04 May 2015

එවන් කලක් යලි නොඑන්නට...

video
(වීඩීයෝව උපුටා ගත්තේ බුකියෙනි)

අපේ රටේ මෙහෙම අවස්ථාවල මේ විදියට රෑගත කරලා හදාපු වීඩීයෝ නැහැ... විදේශ රටක උනත් මේ දර්ශන බලන කොට ඒ අත්දැකීම් අපිට අමුතු දේවල් නෙවෙයි...

විශේෂයෙන්ම අනුන්ගේ රටවල අහක යන යුද්ද ඇති කරලා ඒවට හොට දාන හමුදාවක සාමාජිකයින් නොවී තමන්ගේම රටේ ඇති උන යුද්ධයකදී ඒවට දායක වෙන්න ගිය පවුලේ සාමාජිකයින් නැවත අපි අතරට එද්දි දැනෙන දේ... ඒක වචන වලින් කියන්න පුළුවන් දෙයක් නෙවෙයි...

ඒක තවත් සුවිශේෂී වෙන්නේ දශක තුනකට ආසන්න යුධ කාලයකදී අවසානම සමය හැරුනු කොට එයට පෙර කාල වලදී යුද්ධය තනිකරම ව්‍යාපාරයක් බවට පත් කරගත්ත දේශපාලන නායකයින් නායිකාවන්.. ව්‍යාපාරකයින් රාජ්‍ය නොවන සංවිධානවල ක්‍රියාකාරීන් යැයි කියාගත් අමු වසලයින් ඇතුළු කාලකණ්නි මස්වැද්දන්ගේ සූදු පිටියක් වෙච්ච කාලයක.. නිකරුනේ තමන්ගේ දුවගේ පුතාගේ ජීවිතය ඒ යුධ සූදුවට බිලි වෙයි කියලා හිත හිත... හැම දවසකම ගමේ පන්සලේ බෝධිය ගාවට ගිහින් තමන්ගේ හිතට දැනෙන දුක කිය කිය දෙවියෝ බුදුන් වැද වැද අසරණව හිටිය දෙමාපියන් හිටිය රටක් වෙන නිසයි...

මේක බලද්දි මට මතක් උන මගේ ජීවිතේටත් සමීප බොහෝ දෙනෙක් නිතැතින්ම සිහියට එන එක වලක්වන්න පුළුවන්කමක් නැහැ...

එයින් එක්කෙනෙක් අපේ නැන්දගේ පුතා... නැන්දගේ දරුවෝ අතරින් තුන් දෙනෙක්ම ආරක්ෂක අංශයේ සේවය කලේ.. එකිකෙනෙක් කොමාන්ඩෝ බලකායේ... අනිත් කෙනා එස්ටීඑෆ් බාලම පුතා පොලිසියේ...මීට අමතරව දුවලා බැදපු බෑනලා දෙන්නෙක්ම පොලිසියේ.. චන්දයක් කිට්ටු වෙද්දි ඒ දවස්වල නිතරම යුද්ධයක්... ඒ තමයි ඒ කාලේ රටේ දේශපාලනය කල උන්ගේ හැටි... චන්දේ ඉවර වෙච්ච ගමන් කරපු යුද්ද නවත්තලා ආපහු අකුලගන්නවා.. යුද්ධේ හින්දා මිය ගිය ආබාධිත වෙච්ච අතුරුදන් උන අය ගැන වගකීමක් උන්ට තිබුනේ නැහැ... ඒ තමා උන් කල දේශපාලනේ...

ඉතිං යුද්ධය තදින් යන හැම කලෙකම නැන්දයි මාමායි හිටිය විදිය හැමදාම පත්තර බලන්න ඒ ගෙදර යන එකෙක් හැටියට මම හොඳින්ම දැනං හිටියා... දෙයියන්ගේ පිහිටෙන් ඒ එක්කෙනෙකුටවත් කිසිම කරදරයක් උනේ නැහැ... හැබැයි...

එක පාරක් හවස් වරුවක මිනිස්සු නැන්දලගේ ගෙදර පැත්තට දුවනවා දැකලා මාත් දිවුවා... නැන්දලගේ ගේ ගාව මිනිස් පොදියයි... හැමෝම වගේ අඩනවා දොඩනවා... ඒ අතරේ තවත් සමහරු ඉක්මනට වැඩට බැහැලා අහල පහල සුද්ද කරලා සුදු කොඩි දාන්න ලෑස්ති වෙනවා... හේතුව පොලිසියෙන් ඇවිත් පණිවිඩයක් දීලා ගිහින්.. නැන්දගේ බාලම පුතා... XXX අයියා බෝම්බෙකට අහුවෙලා මිය ගිහින් කියලා... අයේ ඉතිං තත්වේ මම කියන්න ඕන නැහැනේ... මුළු ගමම මළ ගෙයක් වෙන්න ඒ හැටි වෙලාවක් ගියේ නැහැ... ඒත් රෑ නවය විතර වෙද්දි ආයෙමත් පණිවිඩයක් ආවා.. අපේ අයියා නෙවෙයි.. ඒ නමම තියෙන වෙනත් පොලිස් නිලධාරයෙක් මිය ගිහින් තියෙන්නේ කියලා.. යාන්තං ගමේ ගින්නත්.. මාමලගේ ගෙදර ගින්නත්... නැන්දගෙයි මාමගෙයි අපේ හිත්වලයි තිබුන ගින්නත් නිවිලා ගියා... ඒත්... අපේ ගින්න නිවෙන තත්පරයේදීම... ලංකාවේ කොහේ හරි අපි නොදන්න තැනක.. ඒ ගින්නම එ් විදියටම ඇවිලෙනවා කියන එක මට එදා පොඩි එකෙක් හැටියට අවබෝධ උනේ නැහැ.. ඒත් දැන් තමයි තේරෙන්නේ... තැන විතරයි වෙනස්.. ගින්න එහෙමමයි කියලා... ඉතිං ඊට පස්සේ අයියා ගෙදර ආපු දවස ගැන සහ එදා නැන්දලගේ ගෙදර තත්වය ගැනත් මම කියන්න උවමනා වෙන එකක් නැහැ...

ඒ එක අත්දැකීමක්.. ඊ ළග එක මට ඒ තරම්ම සමීපව අත්විදින්න උනේ නැත්තේ මේ වගේ මම ඒ අවස්ථාව වෙලාවේ ගමේ හිටියේ නැති හින්දා... ඒත් ඒකත් මෙහෙමමයි... මට මතක හැටියට ඒ වරක් පුනරීන් කදවුරට කොටින් විසින් එල්ල කල දැවැන්ත ප්‍රහාරය වෙන්න ඕන... හමුදා සාමාජිකයින් විශාල සංඛ්‍යාවක් මිය ගිහින්.. ඒ වගේම පිරිසක් අතුරුදහන් වෙලා තිබුනා... පහුවදාම හේ දින තුනකට පස්සේ අපේ ගමේ ගෙදරකට ඒ මූසල පණිවිඩය ලැබුනා... මමත් කුඩා කල ඉගෙන ගත්ත ගමේ පොඩි ඉස්කෝලේ අසලම ගෙයක්... මේ ගෙදර ප්‍රසිද්ධ වෙලා තිබුනේ ගෙදර මිදුලේ තිබුන විශාල ගහක නමින්... ඒ ගමේ නම කියලා අහවල් ගහේ ගෙදර කිව්වනං පළාතම දන්නවා...ඒ ගෙදර දරුවන් පස් දෙනෙයි.. කොල්ලෝ තුනයි කෙල්ලෝ දෙකයි.. එයින් ලොකු පුතා විශ්ව විදයාලයක ආරක්ෂක අංශයේ හිටියේ.. දෙවැනියා තමා හමුදාවේ හිටියේ... ඔහු ගමේ ප්‍රසිද්ධම වෙලා හිටියේ ගමේ කොට්ටා පොර ශූරයා විදියට... කොට්ටා අවුරුදු කාලෙට ගෙදර හිටියොත් ඔහු ගොඩවෙන කිසිම කොට්ටා පොරයක දිනුම වෙන කාටවත් ගන්න බැහැ... හකු පාඩා එළියට පනින තරමට කට තදින් පියාගෙන ප්‍රතිවාදීයා එක්ක කරන ඔුනෑම දරුණු කොට්ටා ප්‍රහාරයක් දරාගෙන සිටිමින් එක් වරම හෙන ගහන්නාක් වැනිව එක්ක කරන එකම එක කොට්ටා ප්‍රහාරයකින් අනිකාව බිම හෙලිමට ඔහුට තිබුන හැකියාව අදටත් මට සිහියට නගා ගත හැකියි...

අර කිව්ව ගෙදර පණිවිඩය ආවේ ඒ පුතා අතුරුදන් කියලයි... එතනත් ඉතිං තත්වය අමුතුවෙන් කියන්න ඕන නැහැනේ... හැබැයි එයිටත් දින කිහිපයකට පසුව තදින් අවුවට පිලිස්සීමෙන් ලද තුවාල රාශියකුත්.. තවත් සිරුර පුරා වූ තුවාලත් සමගින් මේ කොල්ලා පාන්දරක ගෙදරට ඇවිත් තිබුනා.... සැතපුම් තිහකට ආසන්න ප්‍රමාණයක් කරවටක් මුහුදේ ගිලෙමින් ඉතා දුෂ්කර ගමනකට පසුව ආරක්ෂිත ප්‍රදේශයකින් ගොඩබිමට පැමිණ බොහෝම දුර්වලව අවසානයේ නිවස කරා එන්න ඔහුට හැකියාව ලැබී තිබුනා... එයින් පසුව සති කිහිපයක් ඔහු සේවයට වාර්ථා නොකර සිටියත් අවසානයේ සුවය ලැබූ පසු සියල්ලන්ගේම විරෝධය මැද නැවතත් සේවයට වාර්ථා කර තිබුනා... පසුව මේ වැනිම දිවි බේරා ගැනීම් කිහිපයකටම ඔහු සමත්කම් දක්වලා තිබුනත්... ඔහුට ලැබුන අවස්ථාව නොලද පිරිස දහස් ගණනක් මේ යුද්ධයේදී සිය තරුණ ජීවිත නිමා කරන්නට යෙදුනා...

තෙවැනි අත්දැකීම අර දෙකටම වඩා නරක එකක්... ඒ අපේ තවත් මාමා කෙනෙකුගේ බාල පුතා... ඒ පවුලෙත් ළමයි පහයි.. කොල්ලෝ දෙකයි කෙල්ලෝ තුනයි.. පවුලේ බාලම පුතා තමා හමුදාවට ගියේ.. මට වඩා වසර කිහිපයක් වැඩිමල්... ඔහු අනිත් දෙන්නටම වඩා මාත් එක්ක සමීප ඇසුරක් තිබුන කෙනෙක්.. එකක් වයස් පරතරය අඩු වීම.. අනික මාව දහම් පාසල්වලට ඇරලා ඇරලා හෙම්බත් වෙලා හිටිය අපේ තාත්තා වරක් අළුතින් ගමේ ඈත තිබුන රජමහා විහාරයේ දහම් පාසලට ඇතුලත් කොට මාව බලාගන්න බාර දුන්නේ මේ කියන අයියාට වීම... උදේ හවස දහම් පාසලට මාව රැගෙන යාමත්.. නිතර දෙවේලේ රන්ඩුවලට පැටලෙන මාව එයින් ඉවත් කර තබා ගැනීමත් බාර උනේ ඔහුට.. ඉතාමත් ගුණයහපත් අයකු වූ ඔහු ඒ වගකිම හොදින් ඉටු කල ආකාරය මට මතකයි... ගමේ කිසිම කෙනෙක් සමග කවදාවත් රණුඩවකට නොගිය බොහෝම අහිංසක චරිතයක් උන ඒ අයියට අර කලින් කියපු දෙන්නට ලැබුන අවස්ථාව හිමි උනේ නැහැ... යන්තම් දහ අට පිරෙද්දිම අධ්‍යාපනයට සමු දුන්න ඔහු රට වෙනුවෙන් යුද්ධයට ගියා... හමුදාවේ විශේෂ බලකා භටයකු ලෙසින් වසර කිහිපයක්ම සේවය කල පසුව දිනක් මෙහෙයුමක් අතරතුරදී හිසට වැදුන මෝටාර් කැබැල්ලක් ඔහුගේ ජීවිතය අවසන් කර තිබුනා...මේ වන විට මගේ ගෙවල් පාරට උඩින් පිහිටා ඇති ඔහුගේ නිවාසය ඇති පාර නම් වෙලා තිබෙන්නේ ඔහුගේ නමින්... “රණවිරු XXX XXXXX මාවත“ හැමදාමත් ගෙදර යනකොට ඔය නම සහිත ප්‍රදේශීය සභාවෙන් සවිකල නාම පූවරුව දකිනකොට මට අයියත් එක්ක දහම් පාසල් ගිය කාලය සිහිවෙන්නේ නිතැතින්මයි... මට එහෙමනං ඒ ගෙදර මිනිස්සුන්ට ඔහුගේ මතකය කොයි තරම්නං දුකක් අදටත් ඇති කරනවා ඇද්ද..?

ඉතිං ඒ තරම් සමීප අත්දැකීම් රාශියක් ඇති අපට මේ වැනි වීඩීයෝවක් දකින කොට ඒ ඒ අවස්ථාවන් ගැන සාමාන්‍ය අයට දැනෙනවාටත් වඩා තදින් ඒ අවස්ථාව දැනීම අමුතු දෙයක් නෙවෙයි.. මෙච්චර දිගට ලියන්න උනත් ඒ අපව පොළඹවන්නේත් ඒ හැගීම විසින්මයි... මොන විදියේ මිලක් ගෙවා හෝ ඒ යුද්ධය නිමා කර දැමීම මේ තරම්ම අපට වටින්නේත් ඒ නිසයි... 

එවන් දුක්ඛිත කාලයක් නැවත නොඑළඹෙන... නිවට කුහක සටකපට රූකඩ දේශපාලකයින්ගේ උවමනා එපාකම් නිසා නැවත රටේ යුද්ධයක් ඇතිවන තත්වයට කරුණු කාරනා පෙල ගස්වන්නේ නැති... අම්මලා තාත්තලාට තමන්ගේ දරුවන් අහිමි නොවන.. දරුවන්ට තමාගේ දෙමාපියන් අහිමි නොවන... බිරින්දෑවුන්ට සැමියන් අහිමි නොවන.. සොහොයුරු සොහොයුරියන්ට තමන්ගේ සොහොයුරන් අහිමි නොවන.. මිතුරන්ට මිතුරන් අහිමි නොවන... යුද්ධයකට පාර නොකැපෙන අනාගතයක් කොයි තරම් වටිනවාද..?

මිය ගිය.. අතුරුදන් වූ.. ආබාදිත වූ අයගේ ගෞරවයත් රැකගෙන... ඔවුන්ගේ සමීපතමයින්ගේ සිත්වලටත් දුකක් කලකිරීමක්.. කණගාටුවක් ඇති නොවන.. ගෞරවාන්විත සාමයකින් යුතු කලක් හැමදාමත් අපට හිමි විය යුතුයි නොවේද..? එදාට මෙවැනි සංවේදී අත්දැකීම්වලට මුහුණ පෑමට අපට සිදු නොවනු ඇත.

19 April 2015

සයිබොර් සිහින අවුරුදු සීන් එක 2015...

ආයේ ඉතිං ඉස්සර වගේ සුකුරුත්තං දාලා ලිවිල්ලක් කොර කොර ඉන්ට හැටියක් නැති හින්දා ඔන්න ඔහේ අමුවටම දඩි බිඩි ගාලා කෙටියෙන්ම ඔබලා අරින්නං...

කෙටියෙන් කිව්වොත් ඉතිං මෙදා පාරත් හදිසියේ නමුත් ගියා සයිබර් වාසීන්ගේ අවුරුදු උස්සවේ බලන්ට කියලා වැල්ලවත්ත කුරේ පිස්ටැනියට...

