17 June 2010

පන්සලේ ජීවිතේ... මිතුරන් දෙදෙනෙක්...

විස්තරාත්මක වශයෙන් කියන්නට ගියහොත් දීර්ඝ විස්තරයක් කල යුතු නමුත් සුපුරුදු පරිදි මගේ ඇති ලිවීම සඳහා වූ කම්මැලිකම හේතු කරගෙන ඉතාමත් කෙටි කොට දැක්වීමට අදහස් කරනු ලබන චරිත දෙකක විස්තර මෙහි සඳහන් කරනෙමි.

මොවුන් දෙපළ මා හට මුලින්ම මුණ ගැසුණේ මා සිතනා පරිදි පන්සලට ගොස් දින තුනකින් පමණ විය හැක.
එක් අයකු නමින් රූපරත්න නම් විය.
කෙසග, සුදුමැලි සිරුරකින් හෙබි හෙතෙම කඩිසර ගමන් විලාසයක් ඇත්තෙකි.
අධිකරණ අංශයේ සුළු සේවකයෙකු වූ අතර විශ්‍රාම ලබන්නට ආසන්න වයසේ පසු විය.

අනෙකා දයාසේන නමි.
මිටි,මහත කාල වර්ණ සිරුරැති මොහු විශ්‍රාමික තැපැල් සේවකයෙකු වූ අතර
ඉතා මන්දගාමී ස්වරූපයක් ඉසිලීය..

පන්සල ගැන කීමෙදී සුවිශේෂී චරිත දෙකක් වූ මොවුන් දෙදෙනා..
මා එහි යන කාලය වන විට පන්සලේ ප්‍රධාන හා එකම දායකයින් දෙදෙනා බවට පත්ව තිබිණි

මොවුන් දෙදෙනා පිළිබඳ කීමෙදී පන්සලේ අතීතය පිළිබඳව වූ කතාව අනිවාර්යයෙන්ම කිව යුතුව ඇත.
නමුත් එය වෙනම කතාවක් ලෙසින් ඉදිරිපත් කල යුතු බැවින් දැනට කෙටියෙන් මොවුන් ගැන හැදින් වීමක් පමණක් කිරිම මාගේ අරමුණයි.

දින පතාම හෝ අවම වශයෙන් දින දෙකකට වතාවක්වත් සවස හය පමණ වන විට මෙම දෙපළ පන්සලට එනු ලබන අතර..නාරද හිමියන් හෝ අන් කෙනෙකු කතාවට අල්ලා ගන්නා අතර එම කතාව අවසන් කරනුයේ රාත්‍රී අට නවය පමණ වූ පසුවය..
කතාවට යමෙකු නොවුන හොත් ඔවුන් දෙදෙනාම අතීත කතා කියමින් පන්සල ඉදිරිපස බැම්මෙ වාඩි වී සිට කාලය ගත කොට නිවෙස් බලා පිටත්ව යනු ලබයි.

මෙයින් රූපරත්න අයියා බොහෝ ක්‍රියාශීලී අයකු වූ අතර පිරිමි දරුවකු හා ගැහැණු දැරිවියකගේ පියා වූ අතර..
වැඩිමහළු පිරිමි දරුවා එවකට යම් රැකියාවක නිරත වූ තරුණයකු විය.
කෙතරම් කර දඩු උස් මහත් වූ තරුණයකු වූවද රාත්‍රී කාලයේ කිසිම දිනක අසල නගරයේ වූ අවසන් බස් නැවතුමෙන් බැස නිවස බලා එන ගමන තනිවම කිරීමට ඔහුහට ඉඩදුන්නේ රූප රත්න අයියා නම් නොවෙ..
මොන රාජකාරි තිබුනද පුත්‍රයා වැඩ ඇරී නිවසට එනු ලබන මොහොත වන විට කඩි මුඩියේ නගරයට දුවන ඔහු දරුවා ගෙදර ගෙනවිත් ඉන් පසු අන් රාජකාරී සඳහා යොමු වෙයි.

මෙම ක්‍රියාව ඔහුගේ මිතුරු දයාසේන අයියාගේ පවා සිනහවට ලක් වූ කරුණක් වී තිබුණි. නමුත් එම ගමන මා ද්නා අන්දමට අදටත් එසේමය..
දියණිය එවකට උසස් පෙළ දෙවන වරට පෙනී සිටින බව කතා බහෙන් දැන ගන්නට ලැබුණු අතර..
නිතරම තම දරුවන්ගේ දැන උගත්කම් පිළිබඳව ඉහළින් වර්ණනා කිරීමට නිතරම කැමැත්තෙන් සිටි රූපරත්න අයියා..
ගමෙ වූ අන් සියළුම දරුවන් හෙළාදකිමින් කතා කිරීමද ඒ අතරතුර අනිවාර්යයෙන්ම කරනු ලබයි.

මෙයින් දයාසේන අයියා රූපරත්න අයියාට වඩා හාත්පසින්ම වෙනස් චරිතයකි.
වරදක් කරන ලද්දේ නම් තම දරුවන් පවා විවෙචනය කිරීමට පසුබට නොවන හේ...
යම් යම් කරුනු මත සිය දරුවන් හතර පස් දෙනාගෙන් දෙදෙනෙකු සමග කතා බස් කිරීම පවා අතැර දමා තිබුණි.

