වැහි බයිලා...

ගිරාම සේ වකල උනේ
යූ ඇන් පී බත් ගොට්ටෝ...
සමෘද්ධි බට්ටන් හැදුවා
ඒ වෙනුවට අපෙ ඇත්තෝ...

උනුත් එකයි මුනුත් එකයි
කියල කිව්ව බලු නැට්ටෝ...
අහු උනාම වැව්ටික
හාරං කෑවා රතු ඇත්තෝ...

ඒ පැත්තෙන් මේ පැත්තට
එක පාරක් පැන්න පුතේ...
මේ පැත්තෙන් අර පැත්තට
ආයෙත් පැන්නානේ පුතේ..

කොයි පැත්තෙන් කොයි පැත්තට
උන් පැන්නත් අනේ පුතේ...
වඳුරන් හට කතිර තාම
අපිත් ගහනවානේ පුතේ...

පායනකොට නියගේ ඇවිත්
ඒකට ආධාර දෙනවා..
දැන් හොදටම වහින කොටත්
ගංවතුරට සහන දෙනවා..

පෑවිල්ලට වතුර නැතිව
පැය දෙක තුන කරන්ට් යනවා...
වහිනකොටත් ගස් වැටිලා
ඒ සෙතේම අත් වෙනවා...

ඊයේ පටන් ගත්ත වැස්ස
මෙහෙ තාමත් දෝර යනවා...
වැස්සේ තෙමි තෙමි ගිහිල්ලා
ගේට්ටු ඇර දාලා එනවා...

ගෙදර යන්න හිටියට මම
අදත් ඩියුටි ඉන්න වෙනවා...
කම්මැලි කම නැතිව යන්න
මල විකාර පද ලියනවා...

අගක් නැතේ මුලක් නැතේ
එක එක අතටත් ලියැවේ..
කොයි කොයි අත ගියත් මොකද
තවත් පෝස්ට් එකක් වැටේ...