පොඩිත්තක් විතර වෙනදට වඩා කස්ටිය අඩුවක් දැක්කා උනත් වෙනදා නොදැකපු අළුත් මූණත්තහඩුත් සෑහෙන්න තිබුන හින්දා ලොකු අඩුවක් උනේ නැහැ.. අනික ඉතිං මෙදා පාර ගෑල්ලමයි හෙම ටිකක් වෙන්ට හිටියා නෙව.. එතකොට ඉතිං මොන අඩුවක්ද මං අහන්නේ.. ගිය අය දන්නවා නෙව ඒ ගැන... 
 මං හිතාන ගියේ අටට පටන් ගන්නවා ඇති කියලා උනත් එතැනට ගියාමයි දැන ගත්තේ වැඩේ ඉට්ටාට්කොරන්නේ නවයටය කියලා.. නවයත් පහුඋනාට පස්සේ ඉතිං පටන් ගත්තා.. අවුලක් නැහැ.. ඒක ඉතිං සිරිලාංකික අබිමානේ නෙව... කොහොම හරි වෙනදා වගේම එකා දෙන්නා පස්සෙන් පහු එන්ට තියා ගත්තා... අර පොටෝවක දාලා ඉන්න ඇගපතේ මස් දාලා ආව ෂර්ට් නැතිව කඹ අඳින මල්ලිත් මං හිතන්නේ සංවිධායක බුවෙක්.. ඌ ආවේ දවල් දොලහට විතර... ඉතිං කොහොමද වෙලාවට අවුරුදු උත්සවයක් පටන් ගන්නේ... ඒකා වගේ උන් සංවිධායක මණ්ඩලේ ඉද්දි අනිත් උන් මේවා ඇදං යන එකම මදෑ මං අහන්නේ... උගෙන් මං පමාවට කාරණාව ඇහුවම ඔය ගෝරිල්ලා ගත් කටටම කිව්වේ “අපිටත් ඉතිං දවල් වෙනකල් නින්ද යනවනේ අයියේ“ කියලා... ආයේ ඉතිං එයින් එහාට මොන කතාද..? ඒත් ඉතිං දන්න කියන විදියට ඔය යෝධයගේ වෙන්න බාරියාවගෙන් ටික දවසකට මිදිලා කොලුවා නිදහසේ ඉන්න දවස් ටිකක් හින්දා කනක් ඇහැලි ෆොන් එකේ කරදරෙන් මිදිලා ඉන්න දවස් කීපය හරි ඕකා නිදා ගත්ත එකත් එකාතකින් ලොකු දෙයක්නේ කියලා මං හිත හදාගත්තා... :D
 වෙනදට වඩා ටිකක් විතර ඉස්පීඩ් එකේ තරග ටික ගියා... ඒක ලොකු දෙයක්.. නැත්තං අනවස්ස වැඩටයි කතා බහටයි ගිහින් ඇදලා ඇදලා වැල් කරලා අවසානෙදි රෑ හත අට වෙනකල් තරග තිබ්බම බොහෝම කරදරයි.. පිට්ටනියේ පහට පුට්බෝල් මැච් එකක් තියන හින්දා මොන මගුල උනත් පහට ඉවර කරන්න තිබුන හින්දා හරි ඔහොම ඇදලා දාපු එක හොදයි...
වෙනදා වගේම ඉතිං මුං මාව බඩගින්නේ තිබ්බ වෙලාව වැඩියි... :D කෑ කොස්සන් ගැහුවට පස්සේ යන්තං කන්න ලැබුනා.. අවුලක් නැහැ...

මේ පාර ඉතිං කියන්න තරං ලොකු වරදක් නැහැ... කස්ටිය අඩු වීම මේ පාර අවුරුදු උස්සව වල සාමාන්‍ය ගතියක් වගේම අවුරුදු උස්සව අඩුවීමත් සාමාන්‍ය දෙයක් නිසා මේකට විතරක් වෙනදා තරම්ම කට්ටිය නැති එක ඒ හැටි කාරණාවක් නෙවෙයි... ඒවා ඉතිං දේසේ හැටියට බාසේ කාරණා... ඒත් මං හිතන්නේ එකසිය පණාට වඩා ඉන්න ඕන.. හරියට ගැන ගන්න උනේ නැත්තේ බාගෙට බාගයක් හිටියේ වේදිකාවෙන් පසුපස වීම නිසයි... වේදිකාවෙන් පසුපස කිව්වේ කට්ටිය පසුපස ඉදලා හෝ ගාලා වැඩ කියන එකනං නෙවෙයි.. මොනවද ඉතිං පිටිපස්සට වෙලා බෙහෙත් වතුර බිව්වා.. මේ දවස්වල සෑහෙන්න සනීප නැති උන්දලා හිටියේ.. හැබැයි ඉතිං බෙහෙත් බීපූ ලෙඩ්ඩුන්ගෙන් ගිය පාර වගේ අවුලක් මේ පාර උනේ නැහැ... ඒකත් ඉතිං කියන්න එපෑ...
 වෙනදට නැගලා යන ජනගායනා/අවුරුදු කුමාරයා කුමාරි තෝරණ තරඟනං මේ පාර බොහෝම ඇල් මැරුනු ගතියකින් ගියේ.. හේතුව ඕනයා විනිස්චය මණ්ඩලේ නැති වීම කියලා බය නැතිව කියන්ට පුළුවන්.. කොහේද ඌව කුණු අහුලන්ට දාලා නෙව තිබුනේ... කොහොමින් හරි දඩි බිඩියේ තෑගිත් දීලා පහ මාර විතර වෙද්දි වැඩේ සෙත්තපෝච්චි කරන්න කට්ටියට හැකි වීම බොහෝම හොඳයි... මොකද සියඹලාණ්ඩුව වගේ ඈත දුර පළාත්වලිනුත් ආව බ්ලොග් සාමාජිකයින් හිටිය හින්දා ඒ ඒ අයටත් ආපහු තමන්ගේ ගම් රටවල්වලට දිරාමාර් වෙන්න පොඩ්ඩක් හරි පහසු වෙන හින්දා... ඒ වගේ දුරක් ගෙවාගෙන කැපවීමෙන් මේකට ආව අයටත් අපි කවුරුත් ඉස්තූති වන්ත වෙන්ට ඕන... ඒ වගේම අළුත් මූණු අතරේ හිටිය බොහෝමයක් දෙනා වෙනදට වඩා ඇවිල්ලා කතා බස් කරන.. වැඩිය මුළු ගැන්නිලා නොහිට හැම දේටම වගේ සහභාගී වෙන අය වීමත් විසේසයෙන් සදහන් කල යුතුයි... 


ඒ වගේම අද දවල් දොලහා වෙනකල් බුදියන මල්ලි ඇතුළුව මේක මේ අපෙන් බැනුං අහගෙන සංවිධානය කොරන උන්නැහේලා හැමෝටම වගේ ඉස්තූතියි කියන ගමන් මෙදා වංගියේ අවුරුදු උස්සවේ ගැන මගෙන් ලියවෙන වචන  ටික හමාර කොරනවා ඕං.. වැඩි දුර පොටෝ කෑලි හිමිහිට බුකියේ එල්ලඤ්ඤං.. ඒ එල්ලලා කොරලා අහවර වෙලා ඕනනං මෙතැනට ලින්කුවකුත් දාඥ්ඥං...


ආ ලබන ඉරිදද කොහේද අපේ ඔබා අයියාට පිං පිණිස අන්තිම පේළියේ අපේ ඕනයා ඇතුළු පිනට ලැදි උදවිය විසින් පවත්තනු ලබන ලේ දන්දීමේ පින්කමත් තියෙනවා... ඌ මේක දැක්කොත් ඒ සම්බන්ධ වැඩි විස්තර ඔහෙලට දැන ගන්න හැටියක් කියාවි.. මාත් ඒ හැටි විස්තරයක් දන්නේ නැහැ... ඉරිදට ඇහැකි උනොත් තැන කොහේදෑ කියලා හොයා බලලා... දුවලා ගෙහුන් ලේ ඩිංගිත්තක් දීලා ඔබා අයියට පින් පමුනෝලා එනවා මිසක්...

එහෙමනං අපි දැනට නැවතුනා...




මෙන්න ෆේස් බුක් ලින්කුව

සයිබොර් අවුරුද්ද

17 April 2015

හූවට දෙනවා අපමණ අගයක්...

සාමාන්‍යයෙන් මැයි පෙලපාලි දවසට සිද්ධ වෙන්නේ අදාල පක්ෂයේ ප්‍රධාන රැලිය තියෙන තැනට වෙනත් තැනක හෝ තැන් කිහිපයක සිට සටන් පාඨ හා තම තමන්ගේ පක්ෂයට අදාල උදාන වැකි කියමින් පෙලපාලිවලින් පැමිණ ඒ සියළු පෙලපාලි අවසානයේ අදාල ප්‍රධාන රැලිය පැවැත්වෙන තැනට එකතු වී පක්ෂ නායකයින් විසින් කරන කියන කතා වලින් පසුව විසිර යෑමයි...

ඒත් උවමනා නම් මේ පාර ඕක වෙනස් කලෑකි...

ශ්‍රීලංකා නිදහස් පක්ෂයේ ප්‍රධාන රැලිය සදහා පක්ෂය විසින් මෙවර වෙන් කරලා තියෙන්නේ හයිඩ්පාක් පිට්ටනිය... මේක මෙයිට කලින් පැවති ශ්‍රී ලංකා නිදහස් පක්ෂ ප්‍රධාන මැයි රැලිවලට සහභාගී උන ජනයාට ප්‍රමාණවත් නොවන අන්දමේ තැනක්... ඒක තෝරගෙන තියෙන්නෙත් ඉතිං මේ පාර මහින්ද නැති උනොත් සෙනග ඔය හතර මායිමේ එන්නේ නැති බව දන්න හින්දම තමයි...

හරි ඒ කොහොම උනත් දැන් තැන එතනයි... ඒ වගේම නිල වශයෙන්ම මහින්දට මේ වෙනකොට ශ්‍රීලංකා නිදහස් පක්ෂයෙන් මැයි රැළියට ආරාධනාවක් තියෙනවා.. ඔය මදෑ කරනවනං කරන්න වැඩේ...

මෛත්‍රීපාලයි හොරගොල්ලේ මූසලියි සහ ඔය අනුරා‍ධපුරේ කිරි බර්ටිගේ එළ වස්සයි..  වගේ තුන්හතර දෙනෙක් උන්දලගේ නඩේ එක්ක රැලියට එන්න ඕන තැනකින් සෙට් උනාට කමක් නැහැ.. ඒත් මහින්දගේ සහයට ඉන්න ජනයාට කෙලින්ම එන්න කියන්න ඕන හයිඩ් පිට්ටනියට... 

අරගොල්ල කොළඹ වටේ හරි ගිහින් හයිඩ් පිට්ටනියට එනකල් මහින්දට සහය දෙන අයට පුළුවන් කතා කරන එක ආරම්භ කරන්න.. ඒකට ප්‍රධාන වේදිකාව දුන්නේ නැතත් අවුලක් නැහැ... අහල පහලින් ඩෙස් බංකු ටිකක් හරි ගෙනල්ලා උසක් හදාගෙන පොඩි සවුන්ඩ් සිස්ටම් එහෙකුත් සපයා ගත්තම ඇති... 

අරුන්දලා ටික කොළඹ හක්කලං කොරලා කීයට හරි හයිඩ් පිට්ටනියට එනකල් කතා ටික පවත්තන්න පුළුවන්... වැඩේ බකල් කියලා අතර මගදී සෙට් එක ගෙවල්වලට මාරු උනොත් ඉතිං කරන්න දෙයක් නැහැ.. වැරදීමකින් හරි කට්ටිය හයිඩ් පිට්ටනිය පැත්තට ආවොත් ඉතිං ජාතියේ අළුත්ම අපමණ අගයක් ඇති අවිය වෙන “හූ“වෙන්ම සලකලා මූසලීවයි කේප්පයවයි.. උන්දලගේ ජනපතිවයි ඇතුළු නඩේට පිළිගැනීම කරන එකයි ඇත්තේ... ඒ කරලා එක අපතයෙකුටවත් එතන රගන්න දෙන්නේ නැතිව එලෝලා දාලා.. රෑ කීය උනත් කමක් නැහැ මැයි පෙලපාලිය පටන් ගන්න ඕන එයින් පස්සේ... මැයි පෙළපාලියකට ඒ වෙලාවේ අවසර නැත්තං ඉතිං මට මතකයි ඩාලි පාරේ බෝධියක් තිබුනා... හයිඩ් පාක් එකේ ඉදන් ඩාලි පාරේ බෝධියට පා ගමනින් ගිහින් බෝධි පූජාවක් පවත්වන්න කාටවත් එපයි කිව්වැකියෑ... සන්සුන්ව පිලිවෙලකට ඩාලි පාරට යාගන්නයි තියෙන්නේ ඔය ආරක්ෂක අංශ එක්ක ප්‍රශ්න හදාගන්නේ නැතිව... එහෙම පෙලපාලියකට අවහිරයක් නැත්තං ඉතිං සුපුරුදු ගමනෙම යා තමයි..

මහ දුරකුත් නැහැනේ හයිඩ්පාක් එකේ ඉදලා ඩාලි රෝඩ් එකේ ශ්‍රී ලංකා නිදහස් පක්ෂයේ මූලස්ථානයට... මං හිතන්නේ මීටර් පන්සීයක්වත් නැති වෙයි... මහ ලේකං උන්නැහේ වෙන අනුර යාපා ගොයියට හොදින් කියලා ඇහැකිනං එහෙමයි.. එහෙම බැරිනං අරෙහෙමයි... කොහොම හරි උන්නැහේවත් අරගෙන මූලස්ථානෙට ඇවිත් “නියමිත වේලාවට රාජකාරියට වාර්ථා කරමි“ කියලා මහින්ද රාජපක්ෂයන් විසින් කියපු වචනය ඒ ආකාරයටම ඉෂ්ඨ සිද්ධ කරන්න වැඩ කටයුතු සලස්සලා... පක්ෂයේ මධ්‍යමකාරක සභාවයි අරකයි මේකයි ඔක්කෝම පක්ෂයේ ජනතාව ඉන්න කොටම.. මූලස්ථානයේදී නිල ලේකංතුමාවත් තියාගෙන පත් කරවලා දාපුවම ඉවරයි... 

ලේකං තුමා මොන විදියකින් හරි ගල් උනොත් හරි... ගල් කෙරෙව්වොත් ඉතිං එවෙලෙටම බැරියෑ පක්ෂයේ මහ සම්මේලනය පවත්තලා ඔය ඕන තනතුරක් පත්කරවාගන්න.. මොකද එදාට එන්නේ පක්ෂයේ නියම අයිතිකාරයෝ වෙච්ච අපි අපි නෙව... ආයේ ඉතිං පක්ෂ සාමාජිකයින් ඉදිරියේ බහුතර අනුමැතියෙන් පක්ෂයට තනතුරු ටික සම්මත කරගත්තම අරයට මෙයාට ආයේ කියන්න දෙයක් ඉතිරි වෙන්නේ නැහැ නෙව... ශ්‍රීලංකා නිදහස් පක්ෂයට තියෙන අර්බුධ අනං මනං ඔක්කෝම එතැනින් එක රැයින් අහවරයි... තව ඔය සම්බන්ධව නීති උපදෙස් එහෙම ඕනනං දැන්ම තියා ඒ ඒ අංසවලට සම්බන්ධ අය ලවා ලබාගෙන වැඩේ තිතටම කරන්නයි තියෙන්නේ...

වෙලාවට කලාවට.. නීතියට රීතියට අනුව අඩුපාඩුවක් නැතිව වැඩේ කෙරෙනවනං මහ රෑ දොලහා නෙවෙයි පහුවදා එළිවෙනකල් හරි පක්ෂ කාර්යාලය වටා “හිටං“ ඉන්න අපි එනවා ඕං...

ලංකාවේ මැයි පෙලපාලියකින් කරපු පලවෙනි විප්ලවේ මේ පාර කරලා පෙන්නුවෑකි කට්ටියම කල්පනා කලොත්...

එහෙමත් නැත්තං කල හැකි දේ මෙහෙම කලින් කියලා ඒකට අනුව අනිත් පැත්තේ උදවියට ලෑස්ති වෙන්න ඉඩ ඇරලා මෙයිට වඩා පට්ට ගේමක් උනත් ගැහුවැකි... :D 

අපි ඉතිං රට කරං යන්න මිසක් පක්ෂය විනාස කරන්න කාටවත් අනුමැතියක් දුන්නේ නැහැනේ...

“පක්ෂෙට ඕනෑ නැවතත් එළියක්.. හූවට දෙනවා අපමණ අගයක්“

:D

සෝමෙට වඩා අනුර පොරකි.

සෝමවංශ ලොක්කා ජේවීපියෙන් අහක් උනා කියන එක අපිටනං අමුතු සංතෝෂයකට කාරණාවක්වත්.. දැන් ඕකෙන් අහකට පැන්නා කියලා සෝමවංශ අපිට පොරක් වෙන්නෙවත් නැහැ. 