මෙම දරුවන් අතරින් වැඩිමහළු දියණිය පෙර කලෙක ගමෙ ආන්දෝලනාත්මක චරිතයක්වී ඇති බව මා හට දැන ගන්නට ලැබුණේ පසු කලෙකය..
එසේ ආන්දෝලනයට තුඩු දුන් හේතුව වූයේ..අදටත් පන්සලේ හිමිකාරීත්වය උසුලනු ලබන මාගේ ආචාර්ය හිමියන්ගේද ගුරු හිමියන් වූ පුණ්ණසාර හිමියන් සමග තිබූ සම්බන්ධතාවයක් මත විය.
නමුත් කිසි විටක ඒ පිළිබඳව දයාසේන අයියා අප සමග කිසිවක් පවසා නැතත් ඔහු නොමැති තැන්වල රූපරත්න අයියා වටින් ගොඩින් ඒ පිළිබඳව පවසා තිබුණි.
ඒ කතාව පිළිබඳව නියම වාර්ථාව මා හට ලැබුණේ විලී අයියා වෙතිනි.

පන්සලේ වර්ථමාන පරිහාණියට හේතුවූ කරුණු අතර ප්‍රධාන සාධකයක් වූ එම පුවත ගම්වාසීන් අතර මෙන්ම අවට පන්සල් අතරද කුප්‍රකට කරුණක් විය.

මොවුන් දෙදෙනා ඇත්තෙන්ම පන්සලට මහා ශක්තියක් වූ බවද කිව යුතුමය..
කවුරුන් නැතත් තනිවම හෝ පන්සලේ සෑම කටයුත්තකදී ඉදිරිපත් වන මෙ මිතුරු යුවළ තමාට හැකි පමණින් ඒ කාරියන් ඉටු කරලීමෙහි ලා වෙහෙසෙති..
ඒ අතරතුරම අන් සියළුම ගම් වැස්සන් පුංචි කොට කතා කරති.
කිසි විටකත් අන් කිසිම අයකුට මූලික වී කිසිදු කටයුත්තක් කරන්නට දෙන්නට මොවුන් දෙදෙනා ඉඩ දෙන්නේ නම් නැත.

ආර්ථීක අතින් තරමක් සමෘද්ධිමත්ව සිටි දයාසේන අයියා..
රබර් වතු හා ගොඩ මඩ ඉඩකඩම් කිහිපයක හා විශ්‍රාම වැටුපකට හිමිකම් කී අතර අවශ්‍ය තැන් වලදී පැහැදිලි දායකත්වයක් දරමින් මිල මුදල්ද පන්සලේ පින්කම් සඳහා යොදවන ලද අතර.. පාරම්පරිකව ලද ඉඩකඩම් කිහිපයක් සිය සහෝදරයින් සමග ආරවුල් ඇතිකර ගනිමින් භුක්ති විඳිනා අතරම තමා කරනු ලබන කාර්යයන් තමාම සාධාරණීයකරණය කරමින් කතා කරනු ලබන රූපරත්න අයියා නම් මුදල් ඇදීමට කිසි විටකත් උත්සුක නොවන බවද කිව යුතුය.
පන්සලේ පින්කම් වලදී ආධාරපත්‍රයක් ලියාගෙන ගෙවල් ගානේ ගොස් එයට ආධාර මුදල් එකතු කිරීම නම් ඔහු අතින් විය.
මෙම මුදල් සම්මාදම පිළිබඳව ගම්මුන් විවිධ කතා කියූවත් එම කියූ පරිදි ඔහු විසින් මුදල් වංචා කලාදැයි මා හරියට කීමට නොදන්නෙමි.
මා පැවිදි වූ පසුව කිසිම දිනක ඔහුට උවමනා පරිදි ආධාරපත්‍ර එකතු කිරීමටනම් මාවිසින් ඉඩකඩ දෙනු නොලැබීය..
එසේම ප්‍රධානය කල සෑම මුදලක් පිළිබඳවම විස්තරයක් දැන්වීම් පූවරුවක් සාදා එහි ප්‍රදර්ශනය කළ බැවින් ආදායම් හා වියදම් පිළිබඳව පැහැදිලි විනිවිදතාවයක් සහිතව කටයුතු කළ බැවින් කිසි විටක කිසිවකුට වංචාවක් කිරීමට ඉඩ කඩ අහුරා දමන ලදි.

පන්සලේම කොටසක් ලෙසින් කටයුතු කල මොවුන් දෙදෙනා එක් පසකින් පන්සලේ වාසය කල සියළුම භික්ෂූන්ට සවියක් වූ අතරම.. බාහිර ගම්මුන් හා එක්ව කටයුතු කිරීමට නොහැකි වන සේ හරස් කර ගොඩ නගා තිබූ පවුරක්ද වූ බව කිව යුතුමය.

