මාරයාට නෑනාගෙන් මසාජ්... මට කෙල උන හැටි අංක 1

කලින් ලිපියෙන් මං කිව්වනේ රංගිගේ මීයා කපපු කතාව... දැන් තමා ඔන්න රංගිගෙයි මගෙයි ඊ ළග කතාව ආරම්භ වෙන්නේ... එතකොට අපි ලොකු ළමයි... ලොකු කිව්වට ඉතිං ලොකුමත් නැහැ..හරියටම කිව්වොත් මං ඕ ලෙවල් කරලා ප්‍රතිඵල එනකල් ගෙදර ඉන්න කාලේ... ඒ කියන්නේ වයස අවුරුදු 16ක් 17 වගේනේ නේද..?

මං ඕ ලෙවල් කරනකොට රංගි ඒ ලෙවෙල් කරලා අහවරයි... හැබැයි විභාගේ කොට උඩ... ඒ හින්දා එයාත් ගෙදර... ඔන්න ඕක තමා මේ කතාව ආරම්භ උන කා‍ලය...

අමුතුවෙන් කියන්න ඕනයෑ... ඕ ලෙවල් ලිව්වට පස්සේ කොල්ලෝ කියන්නේ ලණුව ලිහාපු හරක් වගේනේ... මමත් ඉතිං එයින් වැඩි වෙනසක් උනේ නැහැ... දහ අතේ ඇවිඳිනවා.. කීය කීය හරි හොයනවා... ඔහොම දවස් ගෙවීගෙන යනකොට මෙන්න අපේ මෑණීයන් වහන්සේ දවසක් මහ ගෙදර ගියා... මහ ගෙදර තියෙන්නේ ඉතිං අර මට හතුරුකං කරපු හාදයගේ ගෙවල් කිට්ටුව... ඉතිං මෑණියන් වහන්සේ තනියම ගියත් ආවේ තනියම නෙවෙයි... තව කෙනෙකුත් එක්කාසු කරගෙන..ඒ තමා මගේ නෑනා පොඩ්ඩ..රංගි...

කවදාවත් නැතිව රංගි විතරක් අපේ ගෙදර ආවේ මොකද කියලා මෑණියන් වහන්සේගෙන් විමසපුවාම උන්දෑ කිව්වේ අපූරු කතාවක්...

"ඒ පැත්තේ කොල්ලෙක් රංගි පස්සේ එන්න අරං මෙයාට පංතියකටවත් යන්න විදියක් නැහැ.. ඒ හින්දා සීයා (මෑණියන්ගේ පියාණෝ..) කිව්වා රංගිව ටික දවසක් මෙහෙ තියාගන්න කියලා.."

හා ඉතිං මගෙ මොකද... මොනවා උනත් නෑනා පොඩ්ඩනේ..එළවන්නයෑ... එහෙම හිතාගෙන මං නිකං හිටියත් වේලපහම මං නීති රීති මතක් කලා.. ඒ තමා කිසිම ආකාරයකින් මගේ වැඩවලට ඇඟිළි ගැසීම..මගේ කාමරයට යෑම ඒම තහනම්... ඒ නීතිය ඉතිං රංගිට විතරක් නෙවෙයි අපේ ගෙදර හැමෝටම පොදු නීතියක් ඒ දවස්වල... මං කොහේ හරි ගියත් යන්නේ කාමරේ වහලා යතුර අරං... මට හිතුනොත් තමා කාමරේ අස් කරන්නේ අතු ගාන්නේ.. එහෙම නැත්තං ඒක ඔහේ පාළු බංගලාව වගේ ඔහේ තියෙනවා... මගේ වැඩ මං තනියම කරගන්න පුරුදු වෙලා හිටිය හින්දා ආයේ කවුරුවත් ඕකට එබෙන්න උවමනාවක් තිබුනේ නැහැ. අනිත් එක එබෙන්න දීලා කොහොමද... කාමරේ බිත්ති පුරාම රවීනා තන්දන්..ජුහී චව්ලා..මධුරි ඩික්සිත්... අනූ අගර්වාල්..මම්තා කුල්කර්නිලා පදිංචි වෙලා...එහෙම එකට අරයට මෙයාට එබෙන්න දෙන්නේ කොහොමද..?

අනිත් වැදගත්ම නීතිය තමා රෑ නවයෙන් පස්සේ ටීවී බැලීම සම්බන්ධව...

ඔය කාලේ වෙනකොට මං කවදාවත් රෑ නවයට කලින් ටීවී බලනවා අඩුයි..ටී වී බලනවා තියා ගෙදර ඉන්නෙත් එහෙමත් දවසක තමා... හැම තැනම රස්තියාදු ගහලා රෑ නවයට කිට්ටු වෙන්න ගෙදර ඇවිත් එහෙමම ගේ පිටි පස්සට ගිහින් ෂවර් එක ඇර ගත්තා නෑවා ආවා..තියෙන දෙයක් බෙදා ගත්තා කෑවා... තව කවුරුවත් කන්න නැත්තං වළං ටිකත් හෝදලා දාලාම වැඩ අහවර කලා... එයින් පස්සේ කෙලින්ම ටීවී එක ළගට... ඒ කාලේ ඉතිං සිරස එකේ හිටු කියලා ඉංගිරිසී කතා යනවා සිංහලෙන් අකුරු දදා... එව්වත් හරි ජාති එව්වා... එයිට කලින් තිබුනු ජාතිකෙයි අයිටීඑන් එකෙයි වගේ නෙවෙයි හිටි හැටියේ කොටු කොටු දාන මට්ටමේ ඒවා... ඒත් ඉතිං හැම වෙලේම කොටු කොටුත් නැහැනේ... ඒ හින්දා කුල්මත් දෑසින් බලං ඉන්න ඇහැකි කතා තමා යන්නේ.. ඒ අතරට හින්දි චිත්‍රපටි...