සෝමවංශයට වඩා අනුරයා හොදයි එකාතකින්... ඌ මොන තරං ගේමක් ගහලා හරි උගේ බොස්ලගේ වැඩ ටික අකුරට ඉස්ට සිද්ධ කොරලා දෙමින් ඉන්නවා... 

පක්ෂයේ දියුණුවට කියලා මෙලෝ වැඩක් ඇති දෙයක් කොරලවත් නැතිව.. පැත්තෙන් එල්ලිලා ඇතුලට වෙලා නූල් සූත්තර ගගහා ඉදලා පක්ෂේ හිටිය බල කණු එකෙන් එක ගලවලා දාලා අන්තිමට ඌගේ අතටම පක්ෂය ගත්ත හැටි අදහන්න වටින ගේමක්.. එහෙම දෙයක් කරන්න ආවට ගියාට එහෙකුට බැහැ... සුපිරිම නූල් සූත්තරකාරයෙක් වෙන්න ඕන. ඉතිං එහෙම ගේමක් දුන්න අනුර පොරක් නෙවෙයිනං මොකෙක්ද..?

ඒත් සෝමවංශ..?

විරැකියාව.. දේශපාලන බලහත්කාරකම... අසාධාරණ ආර්ථික රටාව.. කුල පීඩනය... වැනි කරුණු කාරණා රාශියක් මත තරුණ අසහනය හැම පැත්තෙන්ම නැගගෙන ආ රටක.. ආවේගශීලී දේශපාලනයකට හොඳම තෝතැන්නක් වෙලා තිබුන රටක.. සිය මුඛරිකම හින්දම අර අසහනයට පත්වෙලා හිටිය තරුණයින් තමන්ගේ වසගයට අරං හැම තැනින්ම කලවං කරගත්ත.. කිසිම හරිහමන් ගමන් මාර්ගයක් නැතිව ඔහේ රට අවුලන විදියේ එදාවේල වැඩ සටහන් කරමින් තරුණ ලේ රට පුරා ඔහේ ගලාගෙන යන්න මග පාදපු නායකයෙක් විසින් හදාපු පක්ෂයකට ඇතුලත් වෙලා... 

කරන කියන දේවල් කොයි තරං දුරට හරිද නැද්ද කියන දේ පැත්තකින් තිබ්බම.. මොන විදියෙන් හරි ඒ කටයුතුවල ක්‍රියාකාරී සාමාජිකයෙක් වෙලා.. අන්තිම වෙලාවේ ඒ පක්ෂයේ ඉහලම තනතුරු ලාභින් අතරට එකතු වෙලා... පක්ෂය විසින් රට අවුලන්න ගිහින් අවසානෙදී තමන්ගේම වලිගයට ගිනි ගත්තට පස්සේ ඒකේ හිටිය නායකයින් එකා පස්සේ එකා තමන් කරපු පවුවලට ජීවිත වලින් වන්දි ගෙවද්දි.. මොන විදියකින් හෝ තමන්ගේ පණ බේරං රට පයින්න අවස්ථාව ලැබුන එකම නායකයා වෙලා... 

අවසානෙදී රටින් පිටට වෙලා ඉදන් මේ රටේ තිබුන පක්ෂය එක්ක සම්බන්ධකමක් හදාගෙන රටේ හිටිය තරුණ සාමාජිකයින් විසින් තමන්ගේ උත්සහයෙන්... කැපවීමෙන්... උගුරු ලේ රහ වෙනකල් කෑගහලා.. රට පූරා තාප්ප ගාපේ පාප්ප ගගා පෝස්ටර් අලවලා... කැට හොල්ලලා.. පාවිච්චි කරන්න පුළුවන් හැම විකල්ප මාධ්‍යයක්ම පාවිච්චි කරලා මොන ආකාරයෙන් හරි අර වැලලිලා යන්න ගිය පක්ෂය ගොඩ දාලා දුන්නට පස්සේ ආයෙම මේ රටට ඇවිල්ලා ඒ පක්ෂයේ උත්තරීතර නායකත්වය පත් වෙන්න අවස්ථාවත් ලැබුනට පස්සේ...

මොනවද කලේ..? 

තමන්ව ඒ තැනට ගේන්න.. තමන් මෙරටින් යද්දි අළු වෙලා තිබුන පක්ෂය නැවත උපද්දවන්න කැප උන... මේ රටේ ජනතාවට හරියන සිතුම් පැතුම් එක්ක සමාන්තරව ගමනක් යන්න පුළුවන් විදියට අත්තිවාරමක් දාගෙන ආව පක්ෂයේ අසීරුම අවස්ථාවේ දර දිය ඇද්ද පිරිසට දිය වෙලා යන්න ඇරලා.. ඒ ඒ අය තනි තනි වශයෙන් අරගෙන පක්ෂයට රිංගලා හිටපු කුමණ්ත්‍රණකාරයින්ගේ තොණ්ඩුවට අහුවෙන්න ඇරලා.. අවසානෙදි අසීරු කාලෙදි පක්ෂය හදාපු සියළුම දෙනාව පක්ෂයෙන් අතුගාවලා දාන්න අනිත් අයට ඉඩ දීලා බලා හිටලා... නායකත්වය බදාගෙන පැත්ත දාලා බුදියගෙන හිටලා... අන්තිමට පක්ෂය දෙකට තුනට කැඩෙන්න ඇරලා... කුමණ්ත්‍රණකාරයින්ගේ නායකයටම පක්ෂය සින්නක්කර ලියා දීලා.. ඒ කුමණ්ත්‍රණකාරයාගේ අරමුණු අනුව රට අරාජික කරවලා පක්ෂයයි රටයි දෙකම නන්නත්තාර උනාට පස්සේ...

මෙන්න මෙයා නැගිටලා...

දැන්ද කියන්නේ... ඇයි.. නන්දන ගුණතිලකට පාර වදිනකොට කට අරින්න තිබුනනේ... තමුන් වෙනුවෙන් බඩ බැදගෙන වැඩ කල විමල්ට පලා බෙදනකොට කට අරින්න තිබුනනේ... අඩුම ගානේ කුමණ්ත්‍රණකාර දෙපක්ෂය කොටාගෙන වෙන් වෙන වෙලාවෙවත් කට අරින්න තිබුනනේ... තමුන් නේද ඒ වෙද්දි පක්ෂයේ වගකිවයුතුම කෙනා... ඒ වෙලාවෙදි කටයි පු*යි වහං ඉදලා දැන් මොකද මේ අමුතු අවදිවීමක්..?

අනේ ඔය හිටියා වගේම නිදා ගනින් සෝමවංශ... මල මිනී කතා කලාට ඇති වැඩක් නැහැ දැන්... දැන් ගිහින් මහින්දට නෙවෙයි කාට මුක්කු ගැහුවත් ඇති වැඩක් තියෙනවද.. මේ රට මෙහෙම අරාජික වෙන්න නොදී බේරගන්න තිබුන හැම අවස්ථාවෙදිම ඒ අවස්ථාව පැහැර ඇරලා දැන් එනවා බයිලා ගහන්න... 

දැන් ආයේ අළුතින් පක්ෂ පිහිටවන්න තමුන්ට කාලයක් නැහැ.. එහෙම පක්ෂ පිහිටුවලා ඔය කොහේ හරි තියෙන ඡන්ද දෙක තුනක් කඩලා දාලා එලොවටත් මෙලොවටත් නැති වැඩ කරනවට වඩා හොදයි ඒ කාලේ මිනී මරපුවාගේ පව් හේදෙන්නත් එක්කලා පිනක් දහමක් කරං අර කිව්වා වගේ පිරිත් නූලක් බැදං පන්සිල් රැකං හිටහං... අඩුම ගානේ කරපු පවු හින්දා අපායේ ලගිනකොට ඉන්ටවල් එකක් හරි හම්බ වෙයි එහෙම කලොත්...

13 April 2015

අවුරුද්දට අළුත් කෑමක්...

ආයේ ඉතිං අමුතුවෙන් කියන්න ඕන නැහැ නෙව.. මං මයේ බ්ලොග් එකෙන් එක එක ජාතියේ දේවල් ගැන ලියනවා කියනවා කතා කොරනවා කියලා... ඒ අතරේ දේශපාලනේ වගේම මගේ ඔය ගමන් බිමන් චාරිකා එහෙමත්.. එතැනින් ගියාම රටේ තොටේ විස්තර ගැනත්.. කාලයක් ලියං ගිය පන්සල් කතා වගේම අපේ ජුංඅලගේ කතා වගේ එක එක ජාතියේ එව්වා තියෙනවා..
ඒ එක්කම අමතක කෙරන්ට බැරි තවත් අංගයක් තමා ඔය සූප සාත්තරේ ගැන ලියන ඒවත්... දැන් සෑහෙන කාලෙක ඉදලා ඒ පැත්තෙනුත් සෑහෙන්න දේවල් මං ලියලා තියෙනවා...

ඔහෙලට කිව්වට මොකද.. ඔය මූණු පොතෙන් වගේම බ්ලොග් සාත්තරෙනුත් වැඩිම අංගනාවෝ පිරිසක් මයෙත් එක්කලා දැන හැදිනීම් ඇති කරගත්තේ ඔය සූප සාත්තර මෙව්වා එක හින්දම තමයි... ( හා දැන් ඉතිං කට්ටියම හිටු කියලා ලියපියවු කෑම බීම හදන කොරන හැටි.. :D )

ඉතිං මේ අවුරුදු කටේ වෙච්චි.. මෙහෙම වෙලාවට මේ බ්ලොග් වසන්තයාත් ඇවිත් තියෙන වෙලේ ලියන කියන දේවල් අතරට ඉවුං පිහුං ගැනත් සුළුවට හරි නොලිව්වොත් ඒක මයේ තත්තෙට හොද මදි.. ආන්න ඒ හින්දා මං කල්පනා කොලා කාට කාටත් පරයෝජන ගන්ට ඇහැකි විදියේ කෑමක් බීමක් ගැන ලියලා දාන්ට ඕනය කියලා...

හැබැයි ඉතිං කෑම කිව්වමත් අපි මේ වෙද්දි අවුරුද්දට නොකාපූ කෑමක් නැහැ නෙව... සිංහල උනාට මොකද... දෙමළ කෑමද.. මුස්ලිම් කෑමද.. සුද්දගේ කෑමද.. අරක මේක ඔක්කෝම කලවං වෙලා හොදට බඩ කට පුරා කාලා තියෙද්දිත් තව තවත් අළුත් විදියට කන්ට අපිට තියෙන මේ ආසාව ගැන මං දන්න හින්දම මෙදා පාර මං කල්පනා කොලා තාලේ හැටියට.. කාලේ විදියට ගැලපෙනම විදියට කෑමක් බීමක් ගැන කියන එකයි මයේ යුතුකොම කියලා.. අනික ඉතිං යහපාලනෙත් තියෙන වෙලාවක යහතින් කෑහැකි ජාති කියා දෙන එක අපෙන් රටට වගේම රට වැසියටත් සිද්ධ විය යුතු යුතුමක් නෙව... ඉතිං පවතින යහ පාලන ආණ්ඩුවටත් පොඩි සප් එකක් හැටියට මෙදා පාර මාත් දෙනවා ඔන්න යහපාලන අළුත් අවුරුදු කිරිබතක්... හදලම බලන්ටලකෝ කොහොමද යහපාලන අවුරුදු කෑමේ රඟ කියලා.. 

ඔන්න මතක ඇතිව කාලා බලලා ඇස්ඇම්ඇස් එහෙකුත් ගහන්ට.. මට නෙවෙයි මේ විදියට කන්ට දෙන අපේ ගරු ඇමතිතුමා වෙච්ච පාමං.. නැහ් ගරු කටයුතු කිලිනො.. නැහ් එහෙමත් නෙවෙයි... සතො.. මොන මගුලක්ද අප්පා මේ ඇමතිතුමාට තියෙන ගෞරව නාම හින්දා නියම නමත් අමතක වෙලා ගිහිල්ලා.. කවුද.. ආ හරි.. රවී කරුණා නාය ඇමතිතුමා... (කරුණානායකද නායගම්ද කියලා හරියටම පැහැදිලි නැති හින්දා ඔය ගානින් නම නැවැත්තුවා... බලං ගියාම ඒක අර ඔක්කෝටම වඩා හොදයි.. කරුණාව නාය යනවා.. ) ආන්න ඒ ඇමතිතුමාට ඇස්ඇම්ඇස් කොරලා කියන්ට කොහොමද කෑම කියලා.. අති විශිෂ්ඨයි නේද කියලා.. හරිනේ එහෙනං...

ඉතිං කිරිබතක් කිව්වම අවුරුද්දට ගැලපෙන්නත්.. පහසුවෙන් හොයා ගන්ටත්.. ඒ වගේම කෑම වේලක තිබිය යුතු පෝෂණ ගුණය රැකෙන්ටත්.. විවිධත්වයක් තියෙන්ටත් ආදී වශයෙන් බොහෝමයක් කරුණු කාරණා සලකා බලලා තමා මං මේ කිරිබත හදන්නේ.. කොටින්ම කිව්වොත් මේකේ නැති දෙයක් නැහැ.. හැම දේම තියෙනවා.. නියම යහපාලන කිරිබතක්...

___________________________

උඳු කිරිබත්...

අවශ්‍ය ද්‍රව්‍ය:-

උඳු 01Kg
උඳු 500g
වතුර ලීටර් පහයි.
ලුනු මේස හැන්දක්.
හොයා ගන්න පුළුවන් උනොත් කැකුළු සහල් මිටක්.

සාදන ක්‍රමය:-

පළමුව වතුර ලීටර් තුනකට උදු කිලෝ එක දමා වරුවක් පෙගෙන්න දමන්න.
ඉතිරි වතුර ලීටර් දෙකට අනිත් උඳු කිලෝ බාගය දමා එසේම වරුවක් පෙගෙන්න දමන්න.
පොඟවා ගත් උඳු කිලෝව වතුර පෙරා කිරිබත සෑදීමට ඔය මේ වන විටත් අළුතින් ගෙනවිත් ඇති මැටි මුට්ටියට දමන්න. අළුතින් මුට්ටියක් ගෙන ඒමට හැකියාවක් නැති අවුරුදු බෝනස් පඩි නඩි නොලැබුන රැකියා වලින් ඉවත් කරන ලද අය ඉෂ්ඨ දේවතාවන්ට පිං අනුමෝදන් කරවන ගමන් ගෙදර ඇති පරණ මුට්ටියකට  දමන්න. අමාරුවෙන් හරි හොයාගන්න පුළුවන් උනොත් අර කියාපු කැකුළු හාල් මිටත් ඒකටම දාන්ට.
පොගවා ගත් උදු කිලෝ බාගය එහි ඇති වතුරත් සමඟින්ම බ්ලෙන්ඩරයක් මගින්අඹරවා උඳු කිරි සාදාගන්න. එයටම ලුනු මේස හැන්දත් එක් කර පොගවා ගත් උදු කිලෝව සහිත මුට්ටියට දමා අළුත් අවුරුදු නැකතට ලිප තබන්න. ලිපේ ගින්දර තරමක් සැරට දමා.. වතුර පැසෙන්නට ගත් පසු ගින්දර තරමක් අඩු කර පියනකින් හොඳින් වසා තැම්බෙන්නට හරින්න... නියම ගණනට උඳු තැම්බී කිරිබත සකස් වන විට පළාතම යහපාලන සුවඳින් ඉතිරී පැතිරී යන විට ලිප නිවා කිරිබත කෙසෙල් කොලයක් ඇතිරූ වට්ටියකට දමා තුනී කොට මදක් නිවෙන්නට තබා කෑලි කපා ගන්න... දැන් ඔබට ඉතා රසවත් ගුණවත් අළුත් අවුරුදු කිරිබතක් ලැබී ඇත. උවමනානම් කහ කුඩු ස්වල්පයක් උඩින් ඉස කිරිබත තවත් අරුත්බර කර ගැනීමට ඔබට හැකියාව ඇත.

