ඇනෝ ගිහින් හොඳ හැටි දොස් කියා වරෙන්...

දුම්බර නොවෙයි බස් නාහිර සිටින්නේ..
කරවල තමයි වැඩි වැඩියෙන් බුදින්නේ..
දුක් දෙන අලි ඉතිං බලයේ නොයින්නේ..
මාරයා මමයි මේ වගේ කවි කියන්නේ..

තණ්ඩලේ තනිව මම බර අදින්නේ..
මණ්ඩලේ හෙම කචල් එතකොට නොවන්නේ..
කටු කැලේ නෙවයි නිට්ටඹු සරන්නේ..
මේ වගේ කවිත් ඉඳ හිටලා කියන්නේ..

එගොඩ ගො‍ඩේ නොව මෙගොඩේ සිටින්නේ..
කනුවක නම් බඳිනට  සිදු නොවන්නේ..
නිදහසේ තමයි හැමදා සිටින්නේ..
මාරයා ලිහපු හරකෙක් වගෙයිනේ..

ඔන්න මලේ සිංහල බ්ලොග් බලා වරෙන්..
හිතුනොත් හෙම කොමෙන්ටුවක් දමා වරෙන්..
කොමෙන්ට් නැතත් රීඩරයෙන් බලා වරෙන්..
ඇනෝ ගිහින් හොඳ හැටි දොස් කියා වරෙන්..

ලස්සන සයිබරේ බ්ලොග් පිටු ලියන්නේ..
දුක් දෙන ඇනෝලා පලවා හරින්නේ..
හිට් දෙන භවතුනේ නුඹලා නිසානේ..
දුප්පත් උනත් අපි සැමදා රැකෙන්නේ..