16 July 2012

ඒ බිහිසුණු රැය...

රැය එළඹිණ... වේලාව කීයට ඇද්දයි මා නොදනිමි...

ඒ වන විට තාත්තා සිටියේ නිවසේ ඉදිරි කොටසේය..මමත් මල්ලීත් අම්මාත් සුපුරුදු ලෙසින් ගෙයි දෙවන කොටසේ සිටියේ... තාත්තා ඒ වන විට නිවසේ ඉදිරි කොටස වූ කඩ කාමරයේ බිම පැදුරක් එළාගෙන කාඩ් බඩු සකස් කරමින් සිටියේය... දල්වන ලද ඉටිපන්දමක් හිස් කිරිපිටි ටින් එකක් උඩින් සවිකර කියත් පටියකට සිර කොට අල්වාගත් සෙ‍ලෝෆේන් කවර සීල් තබමින් කසාය පැකට් සකස් කිරීමක් හෝ කුළු බඩු පැකට් කිරිමක් හෝ සිදු කෙරිණි.

මා නින්දත් අඩ නින්දත් අතරේ පසු වෙමින් අප සිව් දෙනාගේම පොදු සිරි යහන වූ නිවසේ තිබූ එකම ඇඳ මත වැටී උන් අතර අම්මා සිටියේ ඇ‍ඳේම වැතිරී මට කතන්දරයක් කියා දෙන අතරේම මල්ලීට කිරි දෙමිනි... සියල්ල ඉතා සාමකාමීව පැවතිණි...

එක්වරම දොරට ගසන ශබ්දයක් ඇසිනි... එය එතරම්ම නුපුරුදු කාරණයක් නොවේ.. මක් නිසාද යත් වේල පහින් ගන්නට බැරි වූ කුමක් හෝ දෙයක් මිලදී ගැනීමට හිටි හැටියේ එන ගම් වැසියන් මෙසේ රාත්‍රී කාලයේ දොරට ගසමින් කරදර කිරීම ඒ වන විට අපට හුරු වී තිබුණු නිසාය... මා සිතුවේත් මේ එවැනි කවුරුන් හෝ යැයි කියාය...

සුපුරුදු පරිදි එසේ දොරට ගැසූ ශබ්දයෙන් පසුව තාත්තාගේ කට හඩ නික්මිණි...

"කවුද..?"

පිළිතුරක් නැගුණි..ඒත් එය එතරම්ම පැහැදිලිව අපට අසුනේ නැත.. එහෙත් තාත්තා සිටි තැනින් නැගිට ගොස් දොර අරින හඩ අපට ඇසිණි... තත්පර කිහිපයක් ගෙවී යන්නට විය...තත්පර මිනිත්තුවක් බවට හැරෙන්නට විය...දොර හරින හඩින් පසුව කිසිදු ශබ්දයක් නොවූ නිසා අපගේ අවධානය ඒ දෙසට යොමු වූයේ නිරායාසයෙන්මය...

වෙනදා නම් මෙසේ දොර ඇරිය පසුව ගන්නට ආ බඩුවල මිල ගණන්..ප්‍රමාණ ආදිය දෙපාර්ශවයෙන්ම කියැවෙනවා ඇසෙයි..එහෙත් අද සියල්ල නිශ්ශබ්දය... සිදු වන්නේ කුමක්ද...?

හිටි හිටියේම ශබ්ද නැගෙන්නට විය...

(නිදිමතයි... අනිත් ටික හෙට...සමාව බාජනේට...)



44 comments:

  1. Replies
    1. මට නූලෙන් මිස් උනේ

      Delete
    2. මොන බම්බුවක් ද? නිදිමතයි කියල හරියන්නෑ. මේක රබර්වගේ අදින් නැතුව ලියන්ඩකෝ අෆ්ෆා .....

      Delete
    3. @ අවතාර්,

      ඒකනේ මල්ලී .... අපායට යතත් ඉස්සෙල්ල. :)

      Delete
    4. මෙන්න බය හිතෙන කතාවක්!

      එදා බොහොම කළුවර රාත්තිරියක්. ‍රැහැයියන්ගේ මහා මූසල ගෝසාවෙන් කණ් අඩි පැලෙන්න වගේ, ඒ අස්සේ බකමූණෝ හූම් හූම් ගානකොට ඇඟේ ලේ වතුර වෙලා යනව. එකපාරටම ලයිට් ගියා. මම හෙමිං ගිහින් ජනේලේ ගාවට ගිහිං ඒක වහන්න හදද්දී සුදු පාට උල් දත් දෙක විලිස්සාගෙන ආපු මා වලුලෙක් මගේ බෙල්ලේ ගෑවීගෙන කරණමක් ගහල අහකට ඉගිලං ගියා, ඒ වෙලාවේ මගේ ඇඟේ මවිල් කෙලින් හිටගත්ත. කකුල් දෙක සට සට ගාල ගැහෙනකොට මම හෙමින්ම ඇඳ ගාවට ගාටලා ඇඳේ හාන්සි වුණා. මුළු ඇඟම සීතල වෙලා, රෙද්ද තදට පොරෝගෙන බුදියගන්න ඇස් දෙක පියාගන්න හදනකොටම එකපාටම කාමරේ දොර ඇරුණා. ඒ දොරෙන් ආවෙ අවුල් වෙච්ච කොණ්ඩෙ කඩා ගත්ත ගෑණියෙක්. එකපාට්ටම..... "පුතා පුතා පියුස් එක ගිහින් වගේ, දාල දෙන්නකො..."

      Delete
  2. ඔන්න මාරයියා කරපු දේ පපුව පත්තු වේගෙන ආවා විතරයි

    ReplyDelete
  3. This comment has been removed by the author.