විශේෂ කරුණු- උඳු දියේ දැමීම හෙට උදෑසන එනම් 14 වැනිදා 07.23ට පුණ්‍යකාලය ලැබීමට පෙර සිදු කරන්න.හාල් ගණන් නිසා ඒ වෙනුවට ආදේශකයක් ලෙසින් පුන්නක්කු දැමීමට උත්සහ නොකරන්න.
____________________________

හරි කිරිබතනං ලෑස්තියි... දැන් මේක කන්න ලුණු මිරිසක් වගේ දේකුත් එපෑ.. ඔන්න එහෙමනං ඒකට දෙයක්...
____________________________

කොත්තමල්ලි උම්බලකඩ සම්බෝලය...

අවශ්‍ය ද්‍රව්‍ය:-

කොත්තමල්ලි 100g
උම්බලකඩ  100g
වියලි මිරිස් කරල් දහයයි.
වතුර ලීටරයයි.
ලුනු තේ හැදි එක හමාරයි.
දෙහි ගෙඩියයි.

සාදන ක්‍රමය:-

පළමුව කොත්ත මල්ලි ටික සෝදා වතුර ලීටරය එක් කර හොඳින් තම්බා ගන්න. පැය දෙකක් පමණ අඩු ගින්දරේ තැම්බී කොත්තමල්ලිවල ඇති වර්ණවත් ගතිය ඉවත් වූ පසුව වතුර පෙරා කොත්ත මල්ලි ටික මිරිස් කරල්ද සමගින් හොදින් අඹරා ගන්න... කොත්ත මල්ලි සියුම් ලෙසින් ඇඹරුනාට පසුව උම්බලකඩත් එක්කර කැබලි සිටින සේ අඹරා ලුනු හා දෙහි ඇඹුල් මිශ්‍ර කරගන්න. දැන් ඔබගේ යහපාලන කිරිබතට අපූරු කොත්තමල්ලි උම්බලකඩ සම්බෝලයක් සැකසී ඇත.

විශේෂ කරුණු- කොත්ත මල්ලි තම්බාගත් වතුර ටික ඉවත නොදා පානය කිරීමෙන් ඔබට අමතර ශක්තියක් ලබා ගත හැක.
___________________________
හරි එහෙමනං ඔන්න අළුත් අවුරුද්දට අළුත් රටක් ලැබෙන්න යන අල්ලපනල්ලේ.. අළුත්ම විදියට කිරිබතක් හදාගන්න හැටි බොහෝම සරලව කියා දුන්නා...ආයේ ඉතිං විහිළුවට ගන්ට එපා... හාල් පොල් ගණන් ගිහින් කෙලවෙලා තියෙන වෙලේ අරයට මෙයාට ආඩපාලි නොකියා වැඩේ පිරි මහ ගැනිල්ල නෙව කෙරෙන්න ඕන... අනික ඉතිං කිරිබතක් කියන එකට “කිරියි+ බතුයි“ තියෙන්නම ඕන කියලා නිතියකුත් නැහැනේ... නිකං මේ “යහ+පාලනේ“ වගේම...

එහෙනං ඕං.. කහ කුඩෙන් උම්බලකඩෙන් ඉතිරිරෙන සුභ නව වසරක් වේවා...
_________________________

අළුත් අවුරුදු නැකත්.

නොනගතය -
හෙට උදේ 07.23හේ සිට දහවල් 01.47 වන තුරු...

ආහාර පිසීම -
සවස 02.05ට රතු වස්ත්‍රයෙන් සැරසී නැගෙන හිර බලා ලිප් බැඳ...

ආහාර අනුභවය, වැඩ ඇල්ලීම හා ගනුදෙනු කිරීම-
සවස 02.42ට රතු පැහැති වස්ත්‍රයෙන් නැගෙන හිර බලා...

හිස තෙල් ගෑම-
15 වැනි බදදා උදේ 09.06ට දකුණු දිශාව බලා... හිසට කොහොඹ පත් පයට කොලොන්පත් තබා ලාකොල පැහැ වස්ත්‍රයෙන් සැරසි...

රැකි රක්ෂා සඳහා පිටත්ව යාමට නියම නැකත-
22 වැනි බදාදා උදේ 06.02 ට ලාකොල පැහ වස්ත්‍රයෙන් සැරසී නැගෙනහිර බලා...

රැකි රක්ෂා සඳහා හදිසි කාරයින්ට-
17 වැනි සිකුරාදා උදේ 06.03ට සුදු හා නිල් පැහැ වස්ත්‍රයෙන් සැරසී උතුරු දිශාව බලා...

12 April 2015

උන්දලගේ අම්මලට...

අළුත් අවුරුද්ද කටේ නෙව.. දැන් මොන වසන්තයාගේ මොකට ලිව්වත් කියවන්ට කියලා කට්ටිය එහෙමට නැහැ... ආණ්ඩුවේ නිවාඩු කියන්නේ බ්ලොග් කියවන්නන්ගෙන් තුනෙන් එකකට අන්තර්ජාල පහසුකම නහී කර්තාහේ... තිබුනත් ඉතිං කෝ වෙලාවක්.. මෙලාට උන්දලා උන්දිලා.. හෝ ගාලා අවුරුදු පිලිගන්ට ගෙවල් දොරවල්වල නහිනවා වෙන්ට ඕන...

පුද්ගලික අංසේ නිවාඩු කියන්නේ අර තුනෙන් දෙකේ තවත් එකක් නැහැ කියන එකයි... උන්දලත් පෙර අය සේම තමා...

ආයේ ඉතිං මේකක් කියවන්ට ඉතිරි වෙලා හිටියොත් ඒ පිටදේශ දීපංකරේකට වෙලා සිරිලංකාවට බැල්ම දාං ඉන්න උදවියයි.. මේ අපි වගේ එලොවටත් මොලොවටත් නැති නොම්මර එකේ සිරිලාංකික ජනතාවයි තමා... උන්දලටත් ඉතිං ගදර දොරේ වැඩක් සැට් උනානං ඒකටත් බඩුම තමා...

අද මේක ලියන්ට කියලා හිතුවේ වෙන අරක් මේකක් ගැන ලියන්ට නෙවෙයි.. මේ සිරිලංකා දුම්රිය සේවයේ මෑණියන්දලාට පිං පමුණුවන්ටයි කියලා... හේතුව ඉතිං අද උදෑහැනැක්කේ මටම වෙච්ච සින් කෝන් එකක්...

ඔන්න ඉතිං අද උදේ පාන්දර පහයි දහයට නුවර ඉඳන් මාතරට දුවන කෝච්චියේ එල්ලිලා කොළඹට එන්ට මටත් කරුණු කාරණා යෙදුනා... ඉස්ටේසමට ටිකක් වේල පහින්ම එන්න තිබුන හින්දා ඉස්ටේසමේ හතර මුළු එහෙම බලා කියාගෙන හැම තැනම ගහලා තියෙන බෝඩ් ලෑලිත් කියවාන මාත් එක්කාසු උනා ටිකැට් පෝලිමට...

උදේ පාන්දර කියලා නැහැ.. හම්මට සිරි බලන්ට එපායෑ ටිකැට් ගන්ට ඉන්න සේනාවේ තරම... අවුරුදු නිවාඩුවට ගම් රටවල් බලා යන සෙනග වගේම විදේශ සංචාරකයෝ කිහිප පොලකුත් පෝලිමේ.. කොහොමින් හරි ඔය පෝලිංවල අරකේ මෙකේ ඉන්න ගමන් අහල පහල උදවිය එක්ක කතාවකට සැට් වෙන එක මගේ දින චරියාවෙම තියෙන දෙයක්... බඩුවල් මුට්ටුවක් ගන්ට කඩේකට.. පොලකට ගිහාම උනත් ඒවා එහෙමයි...

ඔය යන යන තැන කතාවල්වලට සැට් වීමත් ආයිබෝං ඒ හැටි නරක දෙයක් නෙවෙයි... රටේ ලොකේ මිනිස්සු හිතන පතන හැටි.. කියන කොරන හැටි ආදී බොහෝමයක් කාරණා දැන කියාගන්ට ලැබෙන.. නොමිලේම කටකතා මාජ්ජ ජාලයේ අප්ඩේට්ස් ගන්ට එහෙම ඕක බොහෝම අපූරු අවස්ථාවක්.. ඒ අස්සෙම ඉතිං අපේ අදහස් සමාජගත කොරලා පොඩි පහේ තෙලක් ගහන්ටත් ඇහැකි විදියක්නං තමා.. එව්වත් නොකියා බැහැනේ.. :D

කොහොමින් හරි ඔහොම සැට් වෙලා යද්දි මට ඉස්සරහින් යන හාදයා ආපහු හැරිලා මගෙන් අහනවා මේක මේ මාතර කෝච්චියට ටිකට් ගන්න පෝලිම නේදෑ කියලා... මාතර කෝච්චියට කියලා වෙනම කවුන්ටර් අරින වගක්නං මාත් දන්නේ නැති හින්දා සහ කවුන්ටරේට උඩින් පොල් ගෙඩි සයිස් එකෙන් මේක පලමු හා දෙවන පංතියේ ටිකට් කවුන්ටරය කියලා ලියලා තියෙනවා පේන හින්දා මාත් දන්න පොර සේ.. “මාතර කෝච්චියනං තමා දැන් තියෙන්නේ.. හැබැයි මේක ෆ්‍රස්ට් ක්ලාසුයි සෙකන්ඩ් ක්ලාසුයි ටිකට් දෙන එක...“ කියලා කියපි.. මොකද තර්ඩ් ක්ලාස් ටිකැට් කවුන්ටරේ තිබුනේ එයිට එහා පැත්තෙන් කියලා මම දැක්කා අර කිව්ව බෝඩ් ලෑල්ලකින්ම...

දැන් ඉතිං මෑන්ට සැටිස්.. “ආ හරි හරි ඒක තමා... වාඩි වෙලා යන්ට සීට් ඇති නේද...?“ කියලා මෙන්න මන් මගෙන් අහනවා.. යකෝ මං දුම්රිය ස්ථානාධිපතිද... ප්‍රවාහන ඇමතිද..? ඒත් ඉතිං ප්‍රශ්නයක් ඇහුවම මොකක් හරි උත්තරයක් ඇදලා අරින එක අපේ යුතුකොමක්නේ.. ඒ හින්දා කිව්වා.. “එව්වනං අනේ මංදා... සෑහෙන සෙනගක් දැන් පෝලිමේ ඇතුලටනං ගියා“ කියලා... මෑන්ගේ මූණ දැන් ටිකක් අස්පැට්.. ඒත් ඉතිං මං කියලා මක්කා කොරන්නද.. මං දන්නවෑ මේකේ සීට් ගානයි.. නිකුත් වෙච්ච ටිකට් ගානයි ගැන.. අනික මාත් මේ ඉන්නේ වාඩිවෙලා යන්ට සීට් එකක් ලැබියං කියන පරම පවිත්‍ර චේතනාවේ මිස ඒ චේතනාව ඒ ආකාරයෙන්ම ඉස්ඨ සිද්ධ වෙයිද කියලා හරියට නොදැන නෙව..

මෙන්න ඒ පාර අර උන්නැහේ පෝලිමෙන් පිට හිටිය උන්නැහේගේ ප්‍රියංභිකාව කියලා හිතිය හැකි කාන්තාවකට ලගට කතා කරලා කියනවා “මේ සීට් නැතිවෙයි වගේළු.. ටිකක් ඇතුලට ගිහින් බලන්ටකෝ“ කියලා.. යකෝ මං දැන් කිව්වද සීට් නැති කතාවක්.. මුංදලටත්  මොනවා හරි කොනක් අහු උනාම ඒකට පෝර දාලා උන්දලටම ඕන විදියට කතා හදාගන්නවා.. යකාගේ රටක් නෙව.. අනික ඉතිං සීට්නං කොහොමත් තියෙනවනේ.. එව්වා නැති වෙන්ටනං ඉතිං රෑ ඉස්ටේසමේ හිටිය උන් ඕවා ගලවලා දාන්ට ඕන.. හැබැයි ඉතිං සීට් උඩ පස්සවල් තියාන සෙනග ඉන්නවද නැද්ද කියන්ට අපි දන්නේ නැහැ...

අන්න මගේ මිත්තරයාට වැරදුන තැන... ප්‍රියංභිකාවට මල පයින්න ගියේ සුවල්ප වෙලාවයි... “ටිකට් නැතිව ඇතුලට යන්න දෙනවද මනුස්සපයෝ..?“ කියලා අහපි... මොනවා උනත් ගෑණු පරානෙට යමක් කමක් තේරෙනවා.. ටිකට් අරං මිස කෝච්චියේ සීට් ඇද්ද නැද්ද කියලා බලා ගන්ට තියා වෙන අහවල් කාරියකටවත් අර යකඩ ගේට්ටුවෙන් ඇතුලට ගියෑකිය මේ අපි වගේ සාමාන්‍ය පුග්ගලයින්ට... අපේ ගොයියා කට පියං බලං හිටියා... තව ටිකක් කතා කලානං අරුන්දෑ මුංදැගේ සායම අරින්ට බැරි නැති විත්තිය තේරුං අරංද කොහේද.. :D

කොහොමින් හරි ඔන්න අපිත් පෙරුං පුරලා පුරලා කිස්ටු උනා ටිකැට් කවුන්ටරේට.. අපේ මිත්තරයා ඔන්න ටිකැට් කවුන්ටරේ හාදයා එක්ක සංවාසයේ.. සොරි.. සංවාදයේ...

“වාඩි වෙලා යන්ට සීට් තියේද දන්නේ නැහැ නේද..? මෑන් විමසනවා...

“දන්නේ නැහැ.. ගිහිල්ලම තමා බලන්න ඕන“ කවුන්ටරේ බුවා කියනවා...

“සෙකන්ඩ් ක්ලාස් ටිකට් වලටත් සීට් නැතිවෙයිද..?“

“කියන්න බැහැ.. ගිහිල්ලම තමා බලන්න ඕන“

කවුන්ටරේ බුවා උත්තර දෙන්නේ ඌ බබා වගේ.. යකෝ කෝච්චියේ තියෙන ඉඩ පහසුකම් ප්‍රමාණයයි.. ඌ මෙච්චර වෙලා දුන්න ටිකට්වල ප්‍රමාණයයි අනුව තත්වේ කොහොමද කියලා ඌ නොදන්නවනං අපිද දන්නේ..? අපේ යාළුවා තමුන්ට ලැබුන උත්තරවලින් බොහෝම දුර්මුඛ වෙලා.. ඕන මගුලක් කියලා පවුලේ අයට සරිලන විදියට සෙකන්ඩ් ක්ලාස් ටිකට් අරං මුමුණ මුමුණ ඉස්සරහට ඇදුනා.. ඔන්න මගේ වාරේ... මාත් ඉතිං අර මනුස්සයට ලැබුන උත්තර ටික මේ වෙද්දි දන්න හින්දා ආයේ ආයෙම ඕවා අහන්ට නොගිහින් කෙලින්ම ඇහුවා “ෆ්‍රස්ට් ක්ලාස් ටිකට් මේකේ තියේද“ කියලා... එහෙමවත් වාඩියක් ගහං කොළඹට අද්දන්න ඇහැකි වෙයිද හිතං... ඒත් ඉතිං ඒකටත් උත්තරේ කෙලවෙන සුළුයි.. “මේකේ ෆ්‍රස්ට් ක්ලාස් නැහැ.. හයයි කාලේ එකේ තියෙනවා.. ඒකට ටිකට් දෙන්නේ අතන කවුන්ටරෙන්“ කියලා දැනටම වහලා දාලා තියෙන කවුන්ටරයක් පෙන්නලා මට  කියපි.. මක්ක කොරන්නද තව පැයක් නුවර ලගා ගහන්ටයි.. තාමත් ඇරලා නැති කවුන්ටරයකින් ටිකට් ගන්ටයි බල බල ඉන්නවට වඩා ඕන මගුලක් කියලා ගත්තා සෙකන්ඩ් ක්ලාස් එකක්.. ගියා ඇතුලට... 

