා අඩු මිලකට නිමව...

මිල අඩු උනත් නැත රසයේ කිසි අඩුවක්..
මොන තරමකින් හෝ නොවෙතිය දෙවැනි තැනක්..
රසවතුනගේ මන පිනවන බොහොම කලක්.
දුප්පතුනගේ සිත පිනවන දිව ඔසුවක්..

නසනා දුක සෝක ඇඟපත ඇති වෙහෙස..
නිවනා සිතේ ගිනි ගිනි වතුරෙන් සවස..
ගෙවනා ජීවිතේ රැ‍ඳෙමින් ළග ගැවස..
මිනිසුන් දුක නසයි නුඹ නැතිකර පවස..

රජවරු සිටුවරුන් අතරේ පමණක්ද..
දුප්පත් දනා හට මත්බව අකැපයිද..
සල්ලිය බාගේ නැති කම මහ වරදක්ද..
කසිප්පු බීම පමණක් තහනම් ඇයිද..
------------------------------------
 
අන්න එයින් පස්සේ තමා යන්තං මට සැනසිල්ලක් ලැබෙන්නේ.. යන්තං එකක් හරි හොයා ගත්තනේ.. :D
 
කාලෙකට පස්සේ පරණ යාළුවෙක් හම්බ උනා පරණ අවුරුද්දේ.. අපි බලමු යාළුවා මොනවා කරයිද කියලා...