අපරාදේ කියන්න බැහැ අපේ ගෙදර උදවිය නවෙන් පස්සේ දොයි... ඉතිං මට එයින් පස්සේ ටීවී එක ලියා දීලා වගේ තමා... සමහර විට තදබල රූපරාමු සහිත කතා යන දවස්වලට මං කෙලින්ම ටීවී එක රැක් එක පිටින්ම තල්ලු කරං යනවා කාමරේටම... නවෙන් පස්සේ මගේ උනාට නවයට කලින් මං ගෙදර අය බලන කිසිම වැඩසටහනකට බාධා කරන්න යන්නේ නැහැ... එයාලා බලන එකක් මටත් හිතුනොත් බලනවා... නැත්තං නිකං ඉන්නවා... අන්න ඒ හින්දා ඔය නීතියත් තදින්ම ක්‍රියාත්මක වෙන්න ඕන කියලා මං කල් ඇතිවම ප්‍රකාශ කලා...

ඔන්න දැන් නීති රීතී කියවා අවබෝධ කරවා දීලා ගිවිසුම් ප්‍රාකාරව රංගිත් සාමකාමීව ගෙදර ඉන්නවා... අම්මටත් දුවලා නැති හින්දා රංගිට බොහොම ආදරෙයි... මමයි මල්ලියි ගෙදර ඉන්නවා අඩු හින්දා දෙන්නත් එක්ක මළු ලිහාගෙන යහතින් ටික දවසක් ගෙවිලා ගියා... ඔන්න ඔහොම ඉද්දී තමා ගෙදර තත්වය ටිකෙන් ටික වෙනස් වෙන්න ගත්තේ...

අපේ මල්ලිගේ වගේම මගෙත් පුරුද්දක් තිබුනා අම්මා දිග සැටියේ වාඩි වෙලා ඉන්නවනං දුවලා ගිහින් එකේ නිදාගෙන උකුලෙන් ඔළුව තියං ඔළුව අතගාව ගන්ට... ඉස්සර උන එකා දිනුං..අනිකට හුළං... ඔය වෙලාවට ඉතිං වැඩි වාසිය මල්ලිට... මං ගෙදර එන්න පරක්කු හින්දා හැමදාම මං එනකොට මල්ලි ස්ථානගත වෙලා ඉවරයි... ඉතිං ඔය සම්බන්ධව අවුල තියෙන කොට රංගි සිය කැමැත්තෙන් ඉදිරිපත් උනා මගේ ඔළුව අත ගාන්න...

දිග සැටිය මල්ලි අල්ලගන්න හින්දා මං පුරුදු වෙලා හිටියා ගෙදර තිබුන අඩි දෙකක් විතර පළල අඩි හතරක් විතර දිග මේසයක් වගේ හැඩයක් තිබුන ස්ටූල් එහෙක දිගෑදෙන්න..ඒකේ ඉහ පැත්තට ඇඳි පුටුවක් කිට්ටු කරලා කුෂන් ටිකක් දාගත්තම සාලේ මැද්දේ ඇඳක් හදා ගත්තා වගේ තමා... 

ඔළුව අතගාවා ගැනීමේ තරඟයෙන් මල්ලි දිනලා මං ඥාව් වෙලා ඉන්කොට මෙන්න රංගි ඉදිරිපත් උනා...

"කෝ ඉන්නවා මං තමුසෙගේ ඔළුව අතගාන්න..."

හප්පද බව් බව්... හාකෝ... මල්ලි ටිකක් ඔරොප්පු උනාට මේ වැඩේට මටත් මොකද ඔළුව අතගෑවෙනවනං... ඒත් ඉතිං ටිකක් ගණන් උස්සලා තමා මං ඒකට ඉඩ දෙන්නේ...

"තමුසේ මගේ අම්මයෑ... ඔළුව අතගාන්න..."

"අම්මා මොකද නෑනා මොකද හප්පේ ලොකු මස්සිනා පොඩ්ඩගේ ‍ලොකුකම..මෙන්න මෙහෙ එනවා" කියලා ඇඳලා අරං ඔන්න රංගි පටන් ගන්නවා මගේ ඔළුව මසාජ් කරන්න... හනෙ හප්පේ... ෂැප කනේ...

ඔන්න ඔහොම රංගි මාව ටික ටික ෂේප් කරගත්තා... මුලින් මුලින් වැඩි කතා බහක් නැතිව ගෑස් පිට හිටිය මං මොකාද එකා වගේ හීලෑ උනා කිව්වොත් තමා හරි...

ඔන්න දැන් ඉතිං ඔහොම ටික කලක් යද්දී අර නවයෙන් පස්සේ මට තනි අයිතියට ටීවී බැලීමත් නැති උනා... රංගි නිකංම ඒ නීතිය කඩලා දැම්මා... මටත් ඉතිං ඒ වෙනකොට වැඩි සද්දයක් දාන්න පුළුවන් කමක් තිබුනේ නැහැ.. මොකද නවය වෙනකල්ම ඔළුව අතගාවගෙන නවයෙන් පස්සේ එළවන්නයෑ...

අම්මලා අට හමාරට තියෙන කතා බලලා නවය වෙනකොට නින්දට යද්දී රංගි ඉතිරි වෙනවා මාත් එක්ක රෑට යන කතා බලන්න... ඔන්න ඔහොම ඉද්දී තමා අතිභයංකර දේ සිද්ධ වෙන්නේ... ඒ කියන්නේ 18+ කෑල්ල...

හා හා දෙකට කිස්ටුයි..තව ටිකෙන් මෙහෙට ලයිට් කපයි..එයිට කලින් මේක පෝස්ට් කරමු...