කෝච්චිය නෙවෙයි මොන මගුල හරි කමක් නැහැ එයිට වඩා වැදගත් රාජකාරියක් වෙච්ච මුත්තරා බර සැහැල්ලු කරගන්න කියලා හිතං මහතුන්ගේ විවේකාගාරයද මොකක්ද කියලා ගහලා තිබුන පැත්තට රිංගුවා.. බලං ගිහාම අපි මේ ගණන් ගත්තේ නැති උනාට අපේ ගමේ මේසන් බාසුන්නැහේ කෙනෙක් වෙච්චි මහතුං අයියටත් රටේ තොටේ සෑහෙන තැනක් තියෙනවා නෙව... අපේ නමට කොහේද මේ රටේ කිසිම තැනක් තියෙන්නේ.. අඩුම ගානේ මහතුං අයියගේ නමට වැසිකිලියක් හරි තියෙන එකත් මදෑ... ගමටනේ ආඩම්බර.. නැද්ද හා..? :D

ඉතිං ඒ අවශ්‍යතාවයත් ඉස්ට කොරං ඔන්න මාත් දැන් නවත්තලා තියෙන කෝච්චියේ මේ කොනේ ඉදලා ඒ කොනට ගමන් කොරනවා.. මුලින්ම පේන්න තියෙන්නේ තර්ඩ් ක්ලාස් පෙට්ටි.. ඒ කියන්නේ සෙකන්ඩ් ක්ලාස් ටික ඇත්තේ එහා කෙරවලට වෙන්ට.. ඔන්න ඉතිං මාත් හැල්මේ යනවා ඒ අතට.. මං විතරක් නෙවෙයි බර ගානක් සෙකන්ඩ් ක්ලාස් ටිකට් ගත්ත අය හිටු කියලා හයියෙන් හයියෙන් ඒ පැත්තට යනවා.. කෙහොමත් සෙකන්ඩ් ක්ලාස් පෝලිම මීටර් දහයක් පහලොහක් තියෙද්දිත් තර්ඩ් ක්ලාස් පෝලිමේම  දෙන්නෙකුට තුන්දෙනෙකුට වැඩිය හිටියේ නැහැ... ඒකේ ප්‍රතිඵල විදියට අපිට දැන් පේනවා තර්ඩ් ක්ලාස් පෙට්ටි ඔක්කෝම හිස් කියලා... අතරින් පතර කිහිප දෙනෙක් වාඩි වෙලා ඉන්නවා...

ඔන්න ඉතිං අවසානෙට අපිට හම්බු වෙනවා සෙකන්ඩ් ක්ලාස් පෙට්ටි තියෙන හරිය.. හරිය කිව්වට මොකද මෙයාලා සූ ගාලා පෙට්ටි දෙකයි... ඒවෑත් පොල් පටෝලැහේ සෙනග... වාඩි වෙනවා තියා ඇතුලට රිංගිල්ලත් කොරන්න හැකියාවක් නැති තරං... මටනං ඇතුලට රිංගන්න නැති උනාට දුකක් නැහැ.. ඒත් එයිට වඩා දුක මං ටිකට් ගන්නකල්ම මාත් එක්ක පෝලිමේ පිටිං හිටං හිනා වෙවී හිටිය සුද්දි නංගියි.. ඒ නංගිගේ කොල්ලා මල්ලියි බොහෝම අසරණ වෙලා මේ සීන් එක දිහා බලං හිටිය හැටි දැක්කමයි... අපිටනං මෙව්වා ඒ හැටි කාරණා නෙවෙයිනේ.. ඒත් ඒ උදවියට මේක තමුන්ගේ සංචාරෙදී ලබන්ට වටින තරං හොඳ අත්දැකීමක් නෙවෙයි නෙව... අන්තිමේදී ඔව්වයින් මෙව්වයින් හිත කලකිරෝගෙන ආපහු ඒ රටට ගෙහුන් “ලංකාවේ දුම්රිය සේවේනං බලු සරිය“ කියලා දන්න කියන අයට කිව්වොත් ඒක ලංකාවට නෙව හොඳ නැත්තේ.. අනික මේ යහපාලනේට අතේ සතේ නැතිව නන්නත්තාර වෙලා ණයක් ගන්ටත් හැටියක් නැතිව ලාචෝරුස් වෙලා ඉන්න අල්ලපනල්ලේ... :D එන්ට ඉන්න සුද්දත් නැති උනොත් අපේ සිරා මාමා නෙව අමාරුවේ වැටෙන්නේ...

කොහොමින් හරි ඉතිං ගත්ත ටිකැට්ටුවට හරියන්ටවත් කියලා පෙට්ටියක් ඇතුලට රිංගලා බැළුවත් ඒවායේ නෙවෙයි වාඩි වෙලා යන්ට තියා කරදරක් නැතිව හිටං යන්ටවත් ඉඩක් තිබුනේ... 

ඕන පශ්චාත් භාගයක් ප්‍රීති වෙසඟක් කියලා හිතලා මාත් ඒකෙන් බැහැලා ආයෙම ආවා තර්ඩ් ක්ලාස් පෙට්ටි පැත්තට.. ඒ ඇවිත් කරලා හිතේ හැටියට ඉඩ ඇති පෙට්ටියක සුවසේ තප්පලං දාලා වාඩි උනා...

හප්පට සිරි එතනනේ කතාව යන්නේ ගජරාමෙට...

“මම කීපාරක් අරූගෙන් ඇහුවද සෙකන්ඩ් ක්ලාස් එකේ වාඩි වෙලා යන්න සීට් තියේද කියලා.. ඌ හරියකට උත්තරයක් දුන්නෙම නැහැනේ..“ ඔන්න එක්කෙනෙක් තදින්ම කියා සිටිනවා..

“ඒක තමයි.. අයියා අච්චර අහලත් අරූ කිව්වේ නැහැනේ සෙකන්ඩ් ක්ලාස් සීට් නැහැ තර්ඩ් ක්ලාස්නං තව ඉඩ තියෙනවා කියලා... අල්ලපු වැටෙන් සහයෝගයක්...

වැඩේ නැගලා යනවා.. පෙට්ටියේ හිටිය ගෑණු පිරිමි හැමෝම දැන් එකම ගාල ගෝට්ටියයි.. බලං ගිහාම තර්ඩ් ක්ලාස් පෙට්ටියේ වාඩි වෙන හැමෝම අතේ සෙකන්ඩ් ක්ලාස් ටිකට්... විනාඩි පහක විතර කතා බහකින් පසුව දැන්නං ඔන්න තත්වේ දරුණුයි... කට්ටිය ලෑස්තිය ආපහු ගිහින් ටිකට් කවුන්ටරේ බුවාට දෙසා බාන්න... ඔය දෙසා බෑවිල්ල කෙසේ වෙතත් අවසානෙදි වෙන්නේ අරූට හොම්බෙන් යනකල් ගුටි මුරයක් කන්න බවනං පැහැදිලියි... කොහොම උනත් ඒ අස්සේ හිටිය තවත් උන්නැහේ කෙනෙක් මේ වෙලාවේ කට ඇරියා...

“ඕකුන්ට දැන් ගිහින් බැන්නොත් කතාව දුර දිග ගිහින් අවසානෙදි වෙන්නේ අපේ අතින් ඔය යක්කු ගුට කන එක.. එයින් පස්සේ වෙන්නේ ඔය කාලකණ්නි අනිත් අතට ස්ට්‍රයික් කරන එක... අන්තිමේදී අපිට ආපහු එන්න වෙනකොට මුං ස්ට්‍රයික් කර කර ඉදියි..“

ඔන්න අරූට නෙලන්න සැට් වෙලා හිටිය උන්දලා ටිකක් කූල් ඩවුන් වෙන්ට පටන් ගත්තා... “ඒකත් ඇත්ත තමයි.. මුං එහෙම කාලකණ්නි ටිකක් තමා.. අනේ මුංගේ වදාපු අම්මලගේ වලවල්වලටත් හෙන ගහනවනේ මේ කරන අසමජ්ජාති වැඩ වලට“ ඒ දහස එතැන හිටිය බවලත් උන්දෑ කෙනෙක්ගෙන්...
“ඒක තමයි.. මෙහෙම කරන උන්ටත් ඉරහද පායනවනේ.. කාලකණ්නි බල්ලෝ පනුවෝ ගහලා මැරෙන්ට ඕන“.. ඒ පාර ඔන්න ඇරඹුනා සාප කිරීමේ වාරය...

කොහොමින් කොහොම හරි අවසානෙදි අහල පහල හිටියවිසි තිස්දෙනෙක්ගේ අවලාද.. සාප කිරීම්.. බණ වැදීම් සියල්ල නිමා කරමින් කොච්චිය පිටත් වෙන්ට සූජානං කියන නලා හඩ පැතිරුණා... එයින් පස්සේ ඒ කතා බහ නිමා වෙලා ලංකාවේ ඕනම ප්‍රශ්නයකදී සිද්ධ වෙන්නා වාගෙම ඒ ඒ වෙලාවට කේන්තියට කියන කතා නිමා කරලා කට්ටියම හරි බරි ගැහිලා නිදා ගත්තා.. :D

ආයේ ඉතිං මං කියලා වෙන අහවල් එකක්ද බොලවු මාත් නිදා ගත්තා.. :D
ඇයි යකෝ මාත් අභිමානවත් සිරිලාංකිකයෙක් නෙව... :D :D :D
-------------------
කතාව එච්චරයි... හැබැයි ඉතිං මේ කරන වංචාවල්වලට මිනිස්සු සද්ද නැතිව ඉන්න එක හැමදාම වෙන එකක් නැහැ.. කොයි වෙලේ හරි ටිකැට් කවුන්ටර් එකේ බුවාට උඩ දාලා ගහන දවසකුත් එයි... ඒ හින්දා ඔය රාජකාරියේ ඉන්න ඈයෝ මේක බලනවනං හරි.. එහෙම ඈයින්ගේ නෑදෑ හිත මිත්තරයෙක් හරි මේක බලනවනං හරි... උන්නැහේලට මේ ගැන අනතුරු අගවලා තියන්න.. ටිකට් විකිණිමෙන් ලැබෙන කොමිසන් එකක් නිසා හෝ වෙනත් වාසියක් නිසා බොරු කියලා හෝ ඇත්ත නොකියා සිටීමෙන් ලගදීම දවසක උන්දලගේ බඩ කට පුරා කෑම ලැබිය හැකි බවත්... කොමිසොං එකෙන් ලැබෙන රුපියල් ගානට වඩා ගානක් බෙහෙත් හේත් සඳහා වියදං විය හැකි බවත්... ඒ ගුටිමුර නැතත් ගෙවල්වල ඉන්න දුවා දරුවන්ගේ හිටං මිය පරලව ගිය අම්මා තාත්තා දක්වාම උදවියට මිනිස්සුන්ගේ සාප කිරීම්වලට ලක්වෙන්න වෙන බවත් ඒ ඒ අයට කියලා මේ වගේ අසමජ්ජාති වැඩ නොකර යහපත් කල් කිරියාවෙන් ඉන්ටය කියලා... ඔන්න අපි ගියා.. සුභ පැරණි වසරක්ම වේවා..!

10 April 2015

බ්ලොග් වසන්තයා.. අද නෙවෙයි හෙට...


කාලෙකට පස්සේ ඔන්න බ්ලොග් එක පැත්තට අත තියන්න හිතුවා. හැබැයි ඉතිං දිගින් දිගට ලියන්න අදහසක්නං තාමත් නැහැ. ඒත් අපේ දුමී අයියා මේ ලග පාතකදී බුකියෙන් පටන් ගත්තා නෙව අළුත් වියාපාරයක් මොකක්ද මංදා වසන්තයෙක් ගැන කියාන... අවුරුද්ද කටේ තියලා බ්ලොග්වල මකුළු දැල් කඩලා තියන්න කියලා.. ආන්න ඒ වචනෙට ගරු කොරලා මාත් ඉතිං හිතා ගත්තා මොකක්ම නමුත් කෙහුරක් ලියා ඇද බාන්න ඕන කියලා... මොනවා උනත් දුමී අයියා කියන්නේ මේ බ්ලොග් ලෝකෙන් දැන හඳුනා ගත්ත හොර බොරු වංචා නැති, හිත හොද මනුස්පයා වෙච්චි... මෙහෙම කාරියකට අත ගැහුවම අපිත් සත පහකින් හරි දායක නොවුනොත් ඒ මනුස්සකොමට හරි නැහැ නෙව.. ආන්න ඒ හින්දම ඔන්න වසන්තයට මාත් දායක වෙන්න හිතුවා..

හැබැයි පුතෝ හිතන තරමට ඔව්වා කොරන එක ලේසි නැති හින්දා ලියන්ට කලියෙන් පොඩ්ඩක් වත්තේ හතර මායිං හොයා බැළුවා... ඒ කිව්වේ මේ දවස්වල බ්ලොග්වල මොනවැයි යන්නේ කියලා... වෙනසක් නැහැ.. වෙනදා වගේම මරා ගන්නවා කිසි අවුලක් නැතිව... ඒ අතරේ අපේ සිඳු නංගි වගේ කිහිප දෙනෙක් බොහෝම පාඩුවේ ඉස්සර වගේම කියවං යන්ට ඇහැකි විදියට ලිපි එහෙමත් ලියලා තියෙනවා දැක්කා.. ඒ වගේම වසන්තයාගේ නිර්මාත්තුරු ගරු කටයුතු දුමී අයියාත් ආයේ ඉතිං කාලෙකට සෑහෙන්ට වටින කියන ලිපි දෙකක්ම ලියලා තිබුනත් දැක්කා.. කොහොමත් ඉතිං ඔය යෝධයා වසරකට එකක් වගේ ලියන හින්දා ඔය දෙක ඇති වෙයි තව කාලෙකට :D 

ආ ඒ වගේම අපේ ඕනයා සුපුරුදු පරිදි අපි කාගෙත් හිත් දිනාගත්තු ඔබා අයියා වෙනුවෙන් කරන ලේ දන්දීමේ පින්කම ගැනත් මතක් කරලා ඒ අස්සෙම ඔබාඅයියා අනුස්මරණ කතා කිහිපයකුත් දාලා තිබුනා.. ඒකත් ඉතිං මල් මසුරං... ලේ දන්දීමට යන්ටත් ඕන ඉතිං මතක ඇතිව...  තව තව බොහෝම ලිපි තිබුනා රීඩරේ එකතු වෙලා.. නවසිය ගානක් ලිපි අතරින් ටිකක් හයියෙන් හයියෙන් කියවලා ලිපි තිහ හතලිහක් කියවා ගත්තා.. පුළුහං හැටියකට දෙක තුනකට කමෙන්ට් කෑලිත් ඔබලා ආවා මගේ හතර මායිං බලන්ට.. යකෝ මටත් මගේම කියලා බ්ලොග් කට්ටක් තියෙනවා නෙව... හැබැයි අන්තිම ලිපිය ලියලා තියෙන්නේ ජනවාරි මාසේ නව වැනිදා.. ඒ කියන්නේ තුංමාසයකටත් කලියෙන්... එයින් පස්සේ බ්ලොග් එකේ ලිපි කියවීම ගැන හොයා බැළුවා.. මාස තුනක් ලියලා නැතිවත් තාමත් ඔය එහෙං මෙහෙං කට්ටිය ඒ කාලේ ලියාපුවා කියවන බවත් තේරුන හින්දා තාමත් ලිව්වොත් කියවන්ට කවුරුම හරි ඉතිරි වෙලා නැතෑ කියලා හිතලා ඕං මාත් වෙලට බැස්සා...

ලියන්ට කියලා බැස්සට ආයිබෝං මොන මගුලක් ලියනවද කියලා තමා හිතා ගන්ට බැරි... දෙකක් නවන්න තිබුනනං ඔය ලියන්නේ මොකක්ද අරකද මේකද හිත හිත ඉන්න දෙයක් නැහැ.. එහෙම හිතන්නත් කලියෙන් ලියවිලා ඉවරයි.. මට තියෙන්නේ පබිලිස් බටොං එක ඔබන්න විතරයි.. ඒත් ඉතිං අමුවෙන් ලියනවා කියන්නේ ම්හූ.. අපි ඒ ගැන කතා නොකර ඉමු... ඒක දුක්ඛිතයි.. ඒ තරමටම... :D

අන්න ඒ හින්දා මං හිතා ගත්තා අදට මේ පටන් ගැනිල්ල මෙහෙම තියලා.. නොනගතේටවත් දෙකක් නවලා කරලා මේක ඉස්සරහින් වාඩි වෙන්ට කියලා... ඒ හින්දා බ්ලොග් වසන්තයාගේ ආනුභාවයෙන්.. දෙකක් නවාගෙන.. දෙක තුනක් ලියන්ට හිතාන.. දැනට ඔබෙන් සමු ගන්නා මා...

අර මොකාද එකා... :D

(දැන් ඉතිං බැන බැන යමල්ලා.. මූ විසිල් ගැහුවට බල්ටි පෙන්නුවේ නැහැ කියලා.. :D :D :D )

-------------------
ආ තව පොඩි ඉල්ලීමක් තියේ...