සෑම පින්කමක් අවසානයේම වැඩම කලාවූ පළාත් වාසී නායක හිමිවරුන්ගේ නොමඳ පැසසීමට ලක්වන මොවුන් දෙදෙනා..
පන්සලේ පැවති එකම පින්කම වූ කඨීන චීවර පූජා පිංකමට අඳාළව ගමවටා සැරි සරන පෙරහැරෙහිදී සැගවී සිට කරනු ලබන කොළුරැලගේ ගල් පූජාවටද අඩු නැතිවම හිමිකම් කියන ලදි.

.................................
"ඔබ කියන දේ පිළිබඳව තවත් වරක් සිතන්නේ නම් මැනවි.
ඇයි මෙවා අහලා කලකිරෙන්නේ..
යථාර්ථය තේරුම් ගන්ට ගන්ට මිනිස්සු කලකිරෙන්නේ නැහැ..
යම් සංහිඳියාවකට පත් වෙනවා මිස..
මෙ කතාව මම කවදා හරි කියලා ඉවර වෙන දවසට මට උවමනා මිනිසුන් අමුතුවෙන් මෙ දේවල් ගැන කල්පනා කරලා හැම දෙයක් පිළිබඳවවත් උපේක්ෂාවෙන් බලනවා දකින්නට විනා..කිසිවකුටත් පන්සල් පිළිබඳව හෝ ගිහි සමාජය පිළිබඳව හෝ කලකිරවීම නොවෙ.. "

12 comments:

  1. අර කලින් හරියට යුනිකෝඩ් වලට හරවගන්නබැරි උනේ මේ ලිපිය වෙන්න් ඇති.
    ඒක නිසා තමයි දෙවනි පාර බොහොම ඉක්මනට ලියල ඉවර කරල තියෙන්නෙ.
    ඒත් හරවත් බවෙයි රසවත් බ්වෙයි නම් කිසිම අඩුවක් නෑ.

    ReplyDelete
  2. මතක මංපෙත...

    හරියටම හරි කිවුවා.
    පළමු ලිපිය මෙ වගේ හතරගුණයක් විතර ඇති.
    ඒකේ ලියාපුවා දැන් මට මතකත් නැහැ.
    ආයෙත් අප්සට් යයි කියලා බයට කෙටියෙන්ම ඉවර කරලා ඉක්මනට පෝස්ට් කරලා හිටියා.

    ReplyDelete
  3. අඩෝ මම දැන් පැයක් විතර උඹේ මේක කියවනවා නියමයි
    මේක පොතකට ගන්න තරම් වටිනවා. ට්‍රයි එකක් දීපං . දවසක කතා කරමු.

    මරුවා

    ReplyDelete
  4. මාරයා ඔබ ලියන ලිපි සැමදාම කියවමි. නමුත් comment දමන්නේ මට යමක් කිවීමට ඇත්නම් පමණි. ඔබ ට අවශ්‍යය නම් මින් පසු කතාව කියවා initial එකක් දමන්නම්.

    ReplyDelete
  5. මේ චරිත ටික තමා එලකිරි,,,,

    ReplyDelete
  6. එළකිරි. ඕං ඒකත් කියෙව්වා.

    ReplyDelete
  7. කියවලා බැලුවා. කෙටියෙන් නමුත් රසවත්ව ලියල තියෙනවා.

    ReplyDelete
  8. (sama venna ona me singlish valin liyanavata mama blog balanne 4n ekenne.hamadama baluvata comment kale na.eth maraya nc marayek kiyvvama sahodara preme ehavaha giyane ekai comment kole) Hamadamath vage niyameta vistara karala thiyenava apith danna adurana dennek vage mun denna kiyala hithuna.

    ReplyDelete
  9. කෙටියෙන් වුණත් රසවත්ව ලියලා තියෙනවා..

    ReplyDelete
  10. හපොයි , මේ වගේ හතරක් දිග ලිපියක්!

    මෙන්න මගේ විසදුම:

    මෙන්න මේක බාගෙන ඉන්ස්ටොල් කර ගන්න.
    http://singreesi.vndv.com/download.htm
    ඊට පස්සෙ ඔෆ් ලයි සිංන්ගිලිශ් වලින් කොටන්න පුළුවනි. ඒකෙන්ම file -> save කියලා කරගත්තාම, අර ඉන්ග්‍රිසියෙන් කොටපුවා නොමල් text file එකක් විදිහට save වෙනවා. ආපහු ඕන වෙලාවක සිංන්ගිලිශ් වලටම ලෝඩ් කරලා, තව ඕන්නං එකතු කරලා, ලිපිය ඉවර වුනාම, සිංහල ටික කොපි කර ගන්න පුළුවනි. නෝමල්- යුනිකොඩ් පටලැවිල්ලක් එන්නෙ නෑ.

    ReplyDelete
  11. ඔබගේ ලිපි වැඩි ප්‍රමාණයක් මම කියෙව්වා. ඒවා ඉතා රසවත් ආකාරයට ලියා තියෙනවා. මේ කතාවල ආකර්ශණීය බව තියාගෙන මේ ලියන විදිහ කදිමයි . . . !

    ReplyDelete