    ReplyDelete
  4. මාරයෝ අදිනවා වැඩියි නෙව?

    ReplyDelete
  5. මේ ටිකත් හෙටම දැම්මනම් ඉවරයිනේ අෆ්ෆා.

    ReplyDelete
  6. මාරයා නම් නිදාගනියි. කුතුහලේට අපිට නින්ද නැති කරල. කැතයි හොදේ...

    ReplyDelete
  7. හෆූඌඌඌඌ ගිහින් එක පාරම ඩොයියගන්න නේ ටිබ්බෙ මියා උයාට...උෆ්ෆ්ෆ් ග‍්රර‍්රර් %$?^@]*°#!!!

    ReplyDelete
  8. තනිකම ආත්මය කරගත්.. වින්දනීය මනසක උරුමය ඇතුව උපන්.. තවත් එක කරුමක්කාරයෙක්...

    ReplyDelete
    Replies
    1. හෙහ් හෙහ් ... අවසර අරන්ද ඕක කොපි කරේ.

      කරුමක්කාර මාරයෙක් !

      Delete
  9. මටත් නිදිමතයි...කොමෙන්ට් හෙට ..සමාව භාජනේට :D

    ReplyDelete
  10. කුතුහලය රඳවගන්න නිදිමත හදාගත්ත නේද?

    ReplyDelete
  11. මෙගා සීරියල් අධ්‍යක්ෂණයකට පුරුදුවෙනවද?
    බැරිවෙන එකක් නෑ.. හරි තැනින් 'මතු සම්බන්ධයි..' කියලා තියෙනවා. :D

    ReplyDelete
  12. කතාව පටන් ගත්තා විතරයිනේ.... ඉක්මනට හෙට වෙන්ඩෝ...

    ReplyDelete
  13. ආ තව චුට්ටක් ඇවිත් නේ

    ReplyDelete
  14. අප්පට සිරි මෙයාගෙ තියන ගනන් දැන්..හරි හරී... මොකෝ ලොකු පැලැන්තියෙ ගෑනුලමයි බටහිර රටවල ඉන්න ගෑනුලමයි ආශ්‍රය කරන නිසාද?

    ReplyDelete
    Replies
    1. ඒ වගේ. ඒ මදිවට යළි නැගිටින රාවණාගේ ළඟම ගෝලයෙක්... දැන්මම හරි ගණන්.

      Delete
  15. ඕකනේ ඉතින් කියන්නේ.. අපි නිදිමරාගෙන කියෙවුවා.. මෙයාට ලියන්න බෑ... :)

    ReplyDelete
  16. මෙගා නාට්ටිය

    ReplyDelete
  17. මොනාද හලෝ මේක ඇදෙනවා වැඩියි වගේ...............!!!!

    ReplyDelete
  18. නිකන් දෙන එකේ දත් මොකට ගනිනවද ?
    ඔය හොඳා .... :)

    ReplyDelete
  19. හ්ම්ම් ඔහොම යමුකො .

    ReplyDelete
  20. මොනවද බං ජරා වැඩ කරන්නේ

    ReplyDelete
  21. "අද සියල්ල නිශ්ශබ්දය... සිදු වන්නේ කුමක්ද...?"

    …ඇත්තටම මේ සිදුවන්නේ කුමක්ද ???? :D

    ReplyDelete
  22. දැන් නැගිටහං.

    ReplyDelete
  23. තාම නිදිද මන්දා.

    ReplyDelete
  24. ඉතුරු කෑල්ල එනකොට...
    සමාව දාන්න තිබ්බ භජනේ වෙනුවට බැරල් එකක් තියන්න වෙයිද මන්ද.....

    ReplyDelete
  25. හරි බලමුකෝ ඉතුරු එකත් :-) :-)

    ReplyDelete
  26. කවුද ඔව්වට වග කියන්නේ....... :D

    ReplyDelete
  27. මොනවා කරනවද මන්දා?? බාගෙට කතා ලියනවා. :P

    ReplyDelete
  28. මදැයි ඉවසුවා.. කෝ ගනිල්ලා කඩු කෙටේරි ටික..ඇයි යකඩෝ මේම ඉවසන් ඉන්න හැකිය ?

    ReplyDelete
  29. මොන බම්බුවක්ද යකෝ....:DDD
    නිදිමත නම් නිදාගනින්....:D

    ReplyDelete
  30. කෝ ඉතින් මේක ඉතුරු හරිය.. :P

    ReplyDelete
  31. ඇත්තම කියන්නද.. මට උඹ අහුවෙන තැනක හිටියානම් ... අයි යකෝ මෙහෙමත් කතාවල් හිටෝනවද හිටි හැටියේම ?

    ReplyDelete
  32. කථාව අතර ඇඩ් එකක්. . .

    ReplyDelete
  33. මේ චුට්ටත් හෙටම දැම්මනම් ඉවරයි. බලන්න කී දෙනෙක්ගේ ආතල් එක කැඩිද කියලා ?

    ReplyDelete
  34. විරූපවාහිනියේ ලෙඩ බෝ වෙලාද...... ???? :-)

    ReplyDelete
  35. මටත් නිදි මතයි බං.... නැගිටලාම කියවන්නම්....!

    ReplyDelete
  36. අඩේ මේක බලන උං කවුරුහරි එකෙක් මට පොඩි උදව්වක් කරපල්ලා. මේකා මේක ලියලා ඉවර වෙච්ච දවසක මගෙ බ්ලොගේ කමෙන්ට් එකක් දාපල්ලා. එතකොට මට ඇවිත් ඔක්කොම කෑලි ටික එක දවසෙන් බලලා ගියෑකි ලේ පුච්චා ගන්නෙ නැතුව.
    henryblogwalker the Dude

    ReplyDelete