බ්ලොග් වසන්තයා හින්දම ආයෙම ලියවුන බ්ලොග් ලිපි වල ලින්ක් ටික දෙන්ට කාට හරි ඇහැකිද..? එහෙම උනානං පොඩ්ඩක් පහසුයි. දැනටම එහෙම ලින්ක් ටික විතරක් ඇති තැනක් ගැන කවුරු හරි දන්නවනං කියමු... නැත්තං එහෙං මෙහෙං හොයාගෙන ඒවා කියවන්න ගියාම ගත වෙන කාලේ වැඩියි.

09 January 2015

අළුත් ආරම්භයක්...

නින්ද ගියා නෙව පුටුව උඩම...

නැගිටලා බලද්දි මෙන්න මහින්ද මහත්තයා අරලිය ගහ මන්දිරයෙන් පිටත්ව ගියාළු... ප්‍රතිඵල දැනට තියෙන තත්වේ අනුවනං තාමත් මෛත්‍රී උන්නැහේ දිනලා කියලා පේන්න නැහැ.. ඒත් අපිට වඩා මොනවා හරි දැනගෙන වෙන්න ඇති නෙව උන්නැහේ පිටත්වෙලා ගියේ...

කොහොම උනත් කමක් නැහැ... නිල වශයෙන් නැතත් දැනට මහින්ද මහත්තයා පරාද වෙලා කියන තැන ඉඳලා කතා කරමු...

බොක්කෙන්ම කියනවනං...

පලවෙනිම දේ තමා කියන්න ඕන.. මේ තරං බොරුවට මිනිස්සු රැවටුන අවස්ථාවක් ලංකාවේ දේශපාලන ඉතිහාසයේ කිසිම වෙලාවක තිබුනද කියන්න මම දන්නේ නැහැ... අග ඉඳලා පටන් ගත්තොත්... පැරදිලා කියලා තාමත් හරියටම නිල වශයෙන් ප්‍රකාශයට පත් වෙලා නැති තත්වයක් උඩත්.. උන්නැහේ නිල නිවසින් පිටත් වීමම ගතෑකි.. මොකද අපේ අයියලා මේ අන්තිම තත්පරේ වෙනකල්ම කිය කිය හිටියේ  පැරදුනත් මහින්ද යන්නේ නැහැය.. ගෝඨාභය ලවා හමුදාවෙන් දාලා හරි බලේ අල්ලගෙන් හිටීවිය වගේ පට්ට පල් කෙබර... ඒත් වචන වලින් නෙවෙයි එතුමා ක්‍රියාවෙන්ම පෙන්නුම් කරලා තියෙනවා එහෙම හරි හෝ වේවා.. වැරදි හෝ වේවා.. ජනතා කැමැත්තට පිටින් අකටයුතුකමක් කරන්න සූදානමක් හෝ තිබී නැති බව.. යූඇන්පී පාක්ෂික බොරු හමුදාව මොනවා කිව්වත්.. එතුමාගේ මේ පිටවීමම අගය කල යුතු කාරණාවක්... තවත් සමහරු කිව්වේ ඉතිරි අවුරුදු දෙක ගැන නීති තර්ක ගෙනල්ලා ඉදියි කියලා.. දැන් එහෙම කතාවකුත් නැහැ... ඒ තමා අගින් ගත්තම හොදම උදාහරණය මහින්ද ගැන මේ මිනිස්සු මොන තරම් බොරුවක්ද කිව්වේ කියලා... තවත් අග ඉදලා එහාට ගියොත්... මැතිවරණය... මැරිලා ඉපදුනේ නැති.. සහ අතීතය හොදින් දන්න කාට උනත් මේ මැතිවරණය දූෂිත අසාධාරණ එකක්ද කියලා කල්පනා කරලා බැලියැකි... අපි මේ රටේ ඡන්ද ඕන තරං දැකලා තියෙනවා.. මට ඡන්ද ගැන මුල්ම මතකය ඉතාමත් හොදින් තියෙන්නේ ජනාධිපති ප්‍රේමදාස බලයට පත් වූ මැතිවරණයේ පටන්... එදා ඉදලා මේ දක්වාම තිබ්බ ජනපතිවරණයකදී මේ තරම් සාධාරණව තිබුණ ජනපතිවරණයක් දැකලා තියේද කියලා කාට හරි කියන්න පුළුවන්ද..?

කෙනෙකුට තර්ක කරන්න පුළුවන් මැකෝ හොද හින්දා හොඳට ගියා කියලා... ඒත් මැකෝ කොච්චර හොද උනත් විධායක ජනපතිවරයා තමන්ගේ බලය අත්තනෝමතිකව භාවිතා කලා නම් සහ ප්‍රචණ්ඩව හැසිරුනේ නම් මැකෝ මොන මගුල කලත් මේක මෙහෙම අවසාන නොවෙන තැනට වැඩ කෙරෙන්න ඕන තරම් ඉඩ තිබුනා.. ඒත් ඒ කිසිම දෙයක් එහෙම උනේ නැහැ.. සාධාරණ මැතිවරණයක්.. සාධාරණ නික්ම යෑමක්...

එතකොට කෝ මෙච්චර වෙලාවක් මහින්දට කරපු චෝදනා.. මැතිවරණය ගැන...

දැනට වසර කිහිපයක සිටම මහින්ද හා සම්බන්ධව කෙරුණු මේ වගේ මඩ ප්‍රචාර දිනෙන් දින වර්ධනය වෙමින් ඇවිත් අවසානයේදී ඒවා නිර්මාණය කල උන් පවා ඒවා බොරු කියා පැවසූවත් එය පිළිනොගන්නා තත්වයට ඒ බොරුව මේ රටේ පැලපදියම් කරන්න ඒවා නිර්මාණය කල අයත්.. ඒවා සමාජය පුරා බෙදා හැරිය අයත් සමත් උනා... මේක තමයි අවසාන ප්‍රතිඵලය...

අඩුපාඩු නැති මිනිස්සු ලෝකේ නැත.. ඒත් ඒ අඩු පාඩු අපි දැකිය යුත්තේ ඒ මනුස්සයගේ තියෙන හොද පැත්ත එක්ක සංසන්දනය කරන ගමන් මෙන්ම.. ඔහුට සාපේක්ෂව අනිත් පසින් සිටින පුද්ගලයින් ගැනද කල්පනා කොටයි... එහෙම බලද්දි මහින්දට උනේ ඔහු සතුරාටත් මිතුරු හස්තය දිගු කිරීමත්.. විරුද්ධවාදියාටත් හිතවත් කම දක්වා ඔවුන්ව දිනා ගන්නට ගත් උත්සහය වතුරේ යෑමයි... දුදනන් හට කුමන ආකාරයෙන් දයාව පෑවද ඔවුන් සුදනන් වන්නේ නැත... ඒ හැර ඔහුගේ බොරු කාරයින් කියා පෑව තරමේ භයානක කමක් තිබුනේ නැහැ කියා සාධාරණව සිතිය හැකියි... 

විශ්වාසය තැබිය නොහැකි අවස්ථාවාදී සුළු ජාතික නයි රෙද්ද අස්සේ දමා ගැනීමත්... විරුද්ධ පාක්ෂිකයින් ගැන උවමනාවට වඩා විශ්වාසය තැබීමත්... තමා ජයග්‍රහණය කරවූ පිරිසට පක්ෂග්‍රාහී නොවී.. සියල්ලටම මැදිහත්ව කටයුතු කරන්නට යාමත් ඔහුගේ විපතේ මූල බීජයයි... ඒ අතරතුර අගේ ඉඳන් කන කන්නවුන්ද බහුල විය... අවසානයේදී ඔහුට එවැනි දුර්ජනයින්ගෙන් නිසි සැලකුම ලැබිණි... 

කෙසේ වෙතත් මේ මැතිවරණ ප්‍රතිඵලය අපට පැහැදිලි පණිවිඩයක් දී ඇත.. ඒ.. තව දුරටත් මේ රටේ පාලනය හිමි වන්නේ මහජාතියේ උවමනාවටත් වඩා සුළු ජාතීන්ගේ කැමැත්ත ඇති අයට බවයි... උතුරින් නැගෙනහිරින් බලය ලබා ගැනිමට සමත් වන අයකුට මිස.. දකුනෙන් බහුතර බලය ලැබෙනා අයකුට පාලනයට ඒම තව දුරටත් මෙරට තුල අවස්තාවක් නැත... දකුණේ ඡන්දයෙන් දිනනා කෙනාට උතුරේ ඡන්දයෙන් ජයගත නොහැකි නම් ඔහු පරාජිතයෙකි.. මේ සිංහලයාගේ විපතේ ඇරඹුමයි.. 2015 වර්ෂය ඉතිහාස ගත වන වර්ෂයක් බවට පත් වේ... අද දිනය සිංහලයාගේ මෑත කාලීන ඉතිහාසයේ අඳුරුම දිනය ලෙසින් සටහන් තබා ගත්තාට වරදක් වන්නේ නැත... වැඩි කාලයක් නොගොසින් බෙදුම්වාදීන්ට මේ රට ගොදුරු වී රටේ සාමය නැතිව ගියහොත්... එදාට අද මේ වෙනස කරන්නට දත කෑ... සියළු දෙනාම වගකිව යුතුය... අද මහින්ද පරදවා සුළුජාතිකයින්ගේ කැමැත්ත මත තීරණය වූ නායකයකු ගෙන එන්නට දායක වූ ඔබ සියළු දෙනාගේ හිස මත ඒ තීරනයේ වගකීම වැටී ඇත... කිසි විටකත් අනාගතයේදී මොන ආකාරයෙන් ඔබලා වෙනස් වූවත්.. අද කල කාරියෙහි වගකීම ඔබගෙන් පහව යන්නේ නැත... මේ කාරණාව සිහියේ තබා ගැනීම වැදගත් බව කියමි. මෙම තිරණයේ විපාක ඔබට පමණක් නොව ඔබගේ දරු මුණුපුරන් පිටත් වැටෙන දවසක් එළඹියහොත් එදාට ඒ ගැන ඔබගේ සිත ඔබටම දෙස් දෙනු ඇත... අන් සියළුම දේට වඩා හෘදසාක්ෂිය බලවත්ය... මාගේ මේ ප්‍රකාශයට උසුළු විසුළු කිරීම හෝ.. එයට විරුද්ධව කරුණු කියා පෑමට ඔබට හැකියාව ඇත.. එයට මා කිසිවක් නොකියමි... තම තමාගේ සිත්වල 2015 ජනවාරි මස නව වැනිදා දවසක උදෑසන මෙහෙම දෙයක් මෙහෙම එකෙක් කිව්වාය කියා මතකයේ තබා ගැනීම පමණක් ප්‍රමාණවත්ය...

එදා මෙදාතුර පහල වූ නායකයින් අතුරින් අපට පහල වූ විශිෂ්ඨම නායකයා අද දින සිය තනතුර හැරදා පියා පිටව ගොස් ඇත... ඔහු යළි බලය වෙනුවෙන් සටන් කරන්නේද නැද්ද යන්න මා නොදනිමි.. නමුත් ඔහු රට වෙනුවෙන් නැවත සටන් කරන්නට පිවිසෙන්නේ නම් මා ඔහුට හැකි ආකාරයකින් සහය වෙමි... එහි කිසිදු සැකයක් නැත... නමුත් තව දුරටත් මෙම රට තුල ජීවත් වන්නට මාගේ අදහසක් නැත... ලැබෙනා පලමු අවස්ථාවෙන්ම මෙයින් පිටත්ව යමි... එනමුදු ලොව කොහේ සිටියත් මහින්ද කෙරෙහි ඇති මාගේ විශ්වාසය හෙට දිනත් එසේම පවතිනු ඇත. මහින්ද මෙන්ම ඔහුගේ නික්ම යාමත් සමඟ අපට අහිමිව යන අනිත් ප්‍රධාන පුද්ගලයා වන ගෝඨාභය රාජපක්ෂයන්ටත් මාගේ ස්තූතිය ප්‍රකාශ කරන්නට මෙය අවස්ථාවක් කර ගනිමි... ඔබලා දෙපල අපගේ රටට පහල වූ යුග පුරුෂයින් දෙදෙනකු බව අදත් හෙටත් මා අවිවාදයෙන්ම පිළිගන්නා අතර.. ඔබලාගේ සටනකට මා මට හැකි ආකාරයකින් සහය ඉදිරියේදීද දක්වන බවත් කියා සිටිමි.

මහින්ද රාජපක්ෂ... නායකයාණෙනි.. 
මා මෙතෙක් කල් ඔබට ආමණ්ත්‍රණය කලේ මහින්ද අයියා.. මහින්ද මහත්තයා යන සරල ආමණ්ත්‍රනයන්ගෙන් බව කිව යුතුය.. ඒ ඔබට අඩුවක් කිරිමට නොව.. ඔබට මාගේ සිතෙහි ඇති සමීපත්වය නිසායි.. ඔබ සහෝදරයකු... හිතවතෙකු හැටියෙන් සලකා කටයුතු කිරීම නිසාම එම ඇමතීම කල අතර.. අද මේ තනතුරෙන් ඉවත්ව යන මොහොතේ ඔබට නිසි ගෞරවය දැක්වම පිණිස ඔබට ගරු නායකයාණෙනි යන ආමන්ත්‍රණය කරමි... 
ගරු නායකයාණෙනි..  පණ ඇති තෙක් මේ පොළවේ හා මෙහි වෙසෙනා මිනිසුන්ගේ දියුණුව පිනිස සටන් කිරීමට ඔබට හැකියාව හා ධෛර්ය්‍ය හිමි වේවා... මෙහි උපන්නත්..මේ මහ පොළවේ බිම් අගලක අයිතිය නැති... ඉන්න හිටින්න ස්ථිර තැනක් නැති... රකින්නට දේපලක් උරුමයක් කිසිත් නැති...කොටින්ම ඡන්ද අයිතියක්වත් නැති බොහෝම සරල දිවි පෙවතක් ගෙවන සරල මනුස්සයෙකුගේ හිතවත්කම හා ලෙන්ගතුකම ඔබ සතුය...  ඔබට එය ලොකු දෙයක් නොවන්නට පුළුවන.. එහෙත් මේ කුඩා මිනිසාට එයට වඩා ඔබට දෙන්නට දෙයක් මේ මොහොතේ නැත... මගේ ආදරය ගෞරවය හා විශ්වාසය සැමදා ඔබ කෙරෙහි වේ.. ඒ මා සතු ලොකුම ධනයයි... ඉඳින් එයින් ඔබට පුදමි... මගේ රට යුධ බියෙන් නිදහස් කරලන්නටත්... සාමය ඇති කරලන්නටත්.. පරිහාණියේ පතුලට වැටී තිබූ රට යම් කිසි ස්ථාවර තත්වයක් දක්වා දියුණු කරන්නටත් ඔබ ගත් උත්සහයට නැවත නැවතත් ස්තූති වන්ත වෙමි... රටේ අනාගත පරපුර වෙනුවෙන් ඔබට ස්තූති වන්ත වෙමි... ඔබට සුභ අනාගතයක් වේවා..!

