අත්තනගල්ලේ හොල්මන‍් ගැහැණිය මාරයාගේ කැමරාවට හසු වේ...

මෙන්න පොට් එක... බලන්න හොඳට හොල්මන පේනවද කියලා...

මේ තමා පහුගිය දවස්වල අත්තනගල්ල පැත්තෙන් ආරංචි උන හොල්මන නිතර ගැවසෙන තැන...

ඔය හොල්මං කතාව සරුවට නැගලා යන හින්දා මාත් ගියා පහු ගිය දවසක ඒ පැත්තේ..ඇයි යකෝ ජීවිතේට ඔහොම එකක් බලාගන්න ලැබෙනවයි කියලයෑ... මං ගියේනං රෑ දහයට විතර..පැත්ත පළාතේ බලු බල්ලෙක් නැහැ..ඒත් ඉඳ හිට වාහනයක් දෙකක් යනවා.. ඒ යන්නෙත් නැට්ටට පාගලා..මං හිතන්නේ හොල්මං කතාව දන්න හින්දා වාහනේට ගොඩ වෙයි කියලා... හැබැයි ඔහොම යද්දි යන්තං සුදු පාටක් දැක්කත් ඇති බය වෙලා ගිහින් කාගේ හරි තාප්පයක් ඉඹ ඉඹ ඉන්න...

මේ හොල්මං කතාව තියෙන්නේ ගොරකදෙණිය පාරේ..බොනෑගල ආසන්න ප්‍රදේශයේ..හරියටම කිව්වොත් අර කෆීර් දෙක වැටුනේ..ආන්න ඒ කිට්ටුව..තමුන්නැහේලා දන්නවනේ මං ඉස්සර හිටියේ ඔය හරියේනේ..ඒකනේ කෆීර් දෙක වැටුන වෙලේ මං හිටු කියලා ඒ පොවුර්තිය ගෙනාවේ...

හොඳට බලා ගන්න මෙන්න මැප් එක...

ඔය රතුපාට පුංචි තිත් දෙක තියෙන්නේ කෆීර් දෙක වැටුන තැන්..එතකොට ලොකු රතු තිත තමා හොල්මන යැයි සැක කරන අයගේ ගේ පිහිටි හරිය...රෝස පාටින් දැක්වෙන්නේ මං කලින් හිටිය ගේ... එතකොට කොල පාට පුංචි රවුම තමා ඔය උඩින් තියෙන බස් නැවතුම..මගේ වැඩ පොලත් හොයාගන්න පුළුවන් වෙයි මං හිතන්නේ හොඳට බැළුවොත්.. එතකොට පින්තූරේ තරමක් තද පැහැයෙන් දැක්වෙන්නේ මේ හොල්මන සක්‍රීය ප්‍රදේශය තමා..හරිනේ ඔන්න සිතුවම් සහිත හොල්මං වාර්ථාකරණය...හැමදාම නැහැ හැමතැනම නැහැ...

ඉතිං ඔය කියන හොල්මන ගැවසෙනවාය කියන බස් නැවතුම අසල ප්‍රදේශයේ ටිකක් ඇවිදලා බලන්න ඕන කියලා මට හිතුනේ ඔය හරියේ මමත් නිතර ගැවසුන හින්ද තමා... මං උදේ හවා වැඩට යන එන තැනනේ ඔය..ඔය කියන ගෑණු ළමයත් හැමදාම වැඩට යන්න බස් එකට නැග්ගේ ඔය බස් නැවතුමෙන් තමා..මං දැකලත් ඇති..ඒත් හරියටම නිච්චියක් නැහැ..දන්නවනේ ඉතිං මං ඔය බස් හෝල්ට් ගානේ ඉන්න ගෑණු ළමයි දිහා බල බල යන කෙනෙක්යෑ ආයිබෝං..හා නැද්ද හා...

ඉතිං මේ හොල්මං කතාව නැගලා යනකොට අහල පහල දන්න අය වෙච්චි අපි එපෑ හොයලා බලන්න..ඉතිං මාත් අදහස් කොලා මේකත් හොයලා බලන්න.. ආන්න එහෙම හිතලා මං කරුණු රැස් කලා..ඒකට හොඳම කෙනා තමා රමණි අක්කා..දන්නවනේ ඒ කවුද කියලා..දන්නේ නැත්තං මෙතනින් බලා ගන්න කවුද ඒ කියලා..

ඉතිං මේ හොල්මං කතාව ගැන හොයාගන්න ඕන වෙලා මං දවාලේ රමණි අක්කට කෝල් කලා..උන්දෑනං කිව්වේ දැකපු අය ඉන්නවා උනත් තාම උන්දැටනං හම්බ උනේ නැහැ කියලයි... හැබැයි හැම එකාම පාරේ යන්නේ පරාණ බයේ හින්දා දැන් උන්දැටවත් හවහට කඩේකට යන්න හැටියක් නැහැ කියලා... කොටින්ම මේ ළගකදී පොලිසියේ දෙන්නෙකුත් බයික් එහෙක නැගලා කතාවක් දාගෙන ඇවිත් එක පාරටම රමණි අක්ක වංගුවෙන් මතු වෙලා දැක්ක පාර හොල්මන මතක් වෙලා මෙන්න යකෝ අර ගෑණි කියාගෙන ඇරලා දාලා ගිහිං..ටික දුරක් යද්දී ආයෙම තේරිලා බයික් එක ස්ලෝ කරලා හිනා වෙවී ගිහින්...

ඉතිං කොහොම හරි මේක යට තියෙන්නේ අර මෙයිට ටික දවසකට කලියෙන් නුවර එළියේදී මිය ගිය යුවළගේ කතාව තමා..මතකනේ අර කාමරේ හීතල නැති වෙන්න බාබකිවු උඳුනක් කාමරෙන් තියාගෙන ඉඳලා ඒකේ දුම විෂ වෙලා මලයි කිව්වේ.. ආන්න ඒ ජෝඩුවේ ගෑනු ළමයා තමා මේ හොල්මන් කරන්නේ කියලයි කියන්නේ..හැබැයි ඒ කතාවට හරියන්න තව හුගක් කතා තියෙනවා උනත් කාටවත් අපහාස කරන්න ඕන කමක් නැති හින්දා ඒවා ලියන්න විදියක් නැහැ. කොහොම උනත් ගෙදරට යා ගන්න බැරි හින්දා ඒ අවටම සරනවා කියලයි කියන්නේ...

ඉතිං මාත් රෑ ජාමේ ගියා අහම්බෙන්වත් මටත් හම්බ උනොත් කියලා හිතං... ඉතිං දහයට කිට්ටුව ගිහින් එකොලාමාර විතර වෙනකල් ඒ හරියේ එහෙට මෙහෙට කැරකිලා ආයේම ඇවිත් ඔය කියන බස් හෝල්ට් එක අහලත් බලං උන්නා උන්නා..ම්හූ.. මං හිතන්නේ එදා නිවාඩු දවසක්ද කොහේද..? බැරිම තැන මං එතන පොටෝ එකක් ගහං ආපහු ආවා... ඒත් ඇවිත් බලද්දිනේ දැක්කේ මේ පොටෝ එකේ හොල්මන ඉන්නවනේ.. ඔයාලා හොඳට බලන්න... පේනවද කියලා...