------------------------------------------

පෞද්ගලික වශයෙන් ගත් කල මට රකින්නට පරපුරක් හෝ කිසිවකු නැත... ජීවත් වූ කාලය තුල අත්වැරදීම්.. ඇතත්.. හැකි සෑම විටම නිවැරදි ජිවිතයක් ගත කරන්නට උත්සහ කල අයෙක්මි.. කිසිවකුට ණය නැති... කිසිවකුට වංචා කර නැති අයෙක් ලෙසින් ජීවත්වන්නට උත්සහ කල තැනැත්තෙක්මි... කිසිම කාරනාවක් නිසා පෞද්ගලික වාසියක් පිණිස කටයුතු කර නැත්තෙමි... දේශපාලන පිළිබඳව කතාවෙන් වූවද මා හට මෙතෙක් වැඩි වශයෙන් ලැබී ඇත්තේ ගැරහුම්.. අවලාද හා නින්දා කිරීම් පමණකි.. ඒ සියල්ල අබිමුවෙහි හැකි උපරිම ශක්තියෙන් මගේ මතය වෙනුවෙන් පෙනී සිටියෙමි.. ඒ හැර සත පහක ලාභයක් පිනිස හෝ මා මාගේ දේශපාලන මතවාද ඉදිරිපත් කර නොමැත... පවතින රජයෙන් හෝ.. පැවති රජයකින් හෝ අබ ඇටයක වාසියක් ලාභයක් ලබා නොමැත.. එසේ ලබන්නට අදහසක්ද නැත. හුදෙක් රට ගැන ඇති ආදරයත්.. සිංහල ජාතිය ගැන ඇති හැගීමත් නිසා කටයුතු කලා පමණකි... ඉදිරියටත් මා හට හැකි පමණින් එම කාර්යයන් හී නිරත වන අතර.. කිසි විටකත් පරාජය හමුවේ සැගවෙන්නේ නැති බව කිව යුතුය... එසේම දූෂිත මැතිවරණයක්... හොර ප්‍රතිඵලයක් ආදී වශයෙන් ජනතා තීන්දුව ප්‍රතික්ෂේප කිරීමක්ද මාගෙන් වන්නේ නැත.. සාධාරන හා සාමෙකාමී රටක පැවති ඉතාමත් සාදාරණ ඡන්දයකින් ලද තීන්දුවක් අනුව රටේ බලය බහුතර කැමැත්ත ඇති අයකුට ලැබී ඇත.. එම බහුතරයේ සංයුතිය ගැන පැනයක් ඇතත්... එය ලැබූ ප්‍රතිඵලය ප්‍රතික්ෂේප කිරීමට හේතුවක් නොවේ... ඡන්දයක් පැරදුන කල සැගවී සිටින්නේ හෝ... එය හොර එකක් යැයි කියමින් ලැබූ පරාජය වසා ගන්නට තැත් කරන්නේ හෝ නැත... පැහැදිලිවම අප පරාජය වි ඇත.. මා විසින් දැරූ මතය පරාජය වී ඇත...


එනමුදු පරාජය තාවකාලික බවත්... තරඟය මෙතැනින් නොනවතින බවති කියා සිටිමි... දැන් ඇත්තේ ඔබගේ වාරයයි... මෙතෙක් කලක් පැවති පාලකයාට සහය දෙමින්.. ඔහුගෙන් වන සියළුම අඩු පාඩු වෙනුවෙන් බැනුම් අසමින් ඔහු ආරක්ෂා කර ගැනිමට අප විසින් කල කාර්යය අදින් අවසන්ව ඇත.. දැන් ඇත්තේ පත්ව ඇති පාලකයා ප්‍රශ්න කිරීමේ කාලයයි... මෙය දේශපාලනික වශයෙන් ඉතාමත් සිත් ගන්නා සුළු කාරණයකි..  ඉඳින් අද පටන් ඒ සිත් ගන්නා සුළු කාර්යයට යොමු වෙමි... අද දින මේ ප්‍රතිඵලය ලබා ගැනීමට ඇප කැප වූ ඔබ සියළු දෙනා ගෙන්ම අද ගත් තීරණය ගැන ප්‍රශ්න කරන්නට මෙතැන් පටන් අවස්ථාව උදා වී තිබේ... එහෙයින් අද මෙය ජයක් ලෙස සලකා උදම් අනන අයට... ඉදිරියේදී ඇති වගකීම ගැනත් ආදරයෙන් සිහි කැඳවමි... 

දැන් අපගේ වාරය හමාර වි ඇත.. මේ ඔබලාගේ වාරයයි... එය හොඳින් ක්‍රිඩා කරනු ඇතැයි මා බලාපොරොත්තු වෙමි... ඔබලා විසින් පත් කර ගත් නායකයා සම්බන්ධ වගකීම ඔබලා සතුය... ඔහුගේ සහ ඔහුගේ කණ්ඩායමේ ඉදිරි තීන්දු තීරන කොයි ආකාරයෙන් රටේ දියුණුවට හෝ පරිහානියට හේතු වේද.. ඒ සෑම තැනකම ඔබගේ වගකීම ඒ දේවල් හා බැඳී තිබේ... එම වගකීම දරන්නට සූදානම් වන්න...  විපක්ෂයේ කාර්ය භාරය අකුරකින්වත් අඩු නැතිව කරන්නට ඔබලාට කරනා උදව්වක් සේම ප්‍රජාතන්ත්‍රවාදයේ යහ පැවැත්ම උදෙසා මා පොරොන්දු වෙමි...  

මහින්ද වෙනුවෙන් කඩේ ගිය මාරයාට වඩා... නිදහසක් ඇති.. සීමා මායිම් නැති අවස්ථාවක් මා ඉදිරියේ උදා වි ඇත... ඒ අවස්ථාවෙන් උපරිම ප්‍රයෝජනය ගැනීම මා අත හරින්නේ නැත... එසේ නම් ඔබලා ඔබගේ තීන්දුවට හා කැමැත්තට අනුව පත් කරගත් නායකයා නිසි දිශාවට මෙහෙයවීම කරනා අතරම.. ඔහුගේ තීන්දු තීරණ වලට වගකියන්නටත් සූදානම්ව ඇතැයි මා සිතමි... අප විසින් ඔබලාට බාර කරනු ලැබුයේ යුධ ගිනි නැති.. සාමය ඇති.. නොබෙදුනු නිවහල් රටකි.. සාධාරණ මැතිවරණයක් පවත්වන්නට පුළුවන් රටකි.. සංවර්ධනයේ අරුණළු දකිමින් සිටි රටකි.. මෙතැන් සිට ඉදිරියට විනා පසු පසට රට ගෙනයන්නට ඔබලාට අයිතියක් නැත... ඔබලා පැවසූ ඒ මෛත්‍රී යුගය... ඒ යහ පාලනය.. ඒ සංවර්ධනය.. ඒ දියුනුව මේ රටට ලබා දෙන ආකාරය අප බලා සිටිමු... එය වචනයෙන් මෙන්ම ක්‍රියාවෙන්ද පෙන්වීමට ඔබලා සූදානම් විය යුතුය... ජයග්‍රහණය අභියස ප්‍රතිවාදියාට ඔබගේ ප්‍රතිචාර දක්වන තැන සිටන්ම අප ඔබ ප්‍රශ්න කිරීමට සූදානම්ය... අප විසින් වසර ගණනක් මුළුල්ලේ කල ඒ දුෂ්කර ක්‍රියාව අද සිට ඔබ සතුය... 

------------------

රයිටෝ බොක්කෙන් දීම අවසානයි.. දැන් ඉතිං සරලව කෙටියෙන්...

ඔන්න ඉතිං කාලයක් තිස්සේ ඔළුවේ තිබුන බර අවසානයි.. දැන් ඉතිං තියෙන්නේ විපක්ෂයේ වැඩ ටික.. එව්වා ඉතිං තිතට කරලා දෙන්නං... :D
එක අතකින් මේ පරාජය නිසා රටට වන හානිය ගැන සිතීම නිසා සිතට වේදනාවක් ආවත්.. අනිත් පැත්තෙන් පුදුම සැහැල්ලුවක් දැනෙනවා.. දැන් ඉතිං තියෙන්නේ ප්‍රශ්න කර කර ඉදිල්ලක් මිස උත්තර බැඳිල්ලක් නෙවෙයි කියලා මතක් වෙනකොට හිතට පවන් ගහන්නැහේ... :D :D :D

හැබැයි ඉතිං මහින්දගේ යටතේ ප්‍රශ්න කර කර ඉඳිල්ලයි.. විරෝධතා දැක්වීමයි වගේ නෙවෙයි චන්ද්‍රකාලා රනිල්ලා යටතේ ඒවා කිරිල්ල කියලා අත්දැකිම් අනුවම දන්න නිසා.. ආරස්සාවට මුල් තැන කියලා... ආරස්සාව පිණිස.. (ජේආර් පප්පා කිව්ව විදියට තමන්ගේ ආරස්සාව තමන් සතුයි නිසා ) හැකි පළමු අවස්තාවෙන්ම මමනං මේ රටින් යනවා පුතෝ... මට මේ ලෝක බෝලේ කොයි තැනට ගියත් අවුලක් නැහැ.. ආයේ දාලා යන්න බැරි රෙද්දවලුත් නැහැ... බෑග් එකට ඇදුං කෑලි දෙක තුන දාගත්තම මුළු ලෝකෙම මට ගෙදර වගේ තමා.. :D හැබැයි ඉතිං අනිත් අයටනං තම තමන්ගේ ගෙවල් දොරවල්.. දරු මල්ලෝ... රැකි රස්සා ඔය දාහක් දේ තියෙන හින්දා මේ රට පරිස්සං කර ගන්න මටත් වඩා උත්සහ කරන්ට ඕන ඔන්න...

එහෙමනං මං ගියා... :D
(යහපාලන කස්ටිය එයාපෝට් වහන එකක් නැහැ නේද අදම..? :D )

ආ අමතක උනා.. දිනුව නායකතුමා වෙච්චි මෛත්‍රී පාල සිරිසේන මහත්මයටත් මගේ සුභ පැතුම්.. ඔන්න තියෙනවා ලස්සන රටක්... සාමකාමී රටක්.. බිය සැක නැති රටක්.. උතුර දකුණ පත්තු නොවුනු රටක්... දෙයියනේ කියලා යහපාලනේ කරගෙන.. දියුණු පමුණු කරගෙන යන්ට තමා තියෙන්නේ... පොඩිත්තක් අහල පහල ඉන්න උන්දලගෙන් පරිස්සං වෙන්ට... උන්දලා ගැන මං අමුතුවෙන් කියන්ට උවමනා නැහැ නෙව... අද ඉදලා අර දින සීයත් පටන් ගන්නවනේ.. ඔන්න මංනං එයින් පිටපතකුත් හොයාගෙන ලෑස්ති වෙනවා ඔබතුමාට යහපාලනේ කරං යන්න විපස්සයක් හැටියට උදව් උපකාර කොරන්ට.. එහෙමනං දුවමු මහත්තයෝ රේස් එක... ඔබට සුභ අනාගතයක්... :D

11 December 2014

ජවිපේ හයිය මෛත්‍රී මහත්තයට...

වැඩි වැල් වටාරං නැතිව මං මේ ගණන් හදා බලන්ට යන්නේ මේ පාර ජවිපේ හරහා මෛත්‍රී මහත්තයට කොයි තරං තල්ලුවක් ගතෑකිද කියලා හොයලා බලන්ට...

ඔව් ඔව් මේ වතාවේ ඉතිං ජවිපේ මෛත්‍රී මහත්තයට සපෝට් නැහැ තමා.. එහෙමනේ එයාලා කියන්නේ... අර විමල් ගොයියා අනුරට නක්කලේ දානවා වගේ “අන්න සතා මෙන්න පොල්ල අපිනං සිල්“ තියරිය තමා.. ඒත් ඉතිං නොකියා කියන්නේ අපි මෛත්‍රීටම තමයි කියලා මිසක් වෙන මොකක්දෑ... :D

ඒත් දැන් ලොකු තැන්වලින් කිව්වටවත් ගංවල උන් පෝස්ටර් ගහන්න ගස් ගල් ගානේ බඩ ගාවන්න අමාරු හින්දයි.. පෝස්ටර් බලකායේ හිටිය දක්ෂ බඩු ටික කුරුට්ටෝ එක්ක ගිය හින්දයි.. මේකට කෙලින්ම බැස්සොත් තියෙන ජවිපේ ඡන්ද ටිකත් ඊ ළග වතාවේ හෝදලා යන එක ඉර හද වගේ ෂුවර් හින්දයි... එයින් පස්සේ සුපුරුදු විදියට පහුගිය වතාවල් වල උනා සේම තමන් සපෝට් කල එකා තමන්ට ඇරලා දැම්මම ඇවිත් කියන්න කතාවක් හදා ගන්න තියෙන අමාරුව හින්දයි වගේ ඉතාම සාධාරණ හා මානුෂිය හේතු මත ජවිපේ මේ ගත්ත තීරණය නිවැරදිම එකක් කියලයි මං හිතන්නේ...

වෙනම ඉල්ලිල්ල එයිට එහා ගස් යන වැඩක්... බොහෝම ආමාරුවෙන් බුකියේ ජනාධිපති වෙලා හරි ඌවේ ඡන්දේ වෙනකල් අල්ලං හිටිය අළුත්ම නඩේ ගුරා වෙච්ච අනුර කුමාර කරුණානායක සහෝදරයගේ සායම යන හින්දා ඒක කරන්න බැහැ මොන විදියකින්වත්... එව්වාත් අපි තේරුම් ගත යුතු දේවල්... ඒවට දොස් කියලා වැඩක් නැහැ.. 

ඉතිං අපි වඩාත් ප්‍රායෝගික වෙලා මේ වෙලාවේ කරන්න ඕන ඒ කොරන්න බැරි දේවල් පැත්තක තියලා දැන් මේ කරන්න යන වැඩේ.. ඒ කිව්වේ මේ වට වන්දනාවෙන් මෛත්‍රී මහත්තයට සපෝට් කරන්න ගත්ත තීරණය සාර්ථක කරගන්න හැටියක් ගැන කල්පනා කොරන එක තමා...

අපි කවුරුත් දන්නවනේ ඉතිං කෙනෙකුට දෙයක් දෙන්නනං තමන් ගාව පළමුවෙන්ම දෙන්න දෙයක් තිබිය යුතුයි කියන සරල කාරණාව... තමන්ට නැති දෙයක් කොහෙන් දෙන්නද...?

හරි එහෙමනං වංගු ගහලා හරි මෛත්‍රී මහත්තයට දෙන්න කොච්චර හයියක් ජවිපෙට මේ මොහොතේ තියෙනවද..? ඒ කිව්වේ ඡන්ද පදනමක්... ( කතා වලින් දෙන හයියක් තියෙනවා උනත් කෙලින්ම සප් එකක් දෙන්නේ නැති තැනක ඉද්දි ඒක ඒ තරමටම ප්‍රායෝගික නැහැ... මිනිස්සු උනත් කාටවත් සපෝට් කරන්නේ නැහැ කියලා කියන ගමන් එක්කෙනෙකුට විතරක් ගහන අය කියන දේ ඒ හැටි කණකට ගන්නේ නැහැ.. ඒකත් හරියට අර අයිටීඇන් එකේ තුලාවට උනා වගේ වැඩක්.. එක පැත්තක එකෙක් දාගෙන නිවේදකයයි ඒකයි පාලු ගෙයි වළං බිඳිනවා වගේ මැන්ටල් වැඩක් )

හරි අපි දැන් හොයමු මේ පාර මෛත්‍රී මහත්තයට ජවිපෙන් කොච්චර ඡන්ද ලැබෙයිද කියලා... ඒකට ඉතිං අපි පරණ මැතිවරණ වාර්ථා දෙක තුනක් අහුලං එමු ඒවා තියෙන තැනින්ම.. ඒ කිව්වේ මෙතැනින්...


ඕකෙන් තොරතුරු ගත්තාම ලේසියි ඉතිං කාට උනත් බලා ගතෑකි තැන නෙව...

හරි අපි යමු මුලින්ම ජවිපේ තනියම ඉල්ලපු වෙලාවක් හොයාගෙන... ඇත්තටම කිව්වොත් එහෙම පැහැදිලි එකක් හොයා ගන්න අමාරුයි... 

2010 ජනාධිපතිවරණය... ෆොන්සේකා දිනවන්න යූඇන්පීය ඇතුළු පක්ෂ රාශියක් එක්ක එකට එකතු වෙලා කැප උනා.. වෙනම ඉල්ලුවේ නැහැ.. ෆොන්සේකා මහත්තයා ගත්ත 4173185 ක් (හතලිස් එක් ලක්ෂ හැත්තෑ තුන් දහස් එකසිය අසූ පහක් )  උන ඡන්ද ප්‍රමාණය ඇතුලේ ජවිපේ ඡන්ද ටික හැංගිලා ගියා... ඒ සමස්ථ ජවිපේ බලයමයි කියලා කියන්න අමාරු උනත් සැලකිය යුතු තරමක ජවිපේ ඡන්ද එතනදී ප්‍රකාශ උනා කියලා අපිට හිතන්න පුළුවන්...

2010 මහ මැතිවරණය... එතනදීත් ෆොන්සේකා මහත්තයා එක්ක එකට එකතු වෙලා ඡන්දය ඉල්ලුවා මුළු රටින්ම දෙගොල්ලම එකතු වෙලා ඡන්ද 441251 ක් (හාර ලක්ෂ හතලිස් එක් දහස් දෙසිය පනස් එකක්) ගත්තා. එතනදිත් ජවිපේ ඡන්ද ෆොන්සේකා මහත්තයගේ ඡන්ද එක්ක කලවං උනා.. පැහැදිලි අදහසක් ගන්න අමාරුයි...

ප්‍රාදේශීය සභා ඡන්ද වලින් මේක හොයන්න ගියොත් ලේසි නැහැ...(කාට හරි පුළුවන්නං ඒකත් හොයලා එකතු කරලා බලලා කියන්න ඒක ලොකු උදව්වක්)

අපිට ගන්න පුළුවන් පැහැදිලිම අදහසක් ගන්න ඉතිරි වෙලා තියෙන්නේ පසුගිය පළාත් සභා ඡන්ද වලින් විතරයි.. ඒ අනුව අපිට මෙන්න මෙතනින් ගන්න සංඛ්‍යා ටික මෙහෙම දක්වන්න පුළුවන්...

(2014) ඌව පළාත - 36580         
(2014) බස්නාහිර පළාත - 156208
(2014) දකුණු පළාත - 109032
(2013)මධ්‍යම පළාත - 13887
(2013)උතුරු පළාත - 288
(2013)වයඹ පළාත - 19624
(2012)නැගෙනහිර පළාත - 3154
(2012)උතුරු මැද පළාත - 16066
(2012)සබරගමුව පළාත - 12164

සියල්ලගේම එකතුව 367003 යි.
(ගණන් හිලවු වල වැරැද්දක් ඇතොත් පෙන්වන්න මම එක පාරින් මේ ටික ලියාගෙන යන්නේ වැඩිය බල බල ඉදිල්ලක් නැහැ...)

හරි ඒ කියන්නේ ඔය ගාන තමයි අද වෙද්දි ජවිපෙට තියෙන උපරිම ඡන්ද හැකියාව කියලා අපිට හිතන්න පුළුවන්... මොකද මට මතක හැටියට ජවිපෙට සිද්ධ උන දරුණුම බිඳ වැටිම් දෙකම උනේ ඔය 2012 පළාත් සභා මැතිවරනයට කලින්... (විමල් වීරවංශගේ කඩාගෙන යාම -2008/ පෙරටුගාමීන්ගේ කඩාගෙන යෑම - 2011) එහෙම ගත්තම ඔයින් පස්සේ ඔය ඡන්ද පදනමේ ලොකු වෙනසක් වෙන්න තරං කාලයක් ආවේ නැහැ.. ඒකට හොදම උදාහරණය හැටියට අපට ගතෑකි නව නායක අනුර කුමාරගේ පත්විමෙන් පසුව අන්තර් ජාලය ඔස්සේ වගේ ඔහු සෑහෙන්න ජනප්‍රිය උනත් එයට සාපේක්ෂව බිම් මට්ටමේදී වැඩි උන ඡන්දයක් නැහැ කියලා ඌවේදී ඔප්පු වීම වැනි කාරනා හරහා.. අනුරට ලැබුන වැඩි දිස්නය ආවේ රනිල් සමග කලකිරීමේන් හා දිගින් දිගටම පරාජිත යූඇන්පීය තුල සිටිමින් යූඇන්පීය වෙනුවෙන් කතා කිරීමට ලැජ්ජා සිතුනු බුකීවාසී බහුතර යූඇන්පී පාක්ෂිකයින් වෙතින්.. ඒ අය එවෙලේ ගැලවීමට අනුරගේ කරේ එල්ලුනාට සැබෑ ජේවිපී කාරයින් නොවන බව පැහැදිලියි.. (මේ වෙද්දි ඒඅය අතුරින් සමහරක් බැහැලම නැවත තමන් හිටිය තැන වැඩ කරනවා බලාගන්නත් අපට පුළුවන්.. ) ඒ අනුව ගත්තම අපට ඔය “තුන් ලක්ෂ හැට හත්දහස් තුන“ ජවිපේ වත්මන් උපරිම හැකියාව හැටියට සලකන්න පුළුවන්...

එතකොට ජවිපෙ හරහා මෛත්‍රී මහත්තයට ඔය තුන් ලක්ෂ හැටහත් දාස් තුනෙන් කොච්චර ඡන්ද ලබා දෙන්න පුළුවන් වෙයිද...? සම්පූර්න ගානම...?

මම නම් හිතන්නේ නැහැ.. මොකද පසුගිය ජනාධිපතිවරණයේදී උනත් ෆොන්සේකා මහත්තයට සම්පූර්ණ ජවිපේ ඡන්ද කුට්ටියම ආවා කියලා හිතන්න අමාරුයි.. අපි එහෙම ආවා කියලා හිතුවත් උපරිමය තමා ඔය ගාන... ඔයිට වැඩි බලයක් ජවිපෙට කිසිම කෙනෙක් වෙනුවෙන් දෙන්න හැකියාවක් නැහැ... එතකොට ඕකෙන් යම් යම් හේතු නිසා යම් ප්‍රමාණයක් අඩු වෙන්න හැකියාවනං තියෙනවා...

මොනවද හේතු... ගිය වර ෆොන්සේකා මහතා ඉල්ලුවේ කෙලින්ම ඔහුටම ජනාධිපති වෙන්න වීම හරහා ජවිපේ ගනුදෙනු තිබුනේ ඔහු සමගයි.. නමුත් අද බලය ඉල්ලන්නේ මෛත්‍රී මහත්තයා.. බලය ලැබුනට පස්සේ ඒ බලය ව්‍යවස්ථානූකූල ක්‍රමයක් හරහා යොමු කරනවා කියන්නේ රනිල් උන්නැහේට... පොඩි අවුල් සහගත තත්වයක් එතන තියෙනවා.. ජවිපේ සාමාජිකයින් ෆොන්සේකාට කොහොම වෙතත් රනිල්ට කැමතියි කියලා මං හිතන්නේ නැහැ.. අනුර කුමාර කොච්චර කිව්වා උනත් මිනිස්සුන්ට තම තමන්ගේ පුද්ගලික හැගීම්.. මතවාදයන් නැති වෙන්නේ නැහැනේ... 2005 දී මහින්දට උදව් කරන්න ජවිපේ ඉදිරිපත් වීමට වඩා සෑහෙන වෙනසක් මේ තැනදී තියෙනවා... මහින්ද කියන්නේ අතීතයේදී ජවිපේ යම් ආකාරයක මිතුරෙක් විනා සතුරෙක් නෙවෙයි... මහින්ද නිසා දකුණේ භීෂණ කාලයේ දිවි ගලවගත්ත අය හිටියා වගේම ඒ ගැන සෑහෙන පිරිසක් දැනුවත්ව හිටියා... ඒ හින්දා මහින්ද වෙනුවෙන් පෝස්ටර් අලවන්න.. වැඩ කරන්න.. ඡන්දේ දෙන්න ජවිපේ පහලම සාමාජිකයාට උනත් බැරි අමාරුකමක් තිබුනේ නැහැ... පක්ෂ නායකත්වය තීරණය කලානං මහින්දට සහය දෙන්න ගැටීමකින් තොරව ඒ දේ කරන්න පුළුවන් වාතාවරණයක් පහල මට්ටමේ තිබුනා.. 

ඒත් ෆොන්සේකා ගාවට එද්දි ඒ තත්වය තරමක් වෙනස්.. එකක් ෆොන්සේකා එක්ක එක පැත්තකින් රනිල් ඇතුළු යූඇන්පීය හිටගෙන ඉන්නවා... අනිත් පැත්තෙන් ෆොන්සේකාගේ උනත් හමුදා ජීවිතය තුල අතීතයේ ජවිපේ සමඟ ගනුදෙනුව යහපත් එකක් නෙවෙයි... මෙතනින් ෆොන්සේකාගේ අවුලටත් වඩා රනිල් එක්ක එකට වැඩ කරනවා කියන එක ජවිපේ සාමාජිකයාට තරමක් අසීරු කාරණාවක්... මහින්දගේ මොන අවුල තිබුනා උනත් රනිල් සමඟ අවුල එයිට වඩා දරුණු තුවාලයක්.. වත්මන් ජවිපේ නායකයින් විසින් ඒක වහන්න හැදුවට තුවාලේ තිබුන එකාට ඒ වේදනාව මතකයිනේ... විශේෂයෙන්ම භීෂණ සමය තුලදී එවකට පැවති යූඇන්පී රජය විසින් පවත්වාගෙන ගිය බටලන්ද.. කොළඹ නීතී විද්‍යාලය වැනි වධකාගාර එක්ක සෘජුවම නම ගෑවී තිබුන රනිල්ගේ වගතුග එක්ක මේක ලේසි දීගයක් නෙවෙයි... පොඩි හරි වාසියක් තිබුනනං තිබුනේ බලය දෙන්න යන්නේ ෆොන්සේකාට මිසක් රනිල්ට නොවීම... ඒ නිසා 2005 හේදී මහින්දට වගේ ජවිපේ උපරිම බලය ෆොන්සේකාට ලැබුනා කියලා අපිට හිතන්න අමාරුයි... නමුත් සැලකිය යුතු හයියක් ලැබුනා කියලා අපිට හිතන්න පුළුවන්... අඩුම ගානේ ඔය තුන් ලක්ෂ හැට හත් දාහෙන් ලක්ෂ දෙක හමාරක් තුනක් වගේවත් ලැබුනා කියලා හිතුවැකි.. අපි ඒක උපරිම වාසි තියලා ඕනනං ලක්ෂ තුනක් කියලා ගමු... කවුරු හරි කියනවනං විශ්වාසයෙන් හා සාධක ඇතිව ඒක එයිටත් වැඩියි කියලා අපි එතැනට එමු... ඒකේ අවුලක් නැහැ..

නමුත් අද වෙද්දි තත්වය එයිට වඩා සෑහෙන්න වෙනස්... 2005 දී මහින්ද අවුලක් උනේම නැහැ...
2010 දී ෆොන්සේකා මුලට හිටිය හින්දා යම් තරමකින් හවුලකට යන්න පුළුවන් උනා...

නමුත් මේ පාර තියෙන්නේ කැඳ හවුලක් වීම නිසාත්.. අනිවාර්යයෙන්ම මේ විපක්ෂ එකමුතුවේ අරමුණ කෙටි කාලයක් තුලදී බලය හුවමාරුවකින් රනිල්ට රටේ බලය පවරන එක කියලා අපේක්ෂයම කියන හින්දාත් මං හිතන්නේ නැහැ අනුර කුමාර උන්නැහේ බිම හැපිලා කිව්වත් ඔය තියෙන තුන් ලක්ෂ හැට හත් දාහෙන් බාගයක්වත් මෛත්‍රී උන්නැහේට දෙයි කියලා... ඒත් මං හිතන දේම වැදගත් නොවන හින්දත්... මේ වෙලාවේ විපස්සයේ අයගේ හිත් කඩන එක හරි නැති නිසාත්.. ගනු දෙනු වඩාත් විශ්වාසදායක විය යුතු නිසාත් වැඩිම වාසියක් තියලා අපිට ඕනනං කියන්න පුළුවන් ඔතනින් ලක්ෂ දෙකක් විතරනං වැටෙයි කියලා...  කාට හරි ඒ ගානත් වැරදියි ලක්ෂ තුනක්වත් වැටෙනවා වගේ කියලා හිතෙනවනං අපි ඒ ගාන උනත් පිළිගන්නම්.. ඒකේ අවුලකුත් නැහැ... (හැබැයි ඉතිං ඒ අස්සෙම ජවිපෙන් කලින්ම කඩාගෙන ගිය පෙරටුගාමීන්ගෙන් මේ පාර දුමින්ද නාගමුවද කොහේද කියලා කෙනෙකුත් ඡන්දෙට දාලා තියෙන හින්දා සමහරක් විට තමන්ගේය කියලා හරි හමන් අපේක්ෂකයෙක් නැති වේදනාවට මොකා උනත් අපේ එකෙක් කියලා මෑන්ටත් ජවිපේ අය ඡන්දේ දුන්නොත් වැඩේ මෙයිටත් වඩා අවුලක් වෙනවා... දිනන්නම නෙවෙයිනේ විජේවීරත් ජනාධිපතිවරණයට ඉල්ලුවේ.. විජේවීර දිනයි කියලා හිතලත් නෙවෙයිනේ එදා ජවිපේ සාමාජිකයා විජේවීරට දුන්නේ... එහෙම තත්වයක් මත ජවිපේ සාමාජිකයා මොන අන්දමට තීරණයක් ගනීද කියලා කාටද කියන්න පුළුවන්..)

ඉතිං අවසානයේදී අපට මොන විදියට ගැට ගැහුවත් පේන දේ තමා ජවිපෙට මේ වෙලාවේ වළදේ අඩියම හූරලා ගත්තත් තුන් ලක්ෂ හැට හත්දාස් තුනට වඩා වැඩි සහයක් මෛත්‍රීට දෙන්න බැහැ කියන එක... වළඳ හීරිල්ල කරන්න බැරි බව අපි දන්න නිසා  (ඉහත කියා ඇති පරිදි) ලක්ෂ තුනකට වඩානං මොන විදියකින්වත් හයියක් දෙන්න බැහැ කියන එක පිළිගත යුතුයි... ඒ තමා මෛත්‍රී මහත්තයට ජවිපෙන් ලැබෙන උපරිම හයිය... උපරිම ලක්ෂ තුනයි...
මගේ ගානනං ලක්ෂ එක හමාරත් දෙකත් අතර.. ඒත් අපි ඒක අමතක කරමු.. වැඩි වාසිය මෛත්‍රී මහත්තයට දෙමු.. ලක්ෂ තුනයි... අවසානයි...

---------------------------------
මෙතනදී අවසාන වශයෙන් තව කාරනාවක් මතු කරන්න ඕන... ඒ තමා 2010 ජනාධිපතිවරණ ප්‍රතිඵලය...

මහින්ද - 6015934
ෆොන්සේකා - 4173185

(දෙදෙනා අතර පරතරය 1842749 ක්.. ඒ කියන්නේ දහ අට ලක්ෂ හතලිස් දෙදහස් හත්සිය හතලිස් නවයක්... දළ වශයෙන් ගත්තොත් ලක්ෂ දහ අට හමාරක්...)

හැබැයි ඔය ප්‍රතිඵලය එන වෙලාවේ ජවිපේ ඡන්ද ටික තිබුනේ ෆොන්සේකාගේ ගාන ඇතුලේ... ඒ කියන්නේ ජවිපේ මේ පාර උදව් කලා කියලා විපක්ෂයේ පොදු අපේක්ෂකයට වැඩිවෙන අමුතු ඡන්දයක් නැහැ.. එකම දේ ජවිපේ සහය හරියට නොලැබිම නිසා ඔය ලැබුන ඡන්ද වලිනුත් යම් කොටසක් අඩු වීම පමණයි. අපි හිතුවොත් ගිය පාර ලක්ෂ තුනක් ෆොන්සේකා මහත්තයට ලැබුනත් මේ පාර ලක්ෂ දෙකයි හම්බ වෙන්නේ කියලා.. අනිත් සාධක ඒ ආකාරයටම තියෙනවා කියලා හිතුවොත් ෆොන්සේකටත් වඩා ලක්ෂයක් අඩුවෙන් තමා මෛත්‍රී මහත්තයට හම්බ වෙන්නේ... මහින්ද සමග තියෙන ඡන්ද පරතරය තවත් වැඩි වෙනවා.. ඒ කියන්නේ ලක්ෂ දහ නවය විස්ස අතර ප්‍රමාණයක් දක්වා ඒ වැඩි ඡන්ද ගාන යන්න පුළුවන් කම තියෙනවා...

ඒ නිසා මෛත්‍රී මහත්තයා මේ සම්බන්ධව කල්පනා කරලා බැලිය යුතුයි සහ උපරිම ජවිපේ බලය ලබා ගැනීමටවත් උත්සහ කල යුතුයි.. එහෙම නොවුනොත් ගිය පාර ෆොන්සේකා මහත්තයටත් වඩා අමාරුවක මෛත්‍රී මහත්තයට වැටෙන්න වෙනවා...

අපි අනිත් දේවල් ගැනත් ඉස්සරහට වෙලාවක් තිබුනොත් කතා කරමු.. ඒ කිව්වේ හෙළ උරුම සහය නිසා ෆොන්සේකාට වඩා බලයක් මෛත්‍රී මහත්තයට ලැබෙන්නේ කොහොමද... සුළු ජාතික ඡන්ද නිසා මෛත්‍රී මහත්තයට කොච්චර හයියක් ලැබේවීද... පැන්න අය හරහා මෛත්‍රී මහත්තයගේ දෑත් ශක්තිමත් වීම කොහොම වෙයිද... කලින් නොවැටුන හා මෙවර අළුත් ඡන්දවල හැසිරීම... වගේ කියන